Hum se Qutaiba Bin Saeed ne bayan kiya ‘ unhon ne kaha hum se Yaqub Bin Abdur Rahman ne bayan kiya ‘ in se Abu Hazim ne bayan kiya ‘ unhon ne kaha ke mujhe Sahl Bin Saad Radi Allahu Anhu ne khabar di ke Ghazwa Khaibar mein Rasul Allah Sallallahu Alaihi Wasallam ne farmaya tha ke kal mein jhanda ek aise shakhs ko doonga jis ke hathon par Allah Ta'ala fatah ata farmaye ga aur jo Allah aur is ke Rasul se muhabbat rakhta hai aur Allah aur is ke Rasul bhi ise aziz rakhte hain. Ravi ne bayan kiya ke wo raat sab ki is fikr mein guzar gayi ke dekhein ‘ Nabi Kareem Sallallahu Alaihi Wasallam alam kise ata farmate hain. Subah hui to sab khidmat-e-nabwi mein hazir hue aur is umeed ke sath ke alam unhi ko mile lekin Nabi Kareem Sallallahu Alaihi Wasallam ne daryaft farmaya ke Ali Bin Abi Talib kahan hain? Arz kiya gaya ke Ya Rasul Allah! Wo to aankhon ki takleef mein mubtala hain. Nabi Kareem Sallallahu Alaihi Wasallam ne farmaya ke unhein bula lao. Jab wo laye gaye to Aap Sallallahu Alaihi Wasallam ne apna thook in ki aankhon mein lagaya aur in ke liye dua ki. Is dua ki barkat se in ki aankhen itni acchi ho gayin jaise pehle koi bimari hi nahi thi. Ali Radi Allahu Anhu ne alam sambhal kar arz kiya: Ya Rasul Allah! Mein in se is waqt tak jung karunga jab tak wo hamare hi jaise na ho jayein. Aap Sallallahu Alaihi Wasallam ne farmaya ke yun hi chalte raho ‘ in ke maidan mein utar kar pehle unhein Islam ki dawat do aur batao ke Allah ka in par kya haq hai. Allah ki qasam! Agar tumhare zariye ek shakhs ko bhi hidayait mil jaye to ye tumhare liye surkh oontom se behtar hai
.

Hum se Abdullah Bin Maslama Qanabi ne bayan kiya, kaha hum se Abdul Aziz Bin Abi Hazim ne bayan kiya, un se un ke walid ne, un se Sahl Bin Saad Saidi (Radi Allahu Anhu) ne aur unhon ne Nabi Kareem (Sallallahu Alaihi Wasallam) se suna, aap (Sallallahu Alaihi Wasallam) ne Khaibar ki larayi ke din farmaya tha ke Islami jhanda mein ek aise shakhs ke hath mein doon ga jis ke zariya Allah Ta'ala fatah inayat farmaye ga. Ab sab is intezar mein thay ke dekhiye jhanda kise milta hai, jab subah hui to sab sar-karda log isi umeed mein rahe ke kash! Unhein ko mil jaye lekin aap (Sallallahu Alaihi Wasallam) ne daryaft farmaya: Ali kahan hain? Arz kiya gaya ke wo aankhon ke dard mein mubtala hain, aakhir aap (Sallallahu Alaihi Wasallam) ke hukm se unhein bulaya gaya. Aap (Sallallahu Alaihi Wasallam) ne apna lau-aab-e-dahan mubarak un ki aankhon mein laga diya aur fauran hi wo acche ho gaye. Jaise pehle koi takleef hi na rahi ho. Ali (Radi Allahu Anhu) ne kaha hum in (yahudiyon se) is waqt tak jung karein ge jab tak ye hamare jaise (musalman) na ho jayein. Lekin aap (Sallallahu Alaihi Wasallam) ne farmaya: abhi thahro pehle in ke maidan mein utar kar unhein tum Islam ki dawat de lo aur un ke liye jo cheez zaroori hain in ki khabar kar do (phir wo na manein to larna) Allah ki qasam! Agar tumhare zariya ek shakhs ko bhi hidayat mil jaye to ye tumhare haqq mein surkh oonton se behtar hai
.

