Hum se Mualla bin Asad ne bayan kiya, unhon ne kaha hum se Wuhaib ne bayan kiya, in se Hisham bin Urwah ne bayan kiya, in se un ke walid Urwah bin Zubayr ne aur in se Aisha razi Allahu anha ne bayan kiya ke Nabi Karim salla Allahu alaihi wasallam kaha karte thay «allaahumma innee aoozhu bika minal-kasali wal-harami, wal-masami wal-maghrami, wa min fitnatil-qabri wa azhaabil-qabri, wa min fitnatin-naari wa azhaabin-naari, wa min sharri fitnatil-ghinaa, wa aoozhu bika min fitnatil-faqri, wa aoozhu bika min fitnatil-maseehid-daj-jaali, allaahum-magh-sil annee khataayaaya bi-maa-is-salji wal-baradi, wa naqqi qalbee minal-khataayaa, kamaa naqqaitas-saubal-abyadha min-ad-danasi, wa baaid bainee wa baina khataayaaya kamaa baaad-ta bainal-mashriqi wal-maghribi» ”Ae Allah! Main teri panah maangta hoon susti se, bahut zyada burhape se, gunah se, qarz se aur qabr ki aazmaish se aur qabr ke azab se aur dozakh ki aazmaish se aur dozakh ke azab se aur maaldari ki aazmaish se aur teri panah maangta hoon muhtaji ki aazmaish se aur teri panah maangta hoon Maseeh Dajjal ki aazmaish se. Ae Allah! Mujh se mere gunahon ko barf aur olay ke pani se dho de aur mere dil ko khatayon se is tarah paak o saaf kar de jis tarah tu ne sufaid kapre ko mail se paak saaf kar diya aur mujh mein aur mere gunahon mein itni doori kar de jitni mashriq aur maghrib mein doori hai.“

Hum se Abul Yaman ne byaan kiya , unhon ne kaha ke hamein Shoaib ne Zuhri se khabar di , unhon ne kaha ke hamein Urwah bin Zubayr ne khabar di , unhein Nabi Karim salla Allahu alaihi wasallam ki zaujah mutahharah Aishah Siddiqah razi Allahu anha ne khabar di ke Rasool Allah salla Allahu alaihi wasallam namaaz mein yeh dua parhte thay «Allahumma inni aoozu bika min azabil qabri wa aoozu bika min fitnatil masihid dajjal , wa aoozu bika min fitnatil mahya wa fitnatil mamat , Allahumma inni aoozu bika minal maathami wal maghram» aye Allah qabr ke azab se main teri panah maangta hoon . Zindagi ke aur maut ke fitnon se teri panah maangta hoon . Dajjal ke fitne se teri panah maangta hoon aur aye Allah main teri panah maangta hoon gunahon se aur qarz se . Kisi (yani Umm al-Momineen Aishah Siddiqah razi Allahu anha) ne Nabi Karim salla Allahu alaihi wasallam se arz ki ke Aap salla Allahu alaihi wasallam to qarz se bohot hi zyada panah maangte hain! Is par Aap salla Allahu alaihi wasallam ne farmaya ke jab koi maqrooz ho jaye to woh jhoot bolta hai aur wada khilafi ho jata hai .

Hum se Musa Bin Ismail ne bayan kiya, kaha hum se Abu Awana ne bayan kiya, kaha hum se Abdul Malik Bin Umair ne bayan kiya, unhon ne Amr Bin Maimoon Audi se suna, unhon ne bayan kiya ke Saad Bin Abi Waqas (Radi Allahu Anhu) apne bacchon ko ye kalmat-e-duaiya is tarah sikhate thay jaise mual-lim bacchon ko likhna sikhata hai aur farmate thay «allhm iny aewz bk mn aljbn , waewz bk an ard ila arzl alemr , waewz bk mn ftnh aldnya , waewz bk mn ezab alqbr» "Ae Allah! Buzdili se mein teri panah mangta hoon, is se teri panah mangta hoon ke umr ke sab se zaleel hisse (burhape) mein pahuncha diya jaun aur teri panah mangta hoon mein duniya ke fitnon se aur teri panah mangta hoon qabr ke azab se." Phir mein ne ye hadees jab Musab Bin Saad se bayan ki to unhon ne bhi is ki tasdeeq ki
.

