Hum se Muhammad Bin Muthanna ne bayan kiya, kaha ke hum se Maaz Bin Maaz Anbari ne bayan kiya, kaha ke hum ko Abdullah Bin Aun ne khabar di, un se Ziyad Bin Jubair ne bayan kiya ke ek shakhs Ibn Umar (Radi Allahu Anhuma) ki khidmat mein hazir hua aur arz ki ke ek shakhs ne ek din ke roze ke nazar mani. Phir kaha ke mera khayal hai ke wo peer ka din hai aur ittefaq se wahi eid ka din par gaya. Ibn Umar (Radi Allahu Anhuma) ne kaha ke Allah Ta'ala ne to nazar poori karne ka hukm diya hai aur Nabi Kareem (Sallallahu Alaihi Wasallam) ne is din roza rakhne se (Allah ke hukm se) mana farmaya hai. (Goya Ibn Umar Radi Allahu Anhuma ne koi qatyee faisla nahi diya)
.

Hum se Hajjaj Bin Minhal ne bayan kiya, kaha ke hum se Shuba ne bayan kiya, un se Abdul Malik Bin Umair ne bayan kiya, kaha ke mein ne Qaz'ah se suna, unhon ne kaha ke mein ne Abu Saeed Khudri (Radi Allahu Anhu) se suna, aap Nabi Kareem (Sallallahu Alaihi Wasallam) ke sath barah jihadon mein shareek rahe thay. Unhon ne kaha ke mein ne Nabi Kareem (Sallallahu Alaihi Wasallam) se char baatein suni hain jo mujhe bahut hi pasand aayiein. Aap ne farmaya ke koi aurat do din (ya is se zyada) ke andaze ka safar is waqt tak na kare jab tak is ke sath is ka shohar ya koi aur mahram na ho. Aur Eid-ul-Fitr aur Eid-ul-Adha ke dinon mein roza rakhna jaiz nahi hai aur subah ki namaz ke baad sooraj nikalne tak aur asr ki namaz ke baad sooraj doobne tak koi namaz jaiz nahi aur chauthi baat ye ke teen masajid ke siwa aur kisi jagah ke liye «shadd-ul-rihal» safar na kiya jaye, ”Masjid-ul-Haram, Masjid-ul-Aqsa aur meri ye masjid (Masjid-e-Nabwi)
.

Abu Abdullah (Imam Bukhari Rahimahullah) farmate hain ke mujh se Muhammad Bin Muthanna ne bayan kiya, kaha ke hum se Yahya Bin Saeed ne bayan kiya, un se Hisham ne bayan kiya ke mujhe mere baap Urwah ne khabar di ke Aisha (Radi Allahu Anha) Ayyam-e-Mina (Ayyam-e-Tashreeq) ke roze rakhti theen aur Hisham ke baap (Urwah) bhi in dinon mein roza rakhte thay
.

Hum se Muhammad Bin Bashar ne bayan kiya, kaha ke hum se Ghundar ne bayan kiya, kaha ke hum se Shuba ne bayan kiya, unhon ne Abdullah Bin Isa se suna, unhon ne Zuhri se, unhon ne Urwah se, unhon ne Aisha (Radi Allahu Anha) se (neiz Zuhri ne is hadees ko) Salim se bhi suna, aur unhon ne Ibn Umar (Radi Allahu Anhuma) se suna (Aisha aur Ibn Umar Radi Allahu Anhum) donon ne bayan kiya ke kisi ko Ayyam-e-Tashreeq mein roza rakhne ki ijazat nahi magar is ke liye jisay qurbani ka maqdoor na ho
.

Hum se Muhammad Bin Bashar ne bayan kiya, kaha ke hum se Ghundar ne bayan kiya, kaha ke hum se Shuba ne bayan kiya, unhon ne Abdullah Bin Isa se suna, unhon ne Zuhri se, unhon ne Urwah se, unhon ne Aisha (Radi Allahu Anha) se (neiz Zuhri ne is hadees ko) Salim se bhi suna, aur unhon ne Ibn Umar (Radi Allahu Anhuma) se suna (Aisha aur Ibn Umar Radi Allahu Anhum) donon ne bayan kiya ke kisi ko Ayyam-e-Tashreeq mein roza rakhne ki ijazat nahi magar is ke liye jisay qurbani ka maqdoor na ho
.

