Hum se Yaqub Bin Ibrahim ne bayan kiya, kaha ke hum se Ismail Bin Aliyyah ne bayan kiya, kaha ke humein Ibn Jurayj ne khabar di, kaha ke mujhe Ata Bin Abi Rabah ne khabar di, unhein Safwan Bin Yaali ne, un ko Yaali Bin Umayyah (Radi Allahu Anhu) ne, unhon ne kaha ke mein Nabi Kareem (Sallallahu Alaihi Wasallam) ke sath Jaish-ul-Usrah (Ghazwa-e-Tabook) mein gaya tha ye mere nazdeek mera sab se ziyada qabil-e-aitimad naik amal tha. Mere sath ek mazdoor bhi tha wo ek shakhs se jhagrah aur un mein se ek ne doosre muqable wale ki ungli chaba dali. Doosre ne jo apna hath zor se kheencha to us ke aage ke dant bhi sath hi kheencha chale aaye aur gir gaye. Is par wo shakhs apna muqadma lay kar Nabi Kareem (Sallallahu Alaihi Wasallam) ki khidmat mein hazir pahuncha. Nabi Kareem (Sallallahu Alaihi Wasallam) ne us ke dant (tootne ka) koi qisas nahi dilwaya. Balkay farmaya ke kya wo ungli tumhare munh mein chabane ke liye chhor deta. Rawi ne kaha ke mein khayal karta hoon ke Aap (Sallallahu Alaihi Wasallam) ne yun bhi farmaya. Jis tarah oont chaba liya karta hai
.

Ibn Jurayj ne kaha aur mujh se Abdullah Bin Abi Mulaikah ne bayan kiya aur un se un ke dada ne bilkul isi tarah ka waqia bayan kiya ke ek shakhs ne ek doosre shakhs ka hath kaat khaya. (Doosre ne apna hath kheencha to) us kaatne wale ka dant toot gaya aur Abu Bakr (Radi Allahu Anhu) ne is ka koi qisas nahi dilwaya
.