Hum se Muhammad bin Bashar ne bayan kiya, kaha hum se Muhammad bin Jafar ne bayan kiya, in se Shubah ne bayan kiya, in se Hisham bin Zayd aur in se Anas razi Allahu anhu ne bayan kiya ke ek Yahudi ne ek larki ko is ke chaandi ke zewar ke lalach mein maar dala thu. Is ne larki ko patthar se mara phir larki Nabi Karim salla Allahu alaihi wasallam ke paas layi gayi to is ke jism mein jaan baqi ku. Nabi Karim salla Allahu alaihi wasallam ne poochha kiya tumhein falan ne mara hai? Is ne sar ke isharah se inkar kiya. Nabi Karim salla Allahu alaihi wasallam ne dobara poochha, kiya tumhein falan ne mara hai? Is martaba bhi is ne sar ke ishare se inkar kiya. Nabi Karim salla Allahu alaihi wasallam ne jab teesri martaba poochha to is ne sar ke isharah se iqrar kiya. Chunanche Nabi Karim salla Allahu alaihi wasallam ne Yahudi ko do pattharon mein kuchal kar qatl kar diya.

Hum se Abu Nuaym ne bayan kiya, kaha hum se Shayban Nahwi ne, in se Yahya ne, in se Abu Salamah ne aur in se Abu Hurairah razi Allahu anhu ne ke qabila Khuza-a ke logon ne ek aadmi ko qatl kar diya thu. Aur Abdullah bin Rajaa ne kaha, in se Harb bin Shaddad ne, in se Yahya bin Abi Kaseer ne, in se Abu Salamah bin Abd-ur-Rahman ne bayan kiya aur in se Abu Hurairah razi Allahu anhu ne bayan kiya ke fatah Makkah ke mauqa par qabila Khuza-a ne Bani Layth ke ek shakhs (Ibn Asua) ko apne jahiliyat ke maqtul ke badle mein qatl kar diya thu. Is par Rasool Allah salla Allahu alaihi wasallam khare huay aur farmaya ”Allah Ta'ala ne Makkah Mukarramah se hathiyon ke (Shah e Yaman Abraha ke) lashkar ko rok diya thu lekin us ne apne Rasool aur mominon ko is par ghalba diya. Haan yeh mujh se pehle kisi ke liye halal nahi hua thu aur na mere baad kisi ke liye halal ho ga aur mere liye bhi din ko sirf ek sa'at ke liye. Ab is waqt se is ki hurmat phir qaim ho gayi. (Sun lo) is ka kaanta na ukhara jaye, is ka darakht na tarasha jaye aur siwa is ke jo elaan karne ka irada rakkhta hai koi bhi yahan ki giri hui cheez na uthaye aur dekho jis ka koi azeez qatl kar diya jaye to usay do baaton mein ikhtiyar hai ya usay is ka khoon baha diya jaye ya qisas diya jaye.“ Yeh waz sun kar is par ek Yamani sahab Abu Shah naami khare huay aur kaha: ya Rasool Allah! Is waz ko mere liye likhwa dijiye. Nabi Karim salla Allahu alaihi wasallam ne farmaya yeh waz Abu Shah ke liye likh do. Is ke baad Quraish ke ek sahab Abbas razi Allahu anhu khare huay aur kaha: ya Rasool Allah izkhir ghaas ki ijazat farma dijiye kyunke hum usay apne gharon mein aur apni qabron mein bichhate hain. Chunanche Nabi Karim salla Allahu alaihi wasallam ne izkhir ghaas ukharne ki ijazat de di. Aur is riwayat ki mutabia-t Ubaidullah ne Shayban ke wasta se hathiyon ke waqia ke zikr ke silsila mein ki. Baaz ne Abu Nuaym ke hawala se «al-qatlu» ka lafz riwayat ka hai aur Ubaidullah ne bayan kiya ke ya maqtul ke ghar walon ko qisas diya jaye.

Hum se Qutaybah bin Saeed ne bayan kiya, unhon ne kaha hum se Sufyan bin Uyaynah ne bayan kiya, in se Amr bin Dinar ne bayan kiya, in se Mujahid bin Jubayr ne bayan kiya, aur in se Abdullah bin Abbas razi Allahu anhuma ne bayan kiya ke Bani Israeel mein sirf qisas ka rawaj thu, diyat ki surat nahi ku. Phir is ummat ke liye yeh hukm nazil hua «kutiba alaikumul-qisaasu fil-qatlaa» alkh. Ibn Abbas ne kaha «fa-man ufiya lahoo min akheehi shay-un» se yahi murad hai ke maqtul ke waris qatl e amd mein diyat par raazi ho jayein aur «fat-tibaa-um-bil-ma-roofi» se yeh murad hai ke maqtul ke waris dastoor ke muafiq qatil se diyat ka taqaza karein «wa adaaa-un ilaihi bi-ihsaanin» se yeh murad hai ke qatil achhi tarah khush-dali se diyat ada kare.

