Hum se Ibrahim Bin Hamza ne bayan kiya, kaha ke hum se Abdul Aziz Ibn Abi Hazim ne bayan kiya, un se Yazid Bin Had ne, un se Abdullah Bin Khabbab ne aur un se Abu Saeed Khudri (Radi Allahu Anhu) ne, unhon ne Rasul Allah (Sallallahu Alaihi Wasallam) se suna ke Aap (Sallallahu Alaihi Wasallam) farma rahe thay, saum-e-wisal na rakho. Aur agar kisi ka irada hi wisal ka ho to sahari ke waqt tak wisal kar le. Sahaba (Radi Allahu Anhum) ne arz ki, ya Rasul Allah! aap to wisal karte hain aap ne farmaya ke mein tumhari tarah nahi hoon. Raat ke waqt ek khilane wala mujhe khilata hai aur ek pilane wala mujhe pilata hai
.