Hum se Qutaybah bin Saeed ne bayan kiya , in se Malik ne , in se Abu al-Zinad ne , in se Aaraj ne aur in se Abu Hurairah razi Allahu anhune ke Rasool Allah salla Allahu alaihi wasallam ne farmaya ”tumhare paas raat aur din ke farishte yake baad deegre aate hain aur Asr aur Fajr ki namaziyon mein do waqt ke farishte ikat-the hote hain . Phir jab woh farishte oopar jaate hain jinon ne raat tumhare saath guzaari hai to Allah Ta'ala in se poochhta hai haalan-ke woh bandon ke ahwal ka sab se zyada jaanne wala hai ketum ne meere bandon ko kis haal mein chhorra ? Woh jawab dete hain ke hum ne unhein is haal mein chhorra ke woh namaz parh rahe thay aur jab hum in ke paas gaye jab bhi woh namaz parh rahe thay .“

Hum se Abdullah bin Yusuf Tinnisi ne bayan kiya , kaha hum se Imam Malik rahimahullah alaihi ne Abul Zinad Abdullah bin Dhakwan se , unhon ne Abdur Rahman bin Harmuz Araj se , unhon ne Abu Hurairah raziyallahu anhu se ke Rasool Allah salla Allahu alaihi wa sallam ne farmaya ke raat aur din mein farishton ki duty badalti rehti hain . Aur fajr aur asr ki namazon mein duty par aane walon aur rukhsat pane walon ka ijtima hota hai . Phir tumhare pas rehne wale farishtay jab upar charhte hain to Allah Taala poochta hai halanke woh un se bohot zyada apne bandon ke mutalliq janta hai , ke mere bandon ko tum ne kis haal mein chhora . Woh jawab dete hain ke hum ne jab unhein chhora to woh fajr ki namaz parh rahe thay aur jab un ke pas gaye tab bhi woh asr ki namaz parh rahe thay .

Hum se Abu Yaman ne bayan kiya, kaha hum ko Shuaib ne khabar di, kaha hum se Abu-uz-Zinad ne bayan kiya, un se Aaraj ne aur un se Abu Hurairah (Radi Allahu Anhu) ne bayan kiya ke Nabi Kareem (Sallallahu Alaihi Wasallam) ne farmaya ke farishte aage peechhe zameen par aate jate rehte hain, kuch farishte raat ke hain aur kuch din ke aur ye sab fajr aur asar ki namaz mein jama ho jate hain. Phir wo farishte jo tumhare yahan raat mein rahe. Allah ke huzoor mein jate hain, Allah Ta'ala un se daryaft farmata hai.... halanke wo sab se zyada janne wala hai.... ke tum ne mere bandon ko kis haal mein chhoda, wo farishte arz karte hain ke jab hum ne unhein chhoda to wo (fajr ki) namaz parh rahe thay. Aur isi tarah jab hum un ke yahan gaye thay, jab bhi wo (asar) ki namaz parh rahe thay
.

Hum se Ismail ne bayan kiya, kaha hum se Imam Malik ne bayan kiya, in se Abu al-Zinad ne, in se Aaraj ne aur in se Abu Hurairah razi Allahu anhu ne ke Rasool Allah salla Allahu alaihi wasallam ne farmaya ”yake baad deegre tumhare paas raat aur din ke farishte aate rehte hain aur yeh Asr aur Fajr ki namaz mein jama hote hain, phir woh oopar charhte hain, jinon ne raat tumhare saath guzaari hoti hai. Phir Allah tumhare baare mein in se poochhta hai haalan-ke usay tumhari khoob khabar hai, poochhta hai ke meere bandon ko tum ne kis haal mein chhorra? Woh kehte hain ke hum ne is haal mein chhorra ke woh namaz parh rahe thay.“