Hum se Abu al-Yaman ne bayan kiya, kaha hum ko Shuayb ne khabar di, unhein Abdullah bin Abi Husain ne, in se Nafi bin Jubayr ne bayan kiya aur in se Ibn Abbas razi Allahu anhuma ne bayan kiya ke Allah Ta'ala ke nazdeek logon (Musalmanon) mein sab se zyada mabghoozh teen tarah ke log hain. Haram mein zyadi karne wala, doosra jo Islam mein jahiliyat ki rasmon par chalne ka khwahish-mand ho, teesre woh shakhs jo kisi aadmi ka nahaq khoon karne ke liye is ke peeche lage.

Hum se Farwah bin Abi al-Maghraa ne bayan kiya, kaha hum se Ali bin Mushir ne bayan kiya, in se Hisham bin Urwah ne, in se un ke walid ne aur in se Aisha razi Allahu anha ne ke mushrikeen ne Uhud ki larayi mein pehle shikast khayi thi (doosri sanad) Imam Bukhari rahmahullah ne kaha mujh se Muhammad bin Harb ne bayan kiya, in se Abu Marwan Yahya ibn Abi Zakariya ne bayan kiya, in se Hisham ne, in se Urwah ne aur in se Aisha razi Allahu anha ne bayan kiya ke Iblees Uhud ki larayi mein logon mein cheekha. Ae Allah ke bando! Apne peeche walon se, magar yeh sunte hi aage ke Musalman peeche ki taraf palat pare yahan tak ke Musalmanon ne (ghalati mein) Huzayfah ke walid Yaman razi Allahu anhu ko qatl kar diya. Is par Huzayfah razi Allahu anhu ne kaha ke yeh meere walid hain, meere walid! Lekin unhein qatl hi kar dala. Phir Huzayfah razi Allahu anhu ne kaha Allah tumhari maghfirat kare. Bayan kiya ke mushrikeen ki ek jama'at maidan se bhaag kar Taif tak pahunch gayi ku.

(Is baab mein hadees nahi hai.)

Mujh se Ishaq ne bayan kiya, kaha hamain ko Habban bin Hilal ne khabar di, kaha hum se Humam bin Yahya ne bayan kiya, kaha hamase Qatadah ne bayan kiya aur in se Anas bin Malik razi Allahu anhu ne bayan kiya ke ek Yahudi ne ek larki ka sar do pattharon ke darmiyan mein le kar kuchal diya thu. Is larki se poochha gaya ke yeh tumhare saath kis ne kiya? kiya falan ne kiya hai? kiya falan ne kiya hai? Aakhir jab is Yahudi ka naam liya gaya to is ne apne sar ke ishare se (haan) kaha phir Yahudi laya gaya aur is ne iqrar kar liya chunanche Nabi Karim salla Allahu alaihi wasallam ke hukm se is ka bhi sar patthar se kuchal diya gaya. Humam ne do pattharon ka zikr kiya hai.

Hum se Musaddad ne bayan kiya, kaha hum se Yahya bin Zhuri ne bayan kiya, kaha hamase Saeed ne bayan kiya, in se Qatadah ne aur in se Anas bin Malik razi Allahu anhu ne ke Nabi Karim salla Allahu alaihi wasallam ne ek Yahudi ko ek larki ke badle mein qatl kara diya thu, Yahudi ne is larki ko chaandi ke zewaraat ke lalach mein qatl kar diya thu.

Ahal e ilm ne kaha hai ke mard ko aurat ke badle mein qatl kiya jaye ga. Umar razi Allahu anhune kaha ke aurat se mard ke qatl misl e amd ya is se kam doosre zakhmon ka qisas liya jaye. Yahi qaul Umar bin Abd-ul-Aziz, Ibrahim, Abu al-Zinad ka apne asatiza se manqool hai. Aur Rabee ki behen ne Nabi Karim salla Allahu alaihi wasallam ke zamana mein ek shakhs ko zakhmi kar diya thu to Nabi Karim salla Allahu alaihi wasallam ne qisas ka faisla farmaya thu.

Hum se Umar bin Ali Falas ne bayan kiya, kaha hum se Yahya bin Saeed Qattan ne bayan kiya, kaha hum se Sufyan Sawri ne bayan kiya, in se Musa bin Abi Aisha ne bayan kiya, in se Ubaidullah bin Abdullah ne aur in se Aisha razi Allahu anha ne bayan kiya ke Nabi Karim salla Allahu alaihi wasallam ke munh mein (marz-ul-wafat ke mauqa par) Aap ki marzi ke khilaf hum ne dawa daali. Nabi Karim salla Allahu alaihi wasallam ne farmaya ke mere halaq mein dawa na daalo lekin hum ne samjha ke mareez hone ki wajah se dawa peene se nafrat kar rahe hain lekin jab Aap ko hosh hua to farmaya ke tum jitne log ghar mein ho sab ke halaq mein zabardasti dawa daali jaye siwa Abbas razi Allahu anhu ke ke woh is waqt maujood nahi thay.