Hum se Nasr bin Ali ne byaan kiya, kaha hum ko Abu Ahmad Zubayri ne khabar di, kaha hum ko Israeel ne khabar di, un se Abu Ishaq ne, un se Aswad bin Yazid ne aur un se Abdullah bin Masood razi Allahu anhu ne byaan kiya ke sab se pehle nazil hone wali sajda wali surat Surah al-Najm hai. Byaan kiya ke phir Rasool Allah salla Allahu alaihi wasallam ne (is ki tilawat ke baad) sajda kiya aur jitne log Aap ke peeche thay sab hi ne Aap salla Allahu alaihi wasallam ke saath sajda kiya, siwa ek shakhs ke, main ne dekha ke is ne apni hatheli mein mitti uthayi aur isi par sajda kar liya. Baad mein (Badr ki larayi mein) main ne usay dekha ke kufr ki halat mein woh qatl kiya hua para hai. Woh shakhs Umayyah bin Khalaf tha.

Hum se Muhammad bin Bashshar ne byaan kiya , kaha ke hum se Ghundar Muhammad bin Jafar ne byaan kiya kaha ke hum se Shu'bah ne byaan kiya aur un se Abu Ishaq ne unhon ne kaha ke main ne Aswad se suna unhon ne Abdullah bin Masood razi Allahu anhu se ke Makkah mein Nabi Karim salla Allahu alaihi wasallam ne Surah An-Najm ki tilawat ki aur sajdah tilawat kiya Aap salla Allahu alaihi wasallam ke paas jitne aadmi thay (Musalman aur kafir) un sab ne bhi Aap salla Allahu alaihi wasallam ke saath sajdah kiya albatta aik boorha shakhs (Umayyah bin Khalaf) apne haath mein kankari ya mitti utha kar apni peshani tak le gaya aur kaha mere liye yahi kaafi hai main ne dekha ke baad mein woh boorha halat-e-kufr mein hi mara gaya .

Hum se Hafs bin Umar ne byaan kiya , kaha ke hum se Shu'bah ne , Abu Ishaq se byaan kiya , un se Aswad ne , un se Abdullah bin Masood razi Allahu anhu ne ke Nabi Karim salla Allahu alaihi wasallam ne Surah An-Najm ki tilawat ki aur is mein sajdah kiya is waqt qaum ka koi fard (Musalman aur kafir) bhi aisa na tha jis ne sajdah na kiya ho . Albatta aik shakhs (Umayyah bin Khalaf) ne haath mein kankari ya mitti le kar apne chehra tak uthayi aur kaha ke mere liye yahi kaafi hai . Abdullah bin Masood razi Allahu anhu ne kaha ke baad mein main ne dekha ke woh kufr ki halat hi mein qatal hua .

Hum se Musaddad bin Musarhad ne byaan kiya , kaha ke hum se Abdul Waris ne byaan kiya , kaha hum se Ayyub Sakhtiyani ne byaan kiya , un se Ikrimah ne , un se Ibn Abbas razi Allahu anhuma ne ke Nabi Karim salla Allahu alaihi wasallam ne Surah An-Najm mein sajdah kiya to Musalmanon , mushrikon aur jinn o ins sab ne Aap salla Allahu alaihi wasallam ke saath sajdah kiya . Is hadees ki riwayat Ibrahim bin Tahman ne bhi Ayyub Sakhtiyani se ki hai .

Hum se Sulaiman Bin Harb ne bayan kiya, kaha hum se Shuaib ne bayan kiya, un se Abu Ishaq ne, un se Aswad ne aur un se Abdullah Bin Masood Radi Allahu Anhu ne ke Nabi Kareem Sallallahu Alaihi Wasallam ne Surah-an-Najm parhi aur sajda kiya is waqt Aap Sallallahu Alaihi Wasallam ke sath tamam logon ne sajda kiya sirf ek shakhs ko mein ne dekha ke apne hath mein is ne kankariyan utha kar is par apna sar rakh diya aur kehne laga ke mere liye bas itna hi kafi hai. Mein ne phir ise dekha ke kufr ki halat mein wo qatl kiya gaya
.

Hum se Usman Bin Abi Shaibah ne bayan kiya, kaha ke mujhe mere walid ne khabar di, unhein Shuba ne, unhein Abu Ishaq ne, unhein Aswad aur unhein Abdullah Bin Masood Radi Allahu Anhu ne ke Nabi Kareem Sallallahu Alaihi Wasallam ne (ek martaba Makkah mein) Surah-an-Najm ki tilawat ki aur sajda-e-tilawat kiya to jitne log wahan mojood thay sab sajda mein gir gaye. Siwaye ek boorhe ke ke is ne hatheli mein matti le kar apni peshani par ise laga liya aur kehne laga ke mere liye bas itna hi kafi hai. Abdullah Radi Allahu Anhu ne kaha ke phir mein ne ise dekha ke kufr ki halat mein wo qatl hua
.

Hum se Abu Mamar Abdullah bin Amr ne byaan kiya, un se Abdul Waris bin Saeed ne byaan kiya, kaha hum se Ayub Sakhtiyani ne byaan kiya, un se Ikrimah ne aur un se Ibn Abbas razi Allahu anhuma ne byaan kiya ke Nabi Karim salla Allahu alaihi wasallam ne Surah al-Najm mein sajda kiya aur Aap ke saath Musalmanon ne aur tamam mushrikon aur jinnat o insanon ne bhi sajda kiya. Abdul Waris ke saath is hadees ko Ibrahim bin Tahman ne bhi Ayub se riwayat kiya aur Ismail bin Aliyyah ne apni riwayat mein Ibn Abbas razi Allahu anhuma ka zikr nahi kiya.