Hum se Ishaq bin Nasr ne bayan kiya, unhon ne kaha hum se Abdur Razzaq bin Hammam ne bayan kiya, unhon ne kaha humein Ibn Juraij ne khabar pahunchayi Ata Ibn Abi Rabah se, unhon ne kaha main ne Ibn Abbas Razi Allah Anhuma se suna ke jab Nabi Kareem Sallallahu Alaihi Wasallam Kaaba ke andar tashreef le gaye to is ke charon konon mein Aap Sallallahu Alaihi Wasallam ne dua ki aur namaz nahi padhi. Phir jab bahar tashreef laye to do rakat namaz Kaaba ke samne padhi aur farmaya ke yehi qibla hai.

Hum se Ismail bin Khaleel ne bayan kiya, kaha hum se Ali bin Mus’hir ne, hum se Abu Ishaaq Sulaiman bin Firoz Shaibani ne Abdur Rehman bin Aswad ke waaste se, woh apne waalid Aswad bin Yazeed se, woh Aisha Radhiallahu Anha se ke aap ne farmaaya hum azwaaj mein se koi jab haaiza hoti, us haalat mein Rasoolullah Sallallahu Alaihi Wasallam agar mubaasharat ka iradah karte to Aap Sallallahu Alaihi Wasallam izaar baandhne ka hukm de dete bawjood haiz ki ziyaadti ke. Phir badan se badan milaate, aap ne kaha tum mein aisa kaun hai jo Nabi-e-Kareem Sallallahu Alaihi Wasallam ki tarah apni shehwat par qaabu rakhta ho. Is Hadees ki Mutaba’at Khalid aur Jareer ne Shaibani ki riwayat se ki hai. (Yahan bhi mubaasharat se saath letna baithna muraad hai).

Hum se Abu No’maan Muhammed bin Fazl ne bayan kiya, unhon ne kaha hum se Abdul Wahid bin Ziyaad ne bayan kiya, unhon ne kaha hum se Abu Ishaaq Shaibani ne bayan kiya, unhon ne kaha hum se Abdullah bin Shaddad ne bayan kiya, unhon ne kaha main ne Maimunah se suna, unhon ne kaha ke jab Nabi-e-Kareem Sallallahu Alaihi Wasallam apni biwiyon mein se kisi se mubaasharat karna chaahte aur woh haaiza hoti, to Aap Sallallahu Alaihi Wasallam ke hukm se, woh pehle izaar baandh leti. Aur Sufyan ne Shaibani se is ko riwayat kiya hai.

Hum se Sa’d bin Hafs ne bayan kiya, unhon ne kaha hum se Shaibaan Nahwi ne bayan kiya, unhon ne Yahya bin Abi Katheer se, unhon ne Abu Salamah se, unhon ne Zainab bint-e-Abi Salamah se, unhon ne bayan kiya ke Umm-e-Salamah Radhiallahu Anha ne farmaaya ke main Nabi-e-Kareem Sallallahu Alaihi Wasallam ke saath chaadar mein leti hue thi ke mujhe haiz aa gaya, is liye main chupke se nikal aayi aur apne haiz ke kapde pahen liye. Rasoolullah Sallallahu Alaihi Wasallam ne farmaaya, kya tumhein haiz aa gaya hai? main ne kaha ji haan. Phir mujhe Aap ne bula liya aur apne saath chaadar mein daakhil kar liya. Zainab ne kaha ke mujh se Umm-e-Salamah Radhiallahu Anha ne bayan kiya ke Nabi-e-Kareem Sallallahu Alaihi Wasallam roze se hote aur usi haalat mein un ka bosa lete. Aur main ne aur Nabi-e-Kareem Sallallahu Alaihi Wasallam ne ek hi bartan mein janabat ka ghusl kiya.

Hum se Mu’aaz bin Fazalah ne bayan kiya, kaha hum se Hishaam Dastuwaayi ne Yahya bin Abi Katheer se, woh Abu Salamah se, woh Zainab bint-e-Abi Salamah se, woh Umm-e-Salamah se, unhon ne batlaaya ke main Nabi-e-Kareem Sallallahu Alaihi Wasallam ke saath ek chaadar mein leti hue thi ke mujhe haiz aa gaya, main chupke se chali gayi aur haiz ke kapde badal liye, Aap ne poocha kya tujh ko haiz aa gaya hai. Main ne kaha, ji haan! Phir mujhe Aap ne bula liya aur main Aap ke saath chaadar mein lait gayi.

Hum se Abu Mamar ne byaan kiya , kaha ke hum se Abdul Waris ne byaan kiya , kaha ke hum se Ayub ne byaan kiya , kaha ke hum se Ikrimah ne Ibn Abbas razi Allahu anhuma se byaan kiya , Aap ne farmaya ke Rasool Allah salla Allahu alaihi wasallam jab (fatah Makka ke din) tashreef laye to Aap salla Allahu alaihi wasallam ne Kaaba ke andar jaane se is liye inkar farmaya ke is mein but rakhe hue thay . Phir Aap salla Allahu alaihi wasallam ne hukm diya aur woh nikale gaye , logon ne Ibrahim aur Ismail alaihimas-salam ke but bhi nikale . In ke haathon mein faal nikalne ke teer de rakhe thay . Rasool Allah salla Allahu alaihi wasallam ne farmaya Allah in mushrikon ko ghaarat kare , Allah ki qasam unhein acchi tarah maloom tha ke in buzurgon ne teer se faal kabhi nahi nikaali . Is ke baad Aap salla Allahu alaihi wasallam Kaaba ke andar tashreef le gaye aur chaaron taraf takbeer kahi . Aap salla Allahu alaihi wasallam ne andar namaaz nahi parhi .

Aur Aap (Sallallahu Alaihi Wasallam) m'utakif hote aur mein haiza hoti. Is ke bawajood Aap sar-e-mubarak (masjid se) bahar kar dete aur mein usay dhoti thi
.

Hum se Yahya Bin Sulaiman ne bayan kiya, kaha ke mujh se Abdullah Bin Wahb ne bayan kiya, kaha ke mujhe Amr Bin Harith ne khabar di, un se Bukair ne bayan kiya, un se Ibn Abbas ke maula Kuraib ne aur un se Ibn Abbas (Radi Allahu Anhuma) ne ke Nabi Kareem (Sallallahu Alaihi Wasallam) bait-ullah mein dakhil hue to is mein Ibrahim Alaihis Salam aur Maryam Alaihim-as-Salam ki tasveerain dekhein, Aap (Sallallahu Alaihi Wasallam) ne farmaya ke Quraish ko kya ho gaya? Halanke unhein maloom hai ke farishte kisi aise ghar mein dakhil nahi hote jis mein tasveerain rakkhi hon, ye