Hum se Musaddad ne bayan kiya , kaha hum se Khalid ne bayan kiya , in se Abdullah bin Abdur Rahman ne bayan kiya , in se Anas razi Allahu anhu ne ke Nabi Karim salla Allahu alaihi wasallam ne farmaya ke auraton par Aisha ki fazeelat aaisi hai jaise tamam khanon par sareed ki fazeelat hai .

Aur Ibn Wahb ne bayan kiya ke mujhe Yunus ne khabar di un se Ibn Shihab ne bayan kiya kaha ke mujh se Saeed Bin Musayyib ne bayan kiya aur un se Abu Hurairah (Radi Allahu Anhu) ne bayan kiya ke mein ne Rasul Allah (Sallallahu Alaihi Wasallam) se suna Aap (Sallallahu Alaihi Wasallam) ne farmaya ke ont par sawar hone waliyon (Arabi khawateen) mein sab se behtareen Quraishi khawateen hain. Apne bacche par sab se zyada muhabbat-o-shafqat karne wali aur apne shohar ke maal-o-asbab ki sab se behtar nigraan-o-muhafiz. Abu Hurairah (Radi Allahu Anhu) ye hadees bayan karne ke baad kehte thay ke Maryam Bint-e-Imran ont par kabhi sawar nahi hui thien. Yunus ke sath is hadees ko Zuhri ke bhatije aur Ishaq Kalbi ne bhi Zuhri se riwayat kiya hai

Hum se Abdul Aziz Bin Abdullah ne bayan kiya, kaha ke mujh se Muhammad Bin Jafar ne bayan kiya, un se Abdullah Bin Abdur Rahman ne aur unhon ne Anas Bin Malik Radi Allahu Anhu se suna, unhon ne bayan kiya ke mein ne Rasul Allah Sallallahu Alaihi Wasallam ko ye farmate hue suna hai ke Aisha Radi Allahu Anha ki fazilat baqi aurton par aisi hai jaise sareed ki fazilat aur tamam khanon par
.

Hum se Amr bin Aun ne bayan kiya , kaha hum se Khalid bin Abdullah ne bayan kiya , in se Abu Tawalah ne aur in se Anas ne ke Nabi Karim salla Allahu alaihi wasallam ne farmaya ke auraton par Aisha ki fazeelat aaisi hai jaise tamam khanon par sareed ki fazeelat hai .