Hum se Musaddad ne bayan kiya, kaha hum se Mutamir ne bayan kiya ke mein ne apne walid se suna, unhon ne bayan kiya ke mein ne Anas Bin Malik (Radi Allahu Anhu) se suna, unhon ne bayan kiya ke Rasul Allah (Sallallahu Alaihi Wasallam) farmaya karte thay "Ae Allah! Mein teri panah mangta hoon aajizi aur susti se, buzdili aur burhape ki zaleel hudood mein pahunch jaane se aur mein teri panah mangta hoon zindagi aur maut ke fitnon se aur mein teri panah mangta hoon qabr ke azab se."
.

Hum se Qutaiba Bin Saeed ne kaha, hum se Yaqub Bin Abdur Rahman ne bayan kiya, un se Amr Bin Amr ne aur un se Anas Bin Malik (Radi Allahu Anhu) ne ke Nabi Kareem (Sallallahu Alaihi Wasallam) ne Abu Talha (Radi Allahu Anhu) se farmaya ke apne bacchon mein se koi baccha mere sath kar do jo Khaibar ke ghazwe mein mere kaam kar diya kare, jab ke mein Khaibar ka safar karun. Abu Talha apni sawari par apne peeche bitha kar mujhe (Anas Radi Allahu Anhu ko) le gaye, mein is waqt abhi larka tha. Baligh hone ke qareeb. Jab bhi aap (Sallallahu Alaihi Wasallam) kahin qiyam farmate to mein aap (Sallallahu Alaihi Wasallam) ki khidmat karta. Aksar mein sunta ke aap (Sallallahu Alaihi Wasallam) ye dua karte. «allhm iny aewz bk mn alhm walhzn walejz walksl walbhl waljbn wzle aldyn wglbh alrjal» "Ae Allah! Mein teri panah mangta hoon gham, aajizi, susti, bakhsh, buzdili, qarz-dari ke bojh aur zalim ke apne upar ghalba se, aakhir hum Khaibar pahunche aur jab Allah Ta'ala ne Khaibar ke qila par aap (Sallallahu Alaihi Wasallam) ko fatah di to aap (Sallallahu Alaihi Wasallam) ke samne Safiyyah Bint Huyai Bin Akhtab (Radi Allahu Anha) ke jamal (zahiri o batini) ka zikr kiya gaya in ka shohar (yahudi) larai mein kaam aa gaya tha aur wo abhi dulhan hi thiin (aur kyunke qabila ke sardar ki larki thiin) is liye Rasul Allah (Sallallahu Alaihi Wasallam) ne (un ka ikram karne ke liye kaha) unhein apne liye pasand farma liya. Phir aap (Sallallahu Alaihi Wasallam) unhein sath le kar wahan se chale. Jab hum Sadda-ul-Sahba par pahunche to wo haiz se paak huein, to aap (Sallallahu Alaihi Wasallam) ne un se khalwat ki. Is ke baad aap (Sallallahu Alaihi Wasallam) ne hais (khajoor, paneer aur ghee se tayyar kiya hua ek khana) tayyar kara kar ek chhote se dastar-khwan par rakhwaya aur mujh se farmaya ke apne aas paas ke logon ko dawat de do aur yahi aap (Sallallahu Alaihi Wasallam) ka Sayyida Safiyyah (Radi Allahu Anha) ke sath nikah ka walima tha. Aakhir hum Madinah ki taraf chale, Anas (Radi Allahu Anhu) ne kaha ke mein ne dekha ke aap (Sallallahu Alaihi Wasallam) Safiyyah (Radi Allahu Anha) ki wajah se apne peeche (oont ke kohan ke ard-gird) apni abaa se parda kiye hue thay (sawari par jab Safiyyah Radi Allahu Anha sawar hotiin) to aap (Sallallahu Alaihi Wasallam) apne oont ke paas baith jate aur apna ghutna khara rakhte aur Safiyyah (Radi Allahu Anha) apna paon Nabi Kareem (Sallallahu Alaihi Wasallam) ke ghutne par rakh kar sawar ho jatiin. Is tarah hum chalte rahe aur jab Madinah Munawwarah ke qareeb pahunche to aap (Sallallahu Alaihi Wasallam) ne Uhud pahar ko dekha aur farmaya ye pahar hum se mohabbat rakhta hai aur hum is se mohabbat rakhte hain, is ke baad aap (Sallallahu Alaihi Wasallam) ne Madinah ki taraf nigah uthayi aur farmaya: Ae Allah! Mein is ke donon pathrele maidanon ke darmiyan ke khitte ko hurmat wala qarar deta hoon jis tarah Ibrahim (Alaihis Salam) ne Makkah Muazzama ko hurmat wala qarar diya tha ae Allah! Madinah ke logon ko un ki mudd aur saa mein barkat dijaiye!
.

