`Hum se Masaddad ne bayan kiya, unhon ne kaha hum se Yahya ne bayan kiya, un se Shu'ba ne bayan kiya, un se Abul Tayyah ne aur un se Anas bin Malik Radi Allahu Anhu ne bayan kiya ke Rasul Allah صلی اللہ علیہ وسلم ne farmaya ”Suno aur ita'at karo, khwah tum par kisi aise Habshi gulam ko hi aamil banaya jaye jis ka sar munaqqa ki tarah chhota ho.“

Hum se Muhammad bin Bashar ne byaan kiya , kaha ke hum se Yahya bin Saeed Qattan ne byaan kiya , kaha ke hum se Shubah ne byaan kiya , kaha ke mujh se Abut Tayyah Yazid bin Humayd Dubayi ne Anas bin Malik razi Allahu anhu se byaan kiya , unhon ne Nabi Karim salla Allahu alaihi wasallam se ke Aap salla Allahu alaihi wasallam ne farmaya (apne haakim ki) suno aur itaat karo , khwah ek aisa Habshi (ghulam tum par) kyun na haakim bana diya jaye jis ka sar sookhe huay angoor ke barabar ho .

Hum se Muhammad bin Aban ne byaan kiya , kaha ke hum se Ghundar Muhammad bin Jafar ne byaan kiya Shubah se , unhon ne Abut Tayyah se , unhon ne Anas bin Malik se suna ke Nabi Karim salla Allahu alaihi wasallam ne Abu Zar se farmaya (haakim ki) sun aur itaat kar . Khwah woh ek aisa Habshi ghulam hi kyun na ho jis ka sar munqay ke barabar ho .