Hum se Abdullah Bin Yusuf ne bayan kiya, kaha ke hum ko Imam Malik (Rahimahullah) ne khabar di, unhein Ibn Shihab ne, unhein Salim Bin Abdullah Bin Umar (Radi Allahu Anhuma) ne aur un se Ibn Umar (Radi Allahu Anhuma) ne bayan kiya ke jo haji hajj aur umrah ke darmiyan tamattu kare isi ko Yaum-e-Arafa tak roza rakhne ki ijazat hai, lekin agar qurbani ka maqdoor na ho aur na is ne roza rakkha to Ayyam-e-Mina (Ayyam-e-Tashreeq) mein bhi roza rakhe. Aur Ibn Shihab ne Urwah se aur unhon ne Aisha (Radi Allahu Anha) se isi tarah riwayat ki hai. Imam Malik (Rahimahullah) ke sath is hadees ko Ibrahim Bin Saad ne bhi Ibn Shihab se riwayat kiya
.

Hum se Abu Asim ne bayan kiya, un se Umar Bin Muhammad ne, un se Salim Bin Abdullah Bin Umar (Radi Allahu Anhuma) ne, aur un se un ke walid ne bayan kiya ke Nabi Kareem (Sallallahu Alaihi Wasallam) ne farmaya Ashura ke din agar koi chahe to roza rakh le
.

Hum se Abu-al-Yaman ne bayan kiya, kaha ke hum ko Shuaib ne khabar di, un se Zuhri ne bayan kiya ke mujhe Urwah Bin Zubair (Radi Allahu Anhu) ne khabar di, un se Aisha (Radi Allahu Anha) ne bayan kiya ke (shuru Islam mein) Rasul Allah (Sallallahu Alaihi Wasallam) ne Ashura ke din ka roza rakhne ka hukm diya tha. Phir jab Ramzan ke roze farz ho gaye to jis ka dil chahta is din roza rakhta aur jo na chahta nahi rakkha karta tha
.

Hum se Abdullah Bin Muslimah Qanabi ne bayan kiya, kaha ke hum se Imam Malik (Rahimahullah) ne bayan kiya, un se Hisham Bin Urwah ne aur un se un ke walid ne aur un se Aisha (Radi Allahu Anha) ne bayan kiya ke Ashura ke din zamana-e-jahiliyat mein Quraish roza rakkha karte thay aur Rasul Allah (Sallallahu Alaihi Wasallam) bhi rakhte. Phir jab aap (Sallallahu Alaihi Wasallam) Madinah tashreef laye to aap (Sallallahu Alaihi Wasallam) ne yahan bhi Ashura ke din roza rakkha aur is ka logon ko bhi hukm diya. Lekin Ramzan ki farziyat ke baad aap ne is ko chor diya aur farmaya ke ab jis ka jee chahe is din roza rakhe aur jis ka chahe na rakhe
.

Hum se Abdullah Bin Muslimah ne bayan kiya, unhon ne kaha ke hum se Imam Malik (Rahimahullah) ne bayan kiya, un se Ibn Shihab ne bayan kiya, un se Humaid Bin Abdur Rahman ne bayan kiya ke unhon ne Muawiyah Bin Abi Sufyan (Radi Allahu Anhuma) se Ashura ke din minbar par suna, unhon ne kaha ke ae ahl-e-Madinah! tumhare ulema kidhar gaye, mein ne Rasul Allah (Sallallahu Alaihi Wasallam) ko ye farmate suna ke ye Ashura ka din hai. Is ka roza tum par farz nahi hai lekin mein roza se hoon aur ab jis ka jee chahe roza se rahe (aur meri sunnat par amal kare) aur jis ka ji chahe na rahe
.