Hum se Abu Aasim ne bayan kiya, in se Ibn Jurayj ne, in se Ata ne, in se Safwan bin Yala ne aur in se un ke walid ne ke main ek ghazwa mein bahar tha aur ek shakhs ne daant se kaat liya tha jis ki wajah se is ke aage ke daant toot gaye thay phir Rasool Allah salla Allahu alaihi wasallam ne is muqaddama ko batil qarar de kar is ki diyat nahi dilayi.

Hum se Abu-al-Walid ne bayan kiya, kaha hum se Hammam ne bayan kiya hum se Ata ne bayan kiya, kaha mujh se Safwan Bin Yala ne bayan kiya, un se un ke walid ne ke mein Rasul Allah (Sallallahu Alaihi Wasallam) ke sath tha ke Aap (Sallallahu Alaihi Wasallam) ki khidmat mein ek shakhs jo jubba pehne hue tha hazir hua aur is par zardi ya isi tarah ki kisi khushboo ka nishan tha. Umar (Radi Allahu Anhu) mujh se kaha karte thay kya tum chahte ho ke jab Nabi Kareem (Sallallahu Alaihi Wasallam) par wahy nazil hone lage to tum Nabi Kareem (Sallallahu Alaihi Wasallam) ko dekh sako ? Is waqt aap par wahy nazil hui phir wo halat jati rahi. Phir Aap (Sallallahu Alaihi Wasallam) ne farmaya ke jis tarah apne Hajj mein karte ho isi tarah Umrah mein bhi karo
.

Ibn Jurayj ne kaha aur mujh se Abdullah Bin Abi Mulaikah ne bayan kiya aur un se un ke dada ne bilkul isi tarah ka waqia bayan kiya ke ek shakhs ne ek doosre shakhs ka hath kaat khaya. (Doosre ne apna hath kheencha to) us kaatne wale ka dant toot gaya aur Abu Bakr (Radi Allahu Anhu) ne is ka koi qisas nahi dilwaya
.

Hum se Abdullah Bin Muhammad ne bayan kiya, kaha hum se Sufyan ne, un se Ibn Juraij ne, un se Ata ne, un se Safwan Bin Ya'la ne aur un se un ke walid (Ya'la Bin Umayyah Radi Allahu Anhu) ne bayan kiya ke mein Rasul Allah (Sallallahu Alaihi Wasallam) se sath Ghazwah-e-Tabook mein shareek tha aur ek jawan oont mein ne sawari ke liye diya tha, mere khayal mein mera ye amal, tamam doosre aamal ke muqable mein sab se ziyada qabil-e-bharosa tha. (Ke Allah Ta'ala ke haan maqbool ho ga) mein ne ek mazdoor bhi apne sath le liya tha. Phir wo mazdoor ek shakhs (khud Ya'la Bin Umayyah Radi Allahu Anhu) se lar para aur un mein se ek ne doosre ke hath mein dant se kaat liya. Doosre ne jhat jo apna hath us ke munh se kheencha to us ke aage ka dant toot gaya. Wo shakhs Nabi Kareem (Sallallahu Alaihi Wasallam) ki khidmat mein faryadi hua lekin Aap (Sallallahu Alaihi Wasallam) ne hath kheenchne wale par koi tawan nahi farmaya balke farmaya ke kya tumhare munh mein wo apna hath yun hi rehne deta taake tum ise chaba jao jaise oont chabata hai
.

Hum se Ubaydullah bin Saeed ne byaan kiya , kaha hum se Muhammad bin Bakr ne byaan kiya , kaha hum ko Ibn Jurayj ne khabar di , kaha ke main ne Ata se suna , unhon ne khabar dete huay kaha ke mujhe Safwan bin Yala bin Umayyah ne khabar di aur un se un ke walid ne byaan kiya ke main Nabi Karim salla Allahu alaihi wasallam ke saath Ghazwa e Usrat mein shareek tha . Byaan kiya ke Yala razi Allahu anhu kaha karte thay ke mujhe apne tamam amalon mein isi par sab se zyada bharosa hai . Ata ne byaan kiya , un se Safwan ne byaan kiya ke Yala razi Allahu anhu ne kaha , main ne ek mazdoor bhi apne saath le liya tha . Woh ek shakhs se lar para aur ek ne doosre ka hath daant se kaata . Ata ne byaan kiya ke mujhe Safwan razi Allahu anhu ne khabar di ke in donon mein se kis ne apne muqabil ka hath kaata tha , yeh mujhe yaad nahi hai . Bahar-haal jis ka hath kaata gaya tha us ne apna hath kaatne wale ke munh se jo khaincha to kaatne wale ke aage ka ek daant bhi saath chala aaya . Woh donon Nabi Karim salla Allahu alaihi wasallam ki khidmat mein hazir huay to Aap salla Allahu alaihi wasallam ne daant ke tootne par koi qisas nahi dilwaya . Ata ne byaan kiya mera khayal hai ke unhon ne yeh bhi byaan kiya ke Nabi Karim salla Allahu alaihi wasallam ne farmaya phir kya woh tere munh mein apna hath rehne deta taake tu usay oont ki tarah chaba jata .

Hum se Adam bin Abi Iyas ne bayan kiya, kaha hum se Shubah ne bayan kiya, kaha hum se Qatadah ne bayan kiya ke main ne Zhuraara bin Abi Aufa se suna, in se Imran bin Husain razi Allahu anhuma ne ke ek shakhs ne ek shakhs ke hath mein daant se kaata to is ne apna hath kaatne wale ke munh mein se khainch liya jis se is ke aage ke do daant toot gaye phir donon apna jhagra Nabi Karim salla Allahu alaihi wasallam ke paas laaye to Aap salla Allahu alaihi wasallam ne farmaya ke tum apne hi bhai ko is tarah daant se kaat-te ho jaise oont kaat-ta hai tumhein diyat nahi mile gi.