Hum se Musa bin Ismail ne byaan kiya , unhon ne kaha hum se Haroon bin Musa Abu Abdullah Awar ne byaan kiya , un se Shuayb ne aur un se Anas bin Malik razi Allahu anhu ne byaan kiya ke Rasool Allah salla Allahu alaihi wasallam dua kiya karte thay «aoozhu bika minal bukhli wal kasali , wa arzhalil umuri , wa azhaabil qabri , wa fitnatid-dajjali , wa fitnatil mahya wal mamaati» ke Ae Allah! Main teri panah maangta hoon bukhl se , susti se , arzhal e umr se (nikmi aur kharab umr 80 ya 90 saal ke baad) azab e qabr se , Dajjal ke fitne se aur zindagi aur maut ke fitne se .

Hum se Qutaybah bin Saeed ne bayan kiya , kaha hum se Ismail bin Jafar ne bayan kiya , in se Mutlib bin Abdullah bin Hantab ke ghulam Amr bin Abi Amr ne , unhon ne Anas bin Malik razi Allahu anhu se suna , unhon ne bayan kiya ke Rasool Allah salla Allahu alaihi wasallam ne Abu Talha razi Allahu anhu se farmaya ke apne yahan ke bachon mein koi bacha talash kar lao jo mere kaam kar diya kare . Chunanche Abu Talha razi Allahu anhu mujhe apni sawari par apne peeche bitha kar laye . Main Nabi Karim salla Allahu alaihi wasallam ki , jab bhi Aap kahin parao karte khidmat karta . Main suna karta tha ke Nabi Karim salla Allahu alaihi wasallam bakasrat yeh dua parha karte thay «allahumma innee aoozhu bika minal hammi wal huzni , wal ajzi wal kasli , wal bukhli wal jubni wa dala-id-daini , wa ghalabatir-rijaali» ”Ae Allah! Main teri panah maangta hoon gham se , ranj se , ajz se , susti se , bukhl se , buzdili se , qarz ke bojh se aur logon ke ghalba se .“ (Anas razi Allahu anhu ne bayan kiya ke) phir main is waqt se barabar Aap ki khidmat karta raha . Yahan tak ke hum Khaibar se wapas huay aur Safiya bint Huyay razi Allahu anha bhi saath thien . Nabi Karim salla Allahu alaihi wasallam ne unhein pasand farmaya tha . Main dekhta tha ke Nabi Karim salla Allahu alaihi wasallam ne un ke liye apni sawari par peeche kapre se parda kiya aur phir unhein wahan bithaya . Aakhir jab Maqam e Sahba mein pahunche to Aap ne dastar-khwan par hays (khajoor , paneer aur ghee waghaira ka maleeda) banaya phir mujhe bheja aur main ne logon ko bula laya , phir sab logon ne usay khaya . Yahi Nabi Karim salla Allahu alaihi wasallam ki taraf se Safiya razi Allahu anha se nikah ki dawat e walima thi . Phir Aap rawana huay aur jab Uhud dikhayi diya to Aap salla Allahu alaihi wasallam ne farmaya ke yeh pahar hum se mohabbat rakhta hai aur hum is se mohabbat rakhte hain . Is ke baad jab Madinah nazar aaya to farmaya ke Ae Allah! Main is ke donon paharon ke darmiyani ilaqe ko isi tarah hurmat wala ilaqa banata hoon jis tarah Ibrahim alaihissalam ne Makkah ko hurmat wala shehar banaya tha . Ae Allah! Is ke rehne walon ko barkat ata farma . In ke mudd mein aur in ke saa mein barkat farma .

