Hum se Ahmad bin Yunus ne byaan kiya ‘ unhon ne kaha ke hum se Layth ne Nafi ke wasta se byaan kiya ‘ un se Abdullah bin Umar razi Allahu anhuma ne ke Rasool Allah salla Allahu alaihi wasallam ne ek saa' khajoor ya ek saa' jau ki zakat-e-fitr dene ka hukm farmaya tha . Abdullah bin Umar razi Allahu anhuma ne byaan kiya ke phir logon ne isi ke barabar do mudd (aadha saa') gehoon kar liya tha .

Hum se Abdullah bin Muneer ne byaan kiya ‘ unhon ne Yazid bin Abi Hakeem Adani se suna ‘ unhon ne kaha ke hum se Sufyan Thauri ne byaan kiya ‘ un se Zaid bin Aslam ne byaan kiya ‘ unhon ne kaha ke mujh se Iyadh bin Abdullah bin Saad bin Abi Sarh ne byaan kiya aur un se Abu Saeed Khudri razi Allahu anhu ne byaan kiya ke Nabi Karim salla Allahu alaihi wasallam ke zamana mein sadqa-e-fitr ek saa' gehoon ya ek saa' khajoor ya ek saa' jau ya ek saa' ”zabeeib“ (khushk angoor ya khushk anjeer) nikalte thay . Phir jab Muawiyah razi Allahu anhu Madina mein aaye aur gehoon ki aamdani hui to kehne lage main samajhta hoon is ka ek mudd doosre anaaj ke do mudd ke barabar hai .

Hum se Adam bin Abi Iyas ne byaan kiya unhon ne kaha ke hum se Hafs bin Maisarah ne byaan kiya ‘ unhon ne kaha ke mujh se Musa bin Uqbah ne byaan kiya ‘ un se Nafi ne aur un se Abdullah bin Umar razi Allahu anhuma ne ke Nabi Karim salla Allahu alaihi wasallam ne sadqa-e-fitr namaaz (Eid) ke liye jaane se pehle pehle nikalne ka hukm diya tha .

Hum se Maaz bin Fadhalah ne byaan kiya ‘ unhon ne kaha ke hum se Abu Amru Hafs bin Maisarah ne byaan kiya ‘ un se Zaid bin Aslam ne byaan kiya ‘ un se Iyadh bin Abdullah bin Saad ne ‘ un se Abu Saeed Khudri razi Allahu anhu ne byaan kiya ke hum Nabi Karim salla Allahu alaihi wasallam ke zamana mein Eid-ul-Fitr ke din (khane ke ghalla se) ek saa' nikalte thay . Abu Saeed razi Allahu anhu ne byaan kiya ke hamara khana (in dino) jau , zabeeib , paneer aur khajoor tha .

Aur Zuhri ne kaha jo ghulam laundi saudagari ka maal hon to in ki salana zakat bhi di jaye gi aur in ki taraf se sadqa-e-fitr bhi ada kiya jaye .

Hum se Abu Nu'man ne byaan kiya ‘ unhon ne kaha ke hum se Hammad bin Zaid ne byaan kiya ‘ unhon ne kaha ke hum se Ayub ne byaan kiya ‘ un se Nafi ne byaan kiya aur un se Abdullah bin Umar razi Allahu anhuma ne ke Nabi Karim salla Allahu alaihi wasallam ne sadqa-e-fitr ya yeh kaha ke sadqa-e-Ramzan mard , aurat , aazad aur ghulam (sab par) ek saa' khajoor ya ek saa' jau farz qarar diya tha . Phir logon ne aadha saa' gehoon is ke barabar qarar de liya . Lekin Ibn Umar razi Allahu anhuma khajoor diya karte thay . Ek martaba Madina mein khajoor ka qahet para to Aap ne jau sadqa mein nikala . Ibn Umar razi Allahu anhuma chote bare sab ki taraf se yahan tak ke mere beton ki taraf se bhi sadqa-e-fitr nikalte thay . Ibn Umar razi Allahu anhuma sadqa-e-fitr har faqeer ko jo isay qabool karta , de diya karte thay . Aur log sadqa-e-fitr ek ya do din pehle hi de diya karte thay . Imam Bukhari rahmatullah alaihi ne kaha mere beton se Nafi ke bete muraad hain . Imam Bukhari rahmatullah alaihi ne kaha woh Eid se pehle jo sadqa de dete thay to ikhatta hone ke liye na fuqara ke liye (phir woh jama kar ke fuqara mein taqseem kar diya jata) .

Aur Abu Amru ne byaan kiya ke Umar ‘ Ali ‘ Ibn Umar ‘ Jabir ‘ Aisha ‘ Ta'oos ‘ Ata aur Ibn Sireen razi Allahu anhum ka khayal yeh tha ke yateem ke maal se bhi zakat di jaye gi . Aur Zuhri deewane ke maal se zakat nikalne ke qail thay .

Hum se Musaddad ne byaan kiya ‘ unhon ne kaha ke hum se Yahya Qattan ne Ubaidullah Umari ke waste se byaan kiya ‘ unhon ne kaha ke mujh se Nafi ne byaan kiya ke Abdullah bin Umar razi Allahu anhuma ne farmaya ke Rasool Allah salla Allahu alaihi wasallam ne ek saa' jau ya ek saa' khajoor ka sadqa-e-fitr , chote , bare , aazad aur ghulam sab par farz qarar diya .