Hum se Ahmad Bin Shabib Bin Saeed ne bayan kiya, kaha ke hum se humare walid ne bayan kiya, un se Yunus ne ke Ibn Shihab ne bayan kiya, un se Ubaidullah Bin Abdullah Bin Utbah ne bayan kiya, aur un se Abu Hurairah (Radi Allahu Anhu) ne bayan kiya ke Rasul Allah (Sallallahu Alaihi Wasallam) ne farmaya, agar mere paas Uhud pahar ke barabar bhi sona ho tab bhi mujhe ye pasand nahi ke teen din guzar jayein aur is (sone) ka koi hissa mere paas reh jaye. Siwa is ke jo mein kisi qarz ke dene ke liye rakh chhoron. Is ki riwayat Salih aur Aqeel ne Zuhri se ki hai
.