‏‏‏‏ «auzaaraha» apne gunah dhar diye yahan tak ke Musalman ke siwa koi baqi na rahe (aksar logon ne «auzaaraha» ke maani hathiyaron ke kiye hain) . «arrafaha» is ko byaan kar de ga , batla de ga . (har ek bahishti apna ghar pehchan le ga) . Mujahid ne kaha «maula-llazheena aamanu» is «maula» se wali yani kaar-saaz murad hai . «azama-l-amru» jab larayi ka irada pakka ho jaye . «fala tahinu» susti na karo aur Ibn Abbas razi Allahu anhuma ne kaha «ad-ghaanahum» ke maani un ka hasad keena . «aasinin» sara hua pani jis ka rang ya boo ya maza badal jaye .

Hum se Khalid bin Makhlad ne byaan kiya , unhon ne kaha ke hum se Sulayman ne byaan kiya , kaha ke mujh se Muawiyah bin Abi Muzarrid ne byaan kiya , un se Saeed bin Yasar ne aur un se Abu Hurairah razi Allahu anhu ne byaan kiya ke Nabi Karim salla Allahu alaihi wasallam ne farmaya ke Allah Ta'ala ne makhlooq paida ki , jab woh is ki paidaish se farigh hua to raham ne kharay ho kar raham karne wale Allah ke daman mein panah li . Allah Ta'ala ne is se farmaya kya tujhe yeh pasand nahi ke jo tujh ko jorre main bhi usay jorroon aur jo tujhe torre main bhi usay torr doon . Raham ne arz kiya , haan Ae mere Rabb! Allah Ta'ala ne farmaya , phir aisa hi ho ga . Abu Hurairah razi Allahu anhu ne kaha ke agar tumhara jee chahe to yeh aayat parh lo «fahal asaytum in tawallaytum an tufsidoo fil ardi wa tuqattioo arhaamakum» ”agar tum kinara-kash raho to aaya tum ko yeh ihtimal bhi hai ke tum log deen mein fasad macha do ge aur aapas mein qata talluq kar lo ge .“