Hum se Saeed bin Abi Maryam ne bayan kiya, unhon ne kaha hum se Sulayman bin Bilal ne, unhon ne kaha mujhko Muawiyah bin Abi Muzarrid ne khabar di, unhon ne Yazid bin Rooman se, unhon ne Urwah se, unhon ne Aisha razi Allahu anha se ke Aap salla Allahu alaihi wasallam ne farmaya ke raham (rishtedari Rahman se mili hui) shakh hai jo shakhs is se mile main is se milta hoon aur jo is se qata talluq kare main is se qata talluq karta hoon.

Hum se bashar bin Muhammad ne byaan kiya , un ko Abdullah ne khabar di , unhein Muawiyah bin Muzarrid ne khabar di , sabiqa hadees ki tarah (aur yeh ke Abu Hurairah razi Allahu anhu ne byaan kiya) Rasool Allah salla Allahu alaihi wasallam ne farmaya , agar tumhara jee chahe to aayat agar tum kinara-kash raho parh lo .

Mujh se Bishr bin Muhammad ne bayan kiya, kaha hum ko Abdullah ne khabar di, kaha hum ko Muawiyah bin Abi Muzarrid ne khabar di, kaha ke main ne apne chacha Saeed bin Yasar se suna, woh Abu Hurairah razi Allahu anhu se bayan karte thay ke Nabi Karim salla Allahu alaihi wasallam ne farmaya ke Allah Ta'ala ne farmaya Allah Ta'ala ne makhlooq paida ki aur jab is se faraghat hui to raham ne arz kiya ke yeh is shakhs ki jagah hai jo qata-rahmi se teri panah maange. Allah Ta'ala ne farmaya ke haan kya tum is par raazi nahi ke main is se jorroon ga jo tum se apne Aap ko jorre aur is se torr loon ga jo tum se apne Aap ko torr le? Raham ne kaha kyun nahi, Ae Rabb! Allah Ta'ala ne farmaya ke pas yeh tujh ko diya. Rasool Allah salla Allahu alaihi wasallam ne is ke baad farmaya ke agar tumhara jee chahe to yeh aayat parh lo «fahal asaitum in tawallaitum an tufsidoo fil-ardi wa tuqattioo arhaamakum» yani ”kuch ajeeb nahi ke agar tum ko hukoomat mil jaye to tum mulk mein fasad barpa karo aur rishte naate torr daalo.“

Hum se Khalid bin Makhlad ne bayan kiya, kaha hum se Sulayman bin Bilal ne bayan kiya, kaha hum se Abdullah bin Dinar ne, in se Abu Salih ne aur in se Abu Hurairah razi Allahu anhu ne ke Nabi Karim salla Allahu alaihi wasallam ne farmaya ke raham ka talluq Rahman se jura hua hai pas jo koi is se apne Aap ko jorta hai Allah Paak ne farmaya ke main bhi is ko apne se jorr leta hoon aur jo koi usay torrta hai main bhi apne Aap ko is se torr leta hoon.

`Hum se Ismail bin Abdullah ne bayan kiya, unhon ne kaha mujh se Sulaiman bin Bilal ne bayan kiya, un se Muawiya bin Abi Mazrad ne bayan kiya aur un se Said bin Yasar ne aur un se Abu Hurairah Radi Allahu Anhu ne bayan kiya ke Rasul Allah صلی اللہ علیہ وسلم ne farmaya ”Allah Ta'ala ne farmaya ke thehar ja. Us ne kaha ke yeh qata-e-reham (nata todna) se Teri panah mangne ka maqaam hai. Allah Ta'ala ne farmaya kya tum is par raazi nahi ke Mein naate ko jodne wale se apne reham ka nata jodoon aur naate ko kaatne walon se juda ho jaoon. Us ne kaha ke zaroor, mere Rabb! Allah Ta'ala ne farmaya ke phir yahi tera maqaam hai. Phir Abu Hurairah Radi Allahu Anhu ne (Surah Muhammad ki) yeh ayat parhi «Fahal asaitum in tawallaitum an tufsidoo fil-ardi wa tuqatti'oo arhamakum» ”Mumkin hai ke agar tum hakim ban jao to zameen mein fasad karo aur qata-e-reham karo.“