Aur Ibn al-Musayyab ne kaha jab jang ke waqt saff se agar koi shakhs gum hua to is ki biwi ko ek saal is ka intizar karna chahiye (aur phir is ke baad doosra nikah karna chahe) . Abdullah bin Masood razi Allahu anhu ne ek laundi kisi se khareedi (asal malik qeemat liye baghair kahin chala gaya aur gum ho gaya) to Aap ne is ke pehle malik ko ek saal tak talash kiya , phir jab woh nahi mila to (ghareebon ko is laundi ki qeemat mein se) ek ek do do dirham dene lage aur Aap ne dua ki ke Ae Allah! Yeh falan ki taraf se hai (jo is ka pehla malik tha aur jo qeemat liye baghair kahin gum ho gaya tha) phir agar woh (aane ke baad) is sadqa se inkar kare ga (aur qeemat ka mutaliba kare ga to is ka sawab) mujhe mile ga aur laundi ki qeemat ki adayigi mujh par wajib ho gi . Ibn Masood razi Allahu anhu ne kaha ke isi tarah tum luqtah aaisi cheez ko kehte hain jo raste mein pari hui kisi ko mil jaye , ke saath kiya karo . Zuhri ne aise qaidi ke baare mein jis ki jaye qiyam maloom ho , kaha ke is ki biwi doosra nikah na kare aur na is ka maal taqseem kiya jaye , phir is ki khabar milni band ho jaye to is ka muamla bhi mafqood-ul-khabar ki tarah ho jata hai .

Mujh se Ismail ne byaan kaha ke in se Imam Malik ne byaan kiya , in se Nafi ne aur in se Ibn Umar razi Allahu anhuma ne ke jab char mahine guzar jayein to usay qazi ke samne pesh kiya jaye ga , yahan tak ke woh talaq dede , aur talaq is waqt tak nahi hoti jab tak talaq di na jaye , aur Usman , Ali , Abu Dardaa aur Aisha aur barah doosre sahabah rizwan-ullahi alaihim se bhi aisa hi manqool hai .

Hum se Ali bin Abdullah Madini ne kaha , in se Sufyan bin Uyaynah ne , in se Yahya bin Saeed ne , in se Munba-is ke maula Yazid ne ke Nabi Karim salla Allahu alaihi wasallam se khoyi hui bakri ke mutalliq sawal kiya gaya to Aap salla Allahu alaihi wasallam ne farmaya ke usay pakar lo , kyunke ya woh tumhari ho gi (agar ek saal tak elan ke baad is ka malik na mila) . Tumhare kisi bhai ki ho gi ya phir bheriye ki ho gi (agar inhi janglon mein phirti rahi) aur Aap salla Allahu alaihi wasallam se khoye huay oont ke mutalliq sawal kiya gaya to Aap ghussa ho gaye aur ghussa ki wajah se Aap ke donon rukhsaar surkh ho gaye aur Aap salla Allahu alaihi wasallam ne farmaya ke tumhein is se kiya gharz! Is ke paas (mazboot) khur hain (jis ki wajah se chalne mein usay koi dushwari nahi ho gi) is ke paas mushkeeza hai jis se woh pani peeta rahe ga aur darakht ke patte khata rahe ga , yahan tak ke is ka malik usay paale ga . Aur Nabi Karim salla Allahu alaihi wasallam se luqtah ke mutalliq sawal kiya gaya to Aap salla Allahu alaihi wasallam ne farmaya ke is ki rassi ka (jis se woh bandha ho) aur is ke zarf ka (jis mein woh rakkha ho) elan karo aur is ka ek saal tak elan karo , phir agar koi aisa shakhs aa jaye jo usay pehchanta ho (aur is ka malik ho to usay de do) warna usay apne maal ke saath mila lo . Sufyan bin Uyaynah ne byaan kiya ke phir main Rabia bin Abdur Rahman se mila aur mujhe in se is ke siwa aur koi cheez mahfooz nahi hai . Main ne in se poocha thu ke gum-shuda cheezon ke baare mein Munba-is ke maula Yazid ki hadees ke baare mein Aap ka kiya khayal hai ? kiya woh Zayd bin Khalid se manqool hai ? To unhon ne kaha ke haan (Sufyan ne byaan kiya ke haan) Yahya ne byaan kiya ke Rabia ne Munba-is ke maula Yazid se byaan kiya , in se Zayd bin Khalid ne . Sufyan ne byaan kiya ke phir main ne Rabia se mulaqat ki aur in se is ke mutalliq poocha .