Hum se Muhammad bin Muqatil Abu al-Hasan Marwazi ne bayan kiya, kaha hum ko Abdullah bin Mubarak ne khabar di, kaha hum ko Shubah bin Hajjaj ne, unhon ne Hisham bin Zayd bin Anas se, woh kehte thay main ne apne dada Anas bin Malik razi Allahu anhu se suna, woh kehte thay ke ek Yahudi Nabi Karim salla Allahu alaihi wasallam ke paas se guzra kehne laga «as-saamu alayka» yanitum maro. Nabi Karim salla Allahu alaihi wasallam ne jawab mein sirf «wa alayka» kaha (tu bhi mare ga) phir Aap salla Allahu alaihi wasallam ne sahabah razi Allahعنہم se farmaya ke tum ko maloom hua, is ne kiya kaha? Is ne «as-saamu alayka» kaha. Sahabah ne arz kiya: ya Rasool Allah! (hukm ho to) is ko maar daalein. Aap salla Allahu alaihi wasallam ne farmaya, nahi. Jab kitab wale Yahood aur Nasara tum ko salam kiya karein to tum bhi yahi kaha karo «wa alaykum» .

Hum se Muhammad bin Salam ne bayan kiya, kaha hum ko Abd-ul-Wahhab Saqafi ne khabar di, unhein Ayub Sakhtiyani ne, unhein Abdullah bin Abi Mulaykah ne aur unhein Aisha razi Allahu anha ne ke kuch Yahudi Rasool Allahsalla Allahu alaihi wasallam ke yahan aaye aur kaha «as-saamu alaykum» (tum par maut aaye) is par Aisha razi Allahu anha ne kaha «alaykum, wa laanakum-ullahu, wa ghadib-allahu alaykum» ke tum par bhi maut aaye aur Allah ki tum par lanat ho aur is ka ghazab tum par nazil ho. Lekin Nabi Karim salla Allahu alaihi wasallam ne farmaya, (thehro) Aisha! Tumhein narm-khooi ikhtiyar karne chahiye sakhti aur bad-zabani se bachna chahiye. Aisha razi Allahu anha ne arz kiya: ya Rasool اللہ! Aap ne in ki baat nahi suni, Nabi Karim salla Allahu alaihi wasallam ne farmaya ke tum ne unhein mera jawab nahi suna, main ne in ki baat unhi par lauta di aur in ke haq mein meri bad-dua qabool ho jaye gi. Lekin mere haq mein in ki bad-dua qabool hi na ho gi.

Hum se Abdullah bin Yusuf ne bayan kiya, unhon ne kaha hum ko Imam Malik ne khabar di, unhein Abdullah bin Dinar ne aur in se Abdullah bin Umar razi Allahu anhuma ne bayan kiya ke Rasool Allah salla Allahu alaihi wasallam ne farmaya ”jab tumhein Yahudi salam karein aur agar in mein se koi «as-saamu alayka» kahe to tum is ke jawab mein sirf «wa alayka» (aur tumhein bhi) keh diya karo.“

Hum se Usman bin Abi Shaybah ne bayan kiya, unhon ne kaha hum se Hushaim ne bayan kiya, unhein Abdullah bin Abi Bakr bin Anas ne khabar di, in se Anas bin Malik razi Allahu anhu ne bayan kiya ke Nabi Karim salla Allahu alaihi wasallam ne farmaya ”jab Ahl e Kitab tumhein salam karein to tum is ke jawab mein sirf «wa alaykum» kaho.“

Hum se Musaddad ne bayan kiya , unhon ne kaha hum se Yahya bin Saeed Qattan ne bayan kiya , in se Ubaidullah ne bayan kiya , unhon ne kaha ke mujh se Nafi ne bayan kiya , aur in se Abdullah bin Masood razi Allahu anhu ne ke Rasool Allah salla Allahu alaihi wasallam ne Shighaar se mana farmaya . Main ne Nafi se poochha Shighaar kya hai ? Unhon ne kaha yeh ke koi shakhs baghair mahar kisi ki larki se nikah karta hai ya is se baghair mahar ke apni larki ka nikah karta hai pas is ke siwa koi mahar muqarrar na ho aur baaz logon ne kaha agar kisi ne hila kar ke nikah e Shighaar kar liya to nikah ka aqd durust ho ga aur shart laghw ho gi (aur har ek ko mahar e misl aurat ka ada karna ho ga) aur haan baaz logon ne muta mein kaha hai ke wahan nikah bhi fasid hai aur shart bhi batil hai aur baaz Hanafiya yeh kehte hain ke muta aur Shighaar donon jaiz hon ge aur shart batil ho gi .