‏‏‏‏ Mujahid ne kaha «booran» ke maani halak hone walon ke hain . Mujahid ne yeh bhi kaha ke «seemaahum fee wujoohihim» ka matlab yeh hai ke un ke munh par sajdon ki wajah se narmi aur khush-numayi hoti hai aur Mansoor ne Mujahid se naqal kiya «seema» se murad tawazu aur aajzi hai . «akhraja shat-ahu» is ne apna khosha nikala . «fastaghlazha» pas woh mota ho gaya . «sooqin» darakht ki nali jis par darakht khara rehta hai , is ki jarr . «daa'iratus-soo'i» jaise kehte hain «rajulus-soo'i» . «daa'iratus-soo'i» se murad azab hai . «tu'azziru-hu» is ki madad karein . «shat-ahu» se baal ka pattha murad . Ek dana das ya aath ya saat baalein ugata hai aur ek doosre se sahara milta hai . «fa-aazarahu» se yahi murad hai , yani is ko zor diya , agar ek hi baali hoti to woh ek nali par khari na reh sakti . Yeh ek misal Allah Ta'ala ne Nabi salla Allahu alaihi wasallam ki byaan farmayi hai . Jab Aap ko risalat mili Aap bilkul tanha be-yaar o madadgar thay . Phir Allah Paak ne Aap ke as-haab se Aap ko taqat di jaise dane ko baaliyon se taqat milti hai .