`Hum se Ahmad bin Ishkab ne bayan kiya, unhon ne kaha hum se Muhammad bin Fuzail ne bayan kiya, un se un ke walid ne bayan kiya, un se Ikrima ne bayan kiya aur un se Abdullah bin Abbas Radi Allahu Anhuma ne bayan kiya ke Nabi Kareem صلی اللہ علیہ وسلم ne farmaya ”Mere baad kafir na ho jaana ke tum mein baaz baaz ki gardan maarne lage.“

Hum se Hajjaj ne bayan kiya, unhon ne kaha hum se Sho’bah ne bayan kiya, unhon ne kaha mujhe Ali bin Mudrik ne Abu Zur’ah se khabar di, woh Jareer Radhiallahu Anhu se naql karte hain ke Nabi-e-Akram Sallallahu Alaihi Wasallam ne un se Hajjat-ul-Wada’ mein farmaaya ke logon ko bilkul khamoosh kar do (taake woh khoob sun len) phir farmaaya, logon! Mere baad phir kaafir mat ban jaana ke ek doosre ki gardan maarne lago.

Hum se Ali Bin Abdullah ne bayan kiya, unhon ne kaha mujh se Yahya Bin Saeed ne bayan kiya, un se Fazl Bin Ghazwan ne bayan kiya, un se Ikrima ne bayan kiya aur un se Abdullah Bin Abbas (Radi Allahu Anhuma) ne ke daswein tareekh ko Rasul Allah (Sallallahu Alaihi Wasallam) ne Mina mein khutba diya, khutba mein Aap (Sallallahu Alaihi Wasallam) ne poocha logo! Aaj kaun sa din hai? Log bole ye hurmat ka din hai, Aap (Sallallahu Alaihi Wasallam) ne phir poocha aur ye shehar kaun sa hai? Logon ne kaha ye hurmat ka shehar hai, Aap (Sallallahu Alaihi Wasallam) ne poocha ye mahina kaun sa hai? Logon ne kaha ye hurmat ka mahina hai, phir Aap (Sallallahu Alaihi Wasallam) ne farmaya bas tumhara khoon tumhare maal aur tumhare izzat ek doosre par isi tarah haram hai jaise is din ki hurmat, is shehar aur is mahina ki hurmat hai, is kalma ko Aap (Sallallahu Alaihi Wasallam) ne kai baar duharaya aur phir asman ki taraf sar utha kar kaha Aye Allah! Kya mein ne (Tera paigham) pohancha diya Aye Allah! Kya mein ne pohancha diya. Abdullah Bin Abbas (Radi Allahu Anhuma) ne batlaya ke is zaat ki qasam! Jis ke hath mein meri jaan hai Nabi Kareem (Sallallahu Alaihi Wasallam) ki ye wasiyat apni tamam ummat ke liye hai, lehaza hazir (aur janne wale) ghayeb (aur na-waqif logon ko Allah ka paigham) pohancha dein. Aap (Sallallahu Alaihi Wasallam) ne phir farmaya dekho mere baad ek doosre ki gardan maar kar kafir na ban jana
.

Hum se Hafs bin Umar ne byaan kiya , unhon ne kaha hum se Shubah bin Hajjaj ne byaan kiya , un se Ali bin Mudrik ne byaan kiya , un se Abu Zurah Haram bin Amr bin Jareer ne byaan kiya aur un se Jareer bin Abdullah Bajali razi Allahu anhu ne byaan kiya ke Nabi Karim salla Allahu alaihi wasallam ne Hajjat al-Wida ke mauqa par Jareer razi Allahu anhu se farmaya tha logon ko khamosh kar do , phir farmaya , mere baad kafir na ban jana ke ek doosre ki gardan maarne lago .

Hum se Abu al-Waleed ne bayan kiya, unhon ne kaha hum se Shubah ne bayan kiya, unhein Waqid bin Abdullah ne khabar di, unhon ne kaha mujhko mere walid ne aur unhon ne Abdullah bin Umar razi Allahu anhuma se bayan kiya ke Nabi Karim salla Allahu alaihi wasallam ne farmaya ”mere baad kafir na ban jaana ke tum mein se baaz baaz ki gardan maarne lag jao.“

Hum se Muhammad bin Bashar ne bayan kiya, unhon ne kaha hum se Ghundar ne bayan kiya, unhon ne kaha hum se Shubah ne bayan kiya, in se Ali bin Mudrik ne bayan kiya, unhon ne kaha ke main ne Abu Zurah bin Amr bin Jareer se suna, in se Jareer bin Abdullah Bajali razi Allahu anhu ne bayan kiya ke Nabi Karim salla Allahu alaihi wasallam ne Hajjat-ul-Wada ke din farmaya ”logon ko khamosh kara do, (phir farmaya) tum mere baad kafir na ban jaana ke tum mein se baaz baaz ki gardan maarne lage.“ Is hadees ki riwayat Abu Bakr aur Ibn Abbas razi Allahu anhum ne Nabi Karim salla Allahu alaihi wasallam se ki hai.

`Hum se Hajjaj bin Minhal ne bayan kiya, unhon ne kaha hum se Shu'ba ne bayan kiya, kaha mujh ko Waqid ne khabar di, unhein un ke walid ne aur unhein Ibn Umar Radi Allahu Anhuma ne, unhon ne Nabi Kareem صلی اللہ علیہ وسلم se suna, Aap صلی اللہ علیہ وسلم ne farmaya ke mere baad kufr ki taraf na laut jaana ke ek doosre ki gardan maarne lago.

`Hum se Sulaiman bin Harb ne bayan kiya, unhon ne kaha hum se Shu'ba ne bayan kiya, unhon ne kaha hum se Ali bin Mudrik ne bayan kiya, kaha mein ne Abu Zur'a bin Amr bin Jareer se suna, un se un ke dada Jareer Radi Allahu Anhu ne bayan kiya ke Rasul Allah صلی اللہ علیہ وسلم ne mujh se Hujjat-ul-Wada ke mauqe par farmaya ke logon ko khamosh kar do. Phir Aap صلی اللہ علیہ وسلم ne farmaya ”Mere baad kafir na ho jaana ke tum ek doosre ki gardan maarne lag jao.“