`Hum se Qutaiba bin Saeed ne bayan kiya, kaha hum se Ismail bin Jafar ne bayan kiya, un se Amr bin Abi Amr, Muttalib bin Abdullah bin Hantab ke gulam ne bayan kiya, unhon ne Anas bin Malik Radi Allahu Anhu se suna, unhon ne bayan kiya ke Rasul Allah صلی اللہ علیہ وسلم ne Abu Talha Radi Allahu Anhu se farmaya ke apne yahan ke larkon mein se koi bacha talash karo jo mera kaam kar diya kare. Chunancha Abu Talha Radi Allahu Anhu mujhe apni sawari par peeche bitha kar le gaye Nabi Kareem صلی اللہ علیہ وسلم jab bhi ghar hote to mein Aap ki khidmat kiya karta tha. Mein ne suna ke Nabi Kareem صلی اللہ علیہ وسلم yeh dua aksar padha karte thay «Allahumma inni a'oozu bika minal hammi wal huzni, wal ajzi wal kasali, wal bukhli wal jubni, wa dala'id-daini, wa galabatir-rijal» ”Ae Allah! mein teri panah mangta hoon gham-o-alam se, aajizi-o-kamzori se aur bukhl se aur buzdili se aur qarz ke bojh se aur insaanon ke galba se.“ Mein Nabi Kareem صلی اللہ علیہ وسلم ki khidmat karta raha. Phir hum Khaibar se wapas aaye aur Nabi Kareem صلی اللہ علیہ وسلم Umm-ul-Momineen Safiya bint Huyay Radi Allahu Anha ke sath wapas hue. Nabi Kareem صلی اللہ علیہ وسلم ne unhein apne liye muntakhab kiya tha. Nabi Kareem صلی اللہ علیہ وسلم ne un ke liye abaa ya chadar se parda kiya aur unhein apni sawari par apne peeche bithaya. Jab hum maqaam Sahba pahunche to Aap ne ek charmi dastar khwan par kuch maleeda tayyar kara ke rakhwaya phir mujhe bheja aur mein kuch sahabah ko bula laya aur sab ne ise khaya, yeh Aap ki dawat-e-walima thi. Is ke baad Aap aage badhe aur Uhud pahad dikhayi diya. Nabi Kareem صلی اللہ علیہ وسلم ne farmaya yeh pahad hum se mohabbat karta hai aur hum is se mohabbat karte hain. Aap jab Madina Munawwara pahunche to farmaya ”Ae Allah! mein is shehar ke donon pahadon ke darmiyani ilaqa ko is tarah hurmat wala qarar deta hoon jis tarah Ibrahim Alaihissalam ne Makka ko hurmat wala qarar diya tha. Ae Allah! yahan walon ke mudd mein aur un ke saa' mein barkat ata farma.“