Hum se Qutaiba ne bayan kiya, kaha hum se Hatim Bin Ismail ne bayan kiya, un se Yazid Bin Abi Ubaid ne aur un se Salama Bin Al-Akwa (Radi Allahu Anhu) ne bayan kiya ke Ghazwah-e-Khaibar ke mauqe par Ali (Radi Allahu Anhu) Rasul Allah (Sallallahu Alaihi Wasallam) ke sath nahi aaye thay. Un ki aankhon mein takleef thi. Phir unhon ne kaha ke kya mein Rasul Allah (Sallallahu Alaihi Wasallam) ke sath jihad mein shareek na hunga? Chunancha wo nikle aur Aap (Sallallahu Alaihi Wasallam) se ja mile. Is raat ki shaam ko jis ki subah ko Khaibar fatah hua hai Aap (Sallallahu Alaihi Wasallam) ne farmaya ke mein Islami parcham is shakhs ko doon ga ya (Aap Sallallahu Alaihi Wasallam ne ye farmaya ke) kal Islami parcham is shakhs ke hath mein ho ga jise Allah aur us ke Rasul apna mehboob rakhte hain. Ya Aap (Sallallahu Alaihi Wasallam) ne ye farmaya ke jo Allah aur us ke Rasul se mohabbat rakhta hai. Aur Allah is shakhs ke hath par fatah farmaye ga. Phir Ali (Radi Allahu Anhu) bhi aa gaye. Halanke un ke aane ki humein koi umeed na thi. (Kyunke wo aashoob-e-chashm mein mubtala thay) logon ne kaha ke ye Ali (Radi Allahu Anhu) bhi aa gaye aur Aap (Sallallahu Alaihi Wasallam) ne jhanda unhein ko diya. Aur Allah ne unhein ke hath par fatah farmai
.

Hum se Qutaiba Bin Saeed ne bayan kiya ‘ kaha hum se Yaqub Bin Abdur Rahman Bin Muhammad Bin Abdullah Bin Abdul Qari ne bayan kiya ‘ in se Abu Hazim Muslima Ibn Dinar ne bayan kiya ‘ unhein Sahl Bin Saad Ansari (Radi Allahu Anhu) ne khabar di ke Nabi Kareem (Sallallahu Alaihi Wasallam) ne Khaibar ki larayi ke din farmaya "Kal mein aise shakhs ke hath mein Islami jhanda doon ga jis ke hath par Islami fatah hasil hogi ‘ jo Allah aur us ke Rasul se mohabbat rakhta hai aur jis se Allah aur us ka Rasul bhi mohabbat rakhte hain." Raat bhar sab sahaba ke zehen mein yahi khayal raha ke dekhiye ke kise jhanda milta hai. Jab subah hui to har shakhs umeeedwar tha ‘ lekin Aap (Sallallahu Alaihi Wasallam) ne daryaft farmaya "Ali kahan hain?" Arz kiya gaya ke un ki aankhon mein dard ho gaya hai. Aap (Sallallahu Alaihi Wasallam) ne apna mubarak thook un ki aankhon mein laga diya. Aur is se unhein sahat ho gayi ‘ kisi qism ki bhi takleef baqi na rahi. Phir Aap (Sallallahu Alaihi Wasallam) ne unhein ko jhanda ata farmaya. Ali (Radi Allahu Anhu) ne kaha ke kya mein in logon se is waqt tak na laroon jab tak ye hamare hi jaise yani musalman na ho jayein. Aap (Sallallahu Alaihi Wasallam) ne unhein hidayat farmai ke yun hi chala ja. Jab un ki sarhad mein utre to unhein Islam ki dawat dena aur unhein batana ke (Islam ke naate) un par kaun kaun se kaam zaroori hain. Allah ki qasam! Agar tumhare zariya Allah ek shakhs ko bhi musalman kar de to ye tumhare liye surkh oonton se behtar hai
.

