Hum se Hafs Bin Umar ne bayan kiya, kaha hum se Shuba ne bayan kiya, un se Jabalah ne bayan kiya ke hum baaz ahl-e-Iraq ke sath Madinah mein muqeem thay. Wahan humein qahet mein mubtala hona para. Abdullah Bin Zubair (Radi Allahu Anhuma) khane ke liye humare paas khajoor bhijwaya karte thay. Aur Abdullah Bin Umar (Radi Allahu Anhuma) jab humari taraf se guzarte to farmate ke Rasul Allah (Sallallahu Alaihi Wasallam) ne (doosre logon ke sath mil kar khate waqt) do khajoor ko ek sath mila kar khane se mana farmaya hai magar ye ke tum mein se koi shakhs apne bhai se ijazat lay lay
.