Hum se Adam bin Abi Iyas ne bayan kiya, kaha hum se Shubah ne bayan kiya, kaha hum se Abd-ul-Malik bin Umair ne bayan kiya, in se Musab bin Saad bin Abi Waqqas ne ke Saad razi Allahu anhu paanch baaton ka hukm dete thay aur unhein Nabi Karim salla Allahu alaihi wasallam ke hawala se zikr karte thay ke Nabi Karim salla Allahu alaihi wasallam in se panah maangne ka hukm karte thay ke «allaahumma innee aoozhu bika minal-bukhli, wa aoozhu bika minal-jubni, wa aoozhu bika an uradda ilaa arzhali-lumuri, wa aoozhu bika min fitnatid-dunya-yani fitnatid-daj-jaali-wa aoozhu bika min azhaabil-qabri» ”Ae Allah! Main teri panah maangta hoon is se ke bad-tareen burhapa mujh par aa jaye aur tujh se panah maangta hoon duniya ke fitna se, is se murad Dajjal ka fitna hai aur tujh se panah maangta hoon qabr ke azab se.“

Hum se Musaddad bin Musarhad ne bayan kiya, kaha hum se Mutamir bin Sulayman ne bayan kiya, kaha ke main ne apne walid se suna, bayan kiya ke main ne Anas bin Malik razi Allahu anhu se suna, unhon ne bayan kiya ke Nabi Karim salla Allahu alaihi wasallam kaha karte thay «allaahumma innee aoozhu bika minal-ajzhi wal-kasali, wal-jubni wal-harami, wa aoozhu bika min azhaabil-qabri, wa aoozhu bika min fitnatil-mahyaa wal-mamaati» ”Ae Allah! Main teri panah maangta hoon aajizi se, susti se, buzdili se aur bahut zyada burhape se aur main teri panah maangta hoon zindagi aur maut ki aazmaishon se.“

Hum se Khalid bin Makhlad ne bayan kiya, unhon ne kaha hum se Sulayman ne bayan kiya, unhon ne kaha ke mujh se Amr bin Abi Amr ne bayan kiya, unhon ne kaha ke main ne Anas bin Malik razi Allahu anhu se suna, kaha ke Nabi Karim salla Allahu alaihi wasallam kehte thay «allaahumma innee aoozhu bika minal-hammi wal-hazani, wal-ajzhi wal-kasali, wal-jubni wal-bukhli, wa dhalai-id-daini, wa ghalabatir-rijaali» ”Ae Allah! Main teri panah maangta hoon gham o alam se, aajizi se, susti se, buzdili se, bukhl, qarz charh jaane aur logon ke ghalba se.“

Hum se Muhammad bin Musanna ne bayan kiya, unhon ne mujh se Ghundar ne bayan kiya, unhon ne hamase Shubah ne bayan kiya, in se Abd-ul-Malik bin Umair ne bayan kiya, in se Musab bin Saad ne bayan kiya aur in se Saad bin Abi Waqqas razi Allahu anhu ne ke woh in paanch baaton se panah maangne ka hukm dete thay aur unhein Nabi Karim salla Allahu alaihi wasallam ke hawala se bayan karte thay ke «allaahumma innee aoozhu bika minal-bukhli, wa aoozhu bika minal-jubni, wa aoozhu bika an uradda ilaa arzhali-lumuri, wa aoozhu bika min fitnatid-dunya, wa aoozhu bika min azhaabil-qabri» ”Ae Allah! Main teri panah maangta hoon bukhl se, main teri panah maangta hoon buzdili se, main teri panah maangta hoon is se ke nakara umr mein pahuncha diya jaoon, main teri panah maangta hoon duniya ki aazmaish se aur main teri panah maangta hoon qabr ke azab se.“

Hum se is hadees ko Abu Mamar ne bayan kiya, unhon ne kaha hum se Abd-ul-Waris bin Saeed ne bayan kiya, in se Abd-ul-Aziz bin Suhayb ne bayan kiya aur in se Anas bin Malik razi Allahu anhu ne bayan kiya ke Rasool Allah salla Allahu alaihi wasallam panah maangte thay aur kehte thay ke «allaahumma innee aoozhu bika minal-kasali, wa aoozhu bika minal-jubni, wa aoozhu bika minal-harami, wa aoozhu bika minal-bukhli» ”Ae Allah! Main teri panah maangta hoon susti se aur teri panah maangta hoon buzdili se aur teri panah maangta hoon nakara burhape se aur teri panah maangta hoon bukhl se.“

