`Hum se Muslim bin Ibrahim ne bayan kiya, unhon ne kaha hum se Hisham bin Urwa ne bayan kiya, unhon ne kaha hum se Qatada ne bayan kiya, un se Abu al-Aliya ne aur un se Ibn Abbas Radi Allahu Anhuma ne ke Nabi Kareem صلی اللہ علیہ وسلم pareshani ke waqt yeh dua karte thay «La ilaha illallahul Azeemul Haleem, La ilaha illallahu Rabbus-samawati wal-ardi, Rabbul Arshil Azeem» ”Allah ke siwa koi mabood nahi jo bahut azmat wala hai aur burd-baar hai, Allah ke siwa koi mabood nahi jo aasmanon aur zameen ka Rabb aur bade bhaari Arsh ka Rabb hai.“

`Hum se Musaddad ne bayan kiya, unhon ne kaha hum se Yahya bin Abi Kaseer ne bayan kiya, un se Hisham bin Abi Abdullah ne bayan kiya, un se Qatada ne, un se Abu al-Aliya ne aur un se Ibn Abbas Radi Allahu Anhuma ne ke Rasul Allah صلی اللہ علیہ وسلم haalat-e-pareshani mein yeh dua kiya karte thay «La ilaha illallahul Azeemul Haleem, La ilaha illallahu Rabbul Arshil Azeem, La ilaha illallahu Rabbus-samawati, wa Rabbul Ardi, wa Rabbul Arshil Kareem» ”Allah sahab-e-azmat aur burd-baar ke siwa koi mabood nahi, Allah ke siwa koi mabood nahi jo Arsh-e-Azeem ka Rabb hai, Allah ke siwa koi mabood nahi jo aasmanon aur zameeno ka Rabb hai aur Arsh-e-Azeem ka Rabb hai.“ Aur Wahab ne bayan kiya ke hum se Shu'ba ne bayan kiya, un se Qatada ne is tarah bayan kiya.

Hum se Khallad bin Yahya ne bayan kiya, unhon ne kaha hum se Esa bin Tahman ne bayan kiya, unhon ne kaha ke main ne Anas bin Malik razi Allahu anhu se suna, unhon ne bayan kiya ke parda ki aayat Umm al-Momineen Zaynub bin Jahsh razi Allahu anha ke baare mein nazil hui aur is din Aap ne roti aur gosht ke walima ki dawat di aur Zaynub razi Allahu anha tamam azwaj e mutahharat par fakhr kiya karti thien aur kehti thien ke mera nikah Allah ne aasman par karaya tha.

Hum se Mualla bin Asad ne bayan kiya, unhon ne kaha hum se Wuhaib ne bayan kiya, in se Saeed ne bayan kiya, in se Qatadah ne bayan kiya, in se Abu al-Aaliya ne aur in se Ibn Abbas razi Allahu anhuma ne bayan kiya ke Nabi Karim salla Allahu alaihi wasallam pareshani ke waqt yeh dua karte thay «laaa ilaaha illallaahul-aleemul-haleemu laaa ilaaha illallaahu rabbul-arshil-azheemi laaa ilaaha illallaahu rab-bus-samaawaati wa rabbul-ardhi rabbul-arshil-kareemi» . ”Allah ke siwa koi mabood nahi jo bahut jaanne wala bada burdbaar hai, Allah ke siwa koi mabood nahi jo arsh e azheem ka Rabb hai, Allah ke siwa koi Rabb nahi jo aasmanon ka Rabb hai, zameen ka Rabb hai aur arsh e kareem ka Rabb hai.“

Hum se Abd-ul-A'la bin Hammad ne bayan kiya, unhon ne kaha hum se Yazid bin Zuray ne bayan kiya, unhon ne kaha hum se Saeed ne bayan kiya, in se Qatadah ne, in se Abu al-Aaliya ne aur in se Ibn Abbas razi Allahu anhuma ne ke Nabi Karim salla Allahu alaihi wasallam yeh dua pareshani ke waqt karte thay «laaa ilaaha illallaahul-azheemul-haleemu, laaa ilaaha illallaahu rabbul-arshil-azheemi, laaa ilaaha illallaahu rab-bus-samaawaati wa rabbul-arshil-kareemi» . ”koi mabood Allah ke siwa nahi jo azheem hai aur burdbaar hai, koi mabood Allah ke siwa nahi jo arsh e azheem ka Rabb hai, koi mabood Allah ke siwa nahi jo aasmanon ka Rabb hai aur arsh e kareem ka Rabb hai.