Hum se Khalid bin Makhlad ne byaan kiya , unhon ne kaha ke hum se Sulayman ne byaan kiya , kaha ke mujh se Muawiyah bin Abi Muzarrid ne byaan kiya , un se Saeed bin Yasar ne aur un se Abu Hurairah razi Allahu anhu ne byaan kiya ke Nabi Karim salla Allahu alaihi wasallam ne farmaya ke Allah Ta'ala ne makhlooq paida ki , jab woh is ki paidaish se farigh hua to raham ne kharay ho kar raham karne wale Allah ke daman mein panah li . Allah Ta'ala ne is se farmaya kya tujhe yeh pasand nahi ke jo tujh ko jorre main bhi usay jorroon aur jo tujhe torre main bhi usay torr doon . Raham ne arz kiya , haan Ae mere Rabb! Allah Ta'ala ne farmaya , phir aisa hi ho ga . Abu Hurairah razi Allahu anhu ne kaha ke agar tumhara jee chahe to yeh aayat parh lo «fahal asaytum in tawallaytum an tufsidoo fil ardi wa tuqattioo arhaamakum» ”agar tum kinara-kash raho to aaya tum ko yeh ihtimal bhi hai ke tum log deen mein fasad macha do ge aur aapas mein qata talluq kar lo ge .“

Hum se Ibrahim bin Hamzah ne byaan kiya , kaha ke hum ko Hatim ne byaan kiya , un se Muawiyah ne byaan kiya , un se un ke chacha Abu al-Hubab Saeed bin Yasar ne byaan kiya aur un se Abu Hurairah razi Allahu anhu ne sabiqa hadees ki tarah . Phir (Abu Hurairah razi Allahu anhu ne byaan kiya ke) Rasool Allah salla Allahu alaihi wasallam ne farmaya ke agar tumhara jee chahe to aayat «fahal asaytum» agar tum kinara-kash raho parh lo .

Hum se bashar bin Muhammad ne byaan kiya , un ko Abdullah ne khabar di , unhein Muawiyah bin Muzarrid ne khabar di , sabiqa hadees ki tarah (aur yeh ke Abu Hurairah razi Allahu anhu ne byaan kiya) Rasool Allah salla Allahu alaihi wasallam ne farmaya , agar tumhara jee chahe to aayat agar tum kinara-kash raho parh lo .