Hum se Ishaq bin Ibrahim ne bayan kiya, kaha hum ko Husain bin Ali Jafi ne khabar di, unhein Zaidah bin Qudamah ne, unhein Abd-ul-Malik bin Umair ne, unhein Musab bin Saad ne aur in se un ke walid ne bayan kiya ke in kalma-t ke zariye Allah ki panah maango jin ke zariye Nabi Karim salla Allahu alaihi wasallam panah maangte thay «allaahumma innee aoozhu bika minal-jubni, wa aoozhu bika minal-bukhli, wa aoozhu bika min an uradda ilaa arzhali-lumuri, wa aoozhu bika min fitnatid-dunya, wa azhaabil-qabri» ”Ae Allah! Main teri panah maangta hoon buzdili se, teri panah maangta hoon bukhl se, is se ke nakara umr ko pahunchoon, teri panah maangta hoon duniya ki aazmaish se aur qabr ke azab se.“

Hum se Yahya bin Musa ne bayan kiya, unhon ne kaha hum se Waki ne bayan kiya, in se Hisham bin Urwah ne bayan kiya, in se un ke walid Urwah bin Zubayr ne aur in se Umm al-Momineen Aisha Siddiqa razi Allahu anha ne bayan kiya ke Nabi Karim salla Allahu alaihi wasallam dua kiya karte thay kaha «allaahumma innee aoozhu bika minal-kasali wal-harami wal-maghrami wal-masami, allaahumma innee aoozhu bika min azhaabin-naari wa fitnatin-naari wa azhaabil-qabri, wa sharri fitnatil-ghinaa, wa sharri fitnatil-faqri, wa min sharri fitnatil-maseehid-daj-jaali, allaahum-magh-sil khataayaaya bi-maa-is-salji wal-baradi, wa naqqi qalbee minal-khataayaa, kamaa yunaqqas-saubul-abyadhu min-ad-danasi, wa baaid bainee wa baina khataayaaya kamaa baaad-ta bainal-mashriqi wal-maghribi» ”Ae Allah! Main teri panah maangta hoon susti se, nakara umr se, burhape se, qarz se aur gunah se. Ae Allah! Main teri panah maangta hoon dozakh ke azab se, dozakh ki aazmaish se, qabr ke azab se, maaldari ki buri aazmaish se, muhtaji ki buri aazmaish se aur Maseeh Dajjal ki buri aazmaish se. Ae Allah! Mere gunahon ko barf aur olay ke pani se dho de aur mere dil ko khatayon se paak kar de, jis tarah sufaid kapra mail se saaf kar diya jata hai aur mere aur mere gunahon ke darmiyan itna fasla kar de jitna fasla mashriq o maghrib mein hai.“

Hum se Farwah bin Abi al-Maghraa ne bayan kiya, unhon ne kaha hum se Ubaidah bin Humayd ne bayan kiya, in se Abd-ul-Malik bin Umair ne bayan kiya, in se Musab bin Saad bin Abi Waqqas razi Allahu anhu ne bayan kiya aur in se in ke walid Saad bin Abi Waqqas razi Allahu anhu ne bayan kiya ke Rasool Allahsalla Allahu alaihi wasallam hamain yeh kalma-t is tarah sikhate thay jaisa likhna sikhate thay «allaahumma innee aoozhu bika minal-bukhli, wa aoozhu bika minal-jubni, wa aoozhu bika an nuradda ilaa arzhali-lumuri, wa aoozhu bika min fitnatid-dunya, wa azhaabil-qabri» ”Ae Allah! Main teri panah maangta hoon bukhl se aur teri panah maangta hoon duniya ki aazmaish se aur qabr ke azab se.