Hum se Abd-ul-A'la bin Hammad ne byaan kiya , kaha hum se Yazid bin Zuray ne byaan kiya , kaha hum se Saeed ne byaan kiya aur un se Anas bin Malik razi Allahu anhu ne byaan kiya ke ek raat mein Nabi Karim salla Allahu alaihi wasallam apni tamam azwaj e mutahharat ke paas gaye . Is waqt Nabi Karim salla Allahu alaihi wasallam ke nikah mein nau biwiyaan thien .

Hum se Muhammed bin Bashshaar ne bayan kiya. Unhon ne kaha hum se Mu’aaz bin Hisham ne bayan kiya, unhon ne kaha mujh se mere waalid ne Qatadah ke waaste se, kaha hum se Anas bin Malik ne ke Nabi-e-Kareem Sallallahu Alaihi Wasallam din aur raat ke ek hi waqt mein apni tamaam azwaaj-e-mutahharaat ke paas gaye aur yeh giyaarah thein. (Nau mankooha aur do laundiyaan) rawi ne kaha, main ne Anas se poocha ke Nabi-e-Kareem Sallallahu Alaihi Wasallam is ki taaqat rakhte the. To aap ne farmaaya ke hum aapas mein kaha karte the ke Aap Sallallahu Alaihi Wasallam ko tees mardon ke barabar taaqat di gayi hai aur Sa’eed ne kaha Qatadah ke waasta se ke hum kehte the ke Anas ne un se nau azwaaj ka zikr kiya.

Hum se Abdul A’laa bin Hammad ne bayan kiya, unhon ne kaha hum se Yazeed bin Zurai’ ne bayan kiya, unhon ne kaha hum se Sa’eed bin Abi Aroobah ne bayan kiya, unhon ne Qatadah se, ke Anas bin Malik Radhiallahu Anhu ne un se bayan kiya ke Nabi-e-Kareem Sallallahu Alaihi Wasallam apni tamaam azwaaj ke paas ek hi raat mein tashreef le gaye. Us waqt Aap Sallallahu Alaihi Wasallam ke azwaaj mein nau biwiyaan thein.

Hum se Musaddad ne byaan kiya . Kaha hum se Yazid bin Zuray ne byaan kiya , kaha hum se Saeed ne byaan kiya , un se Qatadah ne , un se Anas razi Allahu anhu ne ke Nabi Karim salla Allahu alaihi wasallam ek martaba ek hi raat mein apni tamam biwiyon ke paas gaye Nabi Karim salla Allahu alaihi wasallam ke paas nau biwiyaan thien . Imam Bukhari rahmahullah ne kaha ke mujh se Khaleefa bin Khayyat ne byaan kiya , kaha hum se Saeed ne byaan kiya , un se Qatadah ne aur un se Anas razi Allahu anhu ne byaan kiya , unhon ne Nabi Karim salla Allahu alaihi wasallam se phir yahi hadees byaan ki .