Hum se Uthman ne bayan kiya, kaha hum se Jareer ne Mansoor ke waaste se bayan kiya, woh Abu Waail se riwayat karte hain, woh Abu Musa Radhiallahu Anhu se riwayat karte hain ke ek shakhs Rasoolullah Sallallahu Alaihi Wasallam ki khidmat-e-aqdas mein haazir huwa aur us ne arz kiya ke ya Rasoolallah! Allah ki raah mein ladaayi ki kya soorat hai? Kiunki hum mein se koi ghusse ki wajah se aur koi ghairat ki wajah se jung karta hai to Aap Sallallahu Alaihi Wasallam ne us ki taraf sar uthaaya, aur sar isi liye uthaaya ke poochne waala khada huwa tha, phir Aap Sallallahu Alaihi Wasallam ne farmaaya jo Allah ke kalime ko sar-buland karne ke liye lade, woh Allah ki raah mein (ladta) hai.