Hum se Musaddad ne bayan kiya , unhon ne kaha hum se Abu Awanah ne bayan kiya , in se Abd-ul-Malik ne bayan kiya , in se Abdullah bin Haris bin Naufil ne bayan kiya aur in se Abbas razi Allahu anhu ne bayan kiya ke unhon ne Nabi Karim salla Allahu alaihi wasallam se poochha: kya Aap ne Abu Talib ko koi nafa pahunchaya ?

Hum se Musaddad ne bayan kiya, kaha hum se Yahya Bin Saeed Qattan ne, un se Sufyan Suri ne, kaha hum se Abdul Malik Bin Umair ne, un se Abdullah Bin Haris ne bayan kiya un se Abbas Bin Abdul Muttalib Radi Allahu Anhu ne bayan kiya ke unhon ne Nabi Kareem Sallallahu Alaihi Wasallam se poocha aap apne chacha (Abu Talib) ke kya kaam aaye ke wo aap ki himayat kiya karte thay aur aap Sallallahu Alaihi Wasallam ke liye gussa hote thay? Aap Sallallahu Alaihi Wasallam ne farmaya ”(isi wajah se) wo sirf takhnon tak jahannum mein hain agar mein un ki sifarish na karta to wo dozakh ki teh mein bilkul neeche hote.“
.

Hum se Abdullah Bin Yusuf ne bayan kiya, kaha hum se Lais Bin Saad ne bayan kiya, kaha hum se Yezid Bin Abdullah Ibn-al-Haad ne, un se Abdullah Bin Khabbab aur un se Abu Saeed Khudri Radi Allahu Anhu ne ke unhon ne Nabi Kareem Sallallahu Alaihi Wasallam se suna, aap Sallallahu Alaihi Wasallam ki majlis mein aap ke chacha ka zikr ho raha tha to aap Sallallahu Alaihi Wasallam ne farmaya ”shayad Qiyamat ke din unhein meri shafa'at kaam aa jaye aur unhein sirf takhnon tak jahannum mein rakkha jaye jis se un ka dimagh khole ga.“ Hum se Ibrahim Bin Hamza ne bayan kiya, kaha hum se Ibn Abu Hazim aur Dara Wurdi ne bayan kiya Yezid se isi mazkoora hadees ki tarah, albatta is riwayat mein ye bhi hai ke Abu Talib ke dimagh ka bheeja is se khole ga
.

Hum se Musa bin Ismail ne bayan kiya, kaha hum se Abu Awanah ne bayan kiya, kaha hum se Abd-ul-Malik ne bayan kiya, in se Abdullah bin Haris bin Naufil ne aur in se Abbas bin Abd-ul-Mutalib razi Allahu anhu ne ke unhon ne arz kiya ke ya Rasool اللہ! Aap ne janab Abu Talib ko in ki wafat ke baad koi faida pahunchaya, woh Aap ki hifazat kiya karte thay aur Aap ke liye logon par ghussa hua karte thay. Nabi Karim salla Allahu alaihi wasallam ne farmaya ke haan woh dozakh mein is jagah par hain jahan takhnon tak aag hai agar main na hota to woh dozakh ke neeche ke tabqe mein rehte.

Hum se Ibrahim bin Hamza ne bayan kiya , unhon ne kaha hum se Ibn Abi Hazim aur Darawardi ne bayan kiya , in se Yazid bin Abdullah bin Haad ne bayan kiya , in se Abdullah bin Khabbab ne bayan kiya aur in se Abu Saeed Khudri razi Allahu anhu ne bayan kiya ke unhon ne Nabi Karim salla Allahu alaihi wasallam se suna , Nabi Karim salla Allahu alaihi wasallam ke samne Aap ke chacha Abu Talib ka zikr kiya gaya thu , to Aap salla Allahu alaihi wasallam ne farmaya ke mumkin hai Qayamat ke din meri shafa'at in ke kaam aa jaye aur unhein jahannum mein takhnon tak rakkha jaye jis se in ka bheija kholta rahe ga .