Aur aisa hua ke Nabi Karim salla Allahu alaihi wasallam is waqt baithe huay thay ke ek sahab ne aa kar sawal kiya ya koi zaroorat poori karaani chahi. Nabi Karim salla Allahu alaihi wasallam hamari taraf mutawajjo huay aur farmaya ke tum khamosh kyun baithe rehte ho balkay is ki sifarish karo taake tumhein bhi ajar mile aur Allah jo chahe ga apne Nabi ki zaban par jaari kare ga (tum apna sawab kyun khowo).

Hum se Khalad bin Yahya ne bayan kiya , kaha hum se Sufyan Thauri ne Abi Burda bin Abdullah bin Abi Burda se , unhon ne apne dada Abu Burda se , unhon ne Abu Moosa Ashari raziyallahu anhu se . Unhon ne Nabi Karim salla Allahu alaihi wa sallam se ke aap salla Allahu alaihi wa sallam ne farmaya ek momin doosre momin ke liye imarat ki tarah hai ke is ka ek hissa doosre hissay ko quwwat pehnchata hai . Aur aap salla Allahu alaihi wa sallam ne ek hath ki ungliyon ko doosre hath ki ungliyon mein dakhil kiya .

Hum se Musa bin Ismail ne byaan kiya ‘ kaha ke hum se Abdul Wahid bin Ziyad ne byaan kiya ‘ kaha ke hum se Abu Burdah bin Abdullah bin Abi Burdah ne byaan kiya ‘ kaha ke hum se Abu Burdah bin Abi Musa ne byaan kiya ‘ aur un se un ke baap Abu Musa ne byaan kiya ke Rasool Allah salla Allahu alaihi wasallam ke paas agar koi mangne wala aata ya Aap salla Allahu alaihi wasallam ke saamne koi haajat pesh ki jati to Aap salla Allahu alaihi wasallam Sahaba-e-Karam se farmate ke tum sifarish karo ke is ka sawab pao ge aur Allah paak apne Nabi ki zaban se jo faisla chahe ga woh de ga .

Hum se Muhammad Bin Alaa ne bayan kiya, kaha ke hum se Abu Usama ne bayan kiya, un se Buraid ne, un se Abu Burdah ne aur un se Abu Musa (Radi Allahu Anhu) ne, unhon ne Nabi Kareem (Sallallahu Alaihi Wasallam) se ke Aap (Sallallahu Alaihi Wasallam) ne farmaya ke ek momin doosre momin ke sath ek imarat ke hukum mein hai ke ek ko doosre se quwat pahunchti hai. Aur Aap (Sallallahu Alaihi Wasallam) ne apne ek hath ki ungliyon ko doosre hath ki ungliyon ke andar kiya
.