Hum se Muhammed bin Yousuf ne bayan kiya, un se Abu Mus-hir ne, un se Muhammed bin Harb ne, un se Zubaidi ne Zohri ke waaste se bayan kiya, woh Mahmood bin Ar-Rabee’ se naql karte hain, unhon ne kaha ke mujhe yaad hai ke (ek martaba) Rasoolullah Sallallahu Alaihi Wasallam ne ek dol se munh mein paani le kar mere chehre par kulli farmaayi, aur main us waqt paanch saal ka tha.

Hum se ’Ali bin Abdullah ne bayan kiya, kaha hum se Ya’qoob bin Ibrahim bin Sa’d ne, kaha hum se mere baap ne, unhon ne Saleh se suna. Unhon ne Ibn-e-Shihaab se, kaha unhein Mahmood bin Ar-Rabee’ ne khabar di, Ibn-e-Shihaab kehte hain Mahmood wahi hain ke jab woh chhote the to Rasoolullah Sallallahu Alaihi Wasallam ne un hi ke kunwen (ke paani) se un ke munh mein kulli daali thi aur Urwah ne isi Hadees ko Miswar waghera se bhi riwayat kiya hai aur har ek (rawi) un dono mein se ek doosre ki tasdeeq karte hain ke jab Rasoolullah Sallallahu Alaihi Wasallam Wuzu farmaate to Aap Sallallahu Alaihi Wasallam ke bachche huwe Wuzu ke paani par Sahaba Radhiallahu Anhum jhagadne ke qareeb ho jaate the.

Hum se Abdan ne byaan kiya , kaha ke hamein Abdullah bin Mubarak ne khabar di kaha ke hamein Mamar ne Zuhri se khabar di kaha ke mujhe Mahmood bin Rabee ne khabar di , woh kehte thay ke mujhe Rasool Allah salla Allahu alaihi wasallam poori tarah yaad hain aur Aap salla Allahu alaihi wasallam ka mere ghar ke dol se kulli karna bhi yaad hai (jo Aap salla Allahu alaihi wasallam ne mere munh mein daali thi) .

Hum se Ishaq bin Rahwayh ne byaan kiya , kaha ke hum se Yaqub bin Ibrahim ne byaan kiya , kaha ke hum se hamare baap Ibrahim bin Saad ne byaan kiya , un se Ibn Shihab ne kaha ke mujhe Mahmood bin Rabee Ansari razi Allahu anhu ne khabar di ke unhein Nabi Karim salla Allahu alaihi wasallam yaad hain aur Aap salla Allahu alaihi wasallam ki woh kuli bhi yaad hai jo Aap salla Allahu alaihi wasallam ne un ke ghar ke kunwein se paani le kar un ke munh mein ki thi .

`Hum se Abdul Aziz bin Abdullah Uwaisi ne bayan kiya, kaha hum se Ibrahim bin Saad ne bayan kiya, un se Salih bin Kaisan ne, un se Ibn Shihab ne bayan kiya, unhein Mahmood bin Rabia Radi Allahu Anhu ne khabar di yeh Mahmood wo buzurg hain jin ke munh mein Rasul Allah صلی اللہ علیہ وسلم ne jis waqt wo bache thay, unhi ke kunwein se pani le kar kulli kar li thi.

Hum se Maaz bin Asad ne bayan kiya , kaha hum ko Abdullah bin Mubarak ne khabar di , unhein Mamar ne khabar di , in se Zuhri ne bayan kiya ke mujhe Mahmood bin Rabee Ansari ne khabar di aur woh kehte thay ke Rasool Allah salla Allahu alaihi wasallam ki yeh baat khoob mere zaihan mein mahfooz hai . Unhein yaad hai ke Nabi Karim salla Allahu alaihi wasallam ne in ke ek doul mein se pani le kar mujh par kulli kar di thi .