Hum se Qutaibah bin Sa'id ne bayan kiya, kaha hum se Abdul Aziz ne bayan kiya, in se Abu Hazim ne aur in se Sahl bin Sa'd Radi Allahu Anhu ne bayan kiya ke Rasoolullah Sallallahu Alaihi Wa Sallam ne jang-e-Khaibar ke mauqay par bayan farmaya ke kal mein ek aise shakhs ko Islami alam dunga jis ke hath par Allah Ta'ala fatah inayat farmayega, rawi ne bayan kiya ke raat ko log yeh sochte rahe ke dekhiye alam kise milta hai, jab subah hui to Aap Sallallahu Alaihi Wa Sallam ki khidmat mein sab hazrat (jo sarkarda thay) hazir hue, sab ko umeed thi ke alam unhein hi milega, lekin Aap Sallallahu Alaihi Wa Sallam ne daryaft farmaya, Ali bin Abi Talib kahan hain? Logon ne bataya ke un ki aankhon mein dard hai, Aap Sallallahu Alaihi Wa Sallam ne farmaya ke phir in ke yahan kisi ko bhej kar bulwa lo, jab woh aaye to Aap Sallallahu Alaihi Wa Sallam ne in ki aankh mein apna thook dala aur in ke liye dua farmayi, is se unhein aisi shifa hasil hui jaise koi maraz pehle tha hi nahi, chunanche Aap ne alam unhein ko inayat farmaya. Ali Radi Allahu Anhu ne arz kiya: Ya Rasul Allah! Mein in se itna ladunga ke woh hamare jaise ho jayein (yani Musalman ban jayein) Aap ne farmaya: Abhi yun hi chalte raho, jab in ke maidan mein utro to pehle unhein Islam ki dawat do aur unhein batao ke Allah ke un par kya huqooq wajib hain, Allah ki qasam agar tumhare zariye Allah Ta'ala ek shakhs ko bhi hidayat dede to woh tumhare liye surkh onton (ki doulat) se behtar hai.

Hum se Qutaibah bin Sa'id ne bayan kiya, in se Hatim ne bayan kiya, in se Yazid bin Abi Ubaid ne bayan kiya, in se Salamah bin Akwa Radi Allahu Anhu ne bayan kiya ke Ali Radi Allahu Anhu Ghazwa-e-Khaibar ke mauqay par Nabi Kareem Sallallahu Alaihi Wa Sallam ke sath ba-wajah aankh dukhne ke nahi aa sake thay, phir unhon ne socha mein Nabi Kareem Sallallahu Alaihi Wa Sallam ke sath ghazwa mein shareek na ho sakun! Chunanche ghar se nikle aur Aap ke lashkar se ja mile, jab is raat ki sham aayi jis ki subah ko Allah Ta'ala ne fatah inayat farmayi thi to Aap Sallallahu Alaihi Wa Sallam ne farmaya: Kal mein ek aise shakhs ko alam dunga ya Aap Sallallahu Alaihi Wa Sallam ne yun farmaya ke (kal) ek aisa shakhs alam ko lega jis se Allah aur us ke Rasool ko mohabbat hai ya Aap ne yeh farmaya ke jo Allah aur us ke Rasool se mohabbat rakhta hai aur Allah Ta'ala is ke hath par fatah inayat farmayega, ittefaq se Ali Radi Allahu Anhu aa gaye, halankay in ke aane ki humein umeed nahi thi logon ne bataya ke yeh hain Ali Radi Allahu Anhu. Aap Sallallahu Alaihi Wa Sallam ne alam unhein de diya, aur Allah Ta'ala ne in ke hath par Khaibar ko fatah kara diya.

Hum se Abdullah Bin Maslama ne bayan kiya ‘ kaha hum se Hatim ne bayan kiya ‘ in se Yazid Bin Abi Ubaid ne aur in se Salama Radi Allahu Anhu ne bayan kiya ke Ali Radi Allahu Anhu Ghazwa Khaibar mein Rasul Allah Sallallahu Alaihi Wasallam ke sath na ja sake thay kyunke wo aashoob-e-chashm mein mubtala thay. (Jab Aap Sallallahu Alaihi Wasallam ja chuke) to unhon ne kaha mein Nabi Kareem Sallallahu Alaihi Wasallam ke sath ghazwa se peeche rahun (aisa nahi ho sakta)? Chunancha wo bhi aa gaye. Jis den Khaibar fatah hona tha ‘ jab is ki raat ayi to Aap Sallallahu Alaihi Wasallam ne farmaya ke kal mein (Islami) alam is shakhs ko doonga ya farmaya ke alam wo shakhs le ga jise Allah aur is ka Rasul aziz rakhte hain aur jis ke hath par fatah hasil hogi. Hum sab hi is sa'adat ke umeerdwar thay lekin kaha gaya ke ye hain Ali Radi Allahu Anhu aur Aap Sallallahu Alaihi Wasallam ne unhein ko jhanda diya aur unhi ke hath par Khaibar fatah hua
.