Hum se Abdullah Bin Muslimah Qanabi ne bayan kiya, kaha ke hum se Imam Malik (Rahimahullah) ne bayan kiya, un se Hisham Bin Urwah ne aur un se un ke walid ne aur un se Aisha (Radi Allahu Anha) ne bayan kiya ke Ashura ke din zamana-e-jahiliyat mein Quraish roza rakkha karte thay aur Rasul Allah (Sallallahu Alaihi Wasallam) bhi rakhte. Phir jab aap (Sallallahu Alaihi Wasallam) Madinah tashreef laye to aap (Sallallahu Alaihi Wasallam) ne yahan bhi Ashura ke din roza rakkha aur is ka logon ko bhi hukm diya. Lekin Ramzan ki farziyat ke baad aap ne is ko chor diya aur farmaya ke ab jis ka jee chahe is din roza rakhe aur jis ka chahe na rakhe
.