Hum se Khalid Bin Makhlad ne bayan kiya ‘ kaha hum se Sulaiman Bin Bilal ne bayan kiya ‘ kaha ke mujh se Salih Bin Kaisan ne bayan kiya ‘ in se Ubaidullah Bin Abdullah ne aur in se Zaid Bin Khalid Radi Allahu Anhu ne bayan kiya ke Hudaibiya ke saal hum Rasul Allah Sallallahu Alaihi Wasallam ke sath nikle to ek den, raat ko barish hui. Nabi Kareem Sallallahu Alaihi Wasallam ne subah ki namaz parhane ke baad hum se khitab kiya aur daryaft farmaya ke maloom hai tumhare rabb ne kya kaha? Hum ne arz kiya ke Allah aur is ke Rasul ko zyada ilm hai. Aap Sallallahu Alaihi Wasallam ne farmaya ke Allah Ta'ala farmata hai ke subah hui to mere kuch bandon ne is halat mein subah ki ke in ka iman mujh par tha aur kuch ne is halat mein subah ki ke wo mera inkar kiye hue thay. To jis ne kaha ke hum par ye barish Allah ke rizq ‘ Allah ki rahmat aur Allah ke fazl se hui hai to wo mujh par iman lane wala hai aur sitare ka inkar karne wala hai aur jo shakhs ye kehta hai ke barish falaan sitare ki taseer se hui hai to wo sitaron par iman lane wala aur mere sath kufr karne wala hai
.

Hum se Abdullah bin Maslamah Qanabi ne byaan kiya , unhon ne Imam Malik se byaan kiya , unhon ne Saleh bin Kaysan se byaan kiya , un se Ubaydullah bin Abdullah bin Utbah bin Masood ne byaan kiya , un se Zaid bin Khalid Juhani razi Allahu anhu ne byaan kiya , unhon ne byaan kiya ke Nabi Karim salla Allahu alaihi wasallam ne hamein Hudaybiyah mein subah ki namaaz parhayi aur raat ko barish ho chuki thi namaaz se farigh hone ke baad Aap salla Allahu alaihi wasallam ne logon ki taraf munh kiya aur farmaya maloom hai tumhare Rab ne kya farmaya hai . Logon ne kaha ke Allah aur us ke Rasool khoob jaante hain (Aap salla Allahu alaihi wasallam ne farmaya ke) tumhare Rab ka irshaad hai ke subah hui to mere kuch bande mujh par imaan laye . Aur kuch mere munkir huay jis ne kaha ke Allah ke fazl aur us ki rehmat se hamare liye barish hui to woh mera momin hai aur sitaron ka munkir aur jis ne kaha ke falan taare ke falani jagah par aane se barish hui woh mera munkir hai aur sitaron ka momin .

Hum se Ismail bin Ayub ne byaan kiya , unhon ne kaha ke mujh se Imam Malik ne byaan kiya , unhon ne Saaleh bin Kaisan se byaan kiya , in se Ubaidullah bin Abdullah bin Utbah bin Masood ne byaan kiya , in se Zayed bin Khalid Juhani razi Allahu anhu ne byaan kiya ke Nabi Karim salla Allahu alaihi wasallam ne Hudaibiyah mein hum ko subah ki namaaz parhayi . Raat ko barish ho chuki thi namaaz ke baad Aap salla Allahu alaihi wasallam logun ki taraf mutawajje hue aur farmaya maloom hai tumhare Rabb ne kya faisla kiya hai? Log bole ke Allah Ta'ala aur us ke Rasool khoob jaante hain . Aap salla Allahu alaihi wasallam ne farmaya ke Parvardigar farmata hai aaj mere do tarah ke bandun ne subah ki . Aik momin hai aik kafir . Jis ne kaha Allah ke fazl o rehm se pani para woh to mujh par imaan laya aur sitarun ka munkir hua aur jis ne kaha falan taare ke falan jagah aane se pani para us ne mera kufr kiya , tarun par imaan laya .

`Hum se Masaddad bin Musarhad ne bayan kiya, kaha hum se Sufyan bin Uyaina ne bayan kiya, un se Salih ne, un se Ubaidullah ne, un se Zaid bin Khalid Radi Allahu Anhu ne ke Nabi Kareem صلی اللہ علیہ وسلم ke zamana mein barish hui to Aap صلی اللہ علیہ وسلم ne farmaya ke Allah Ta'ala farmata hai Mere baaz bande subah, kafir ho kar karte hain aur baaz bande subah, momin ho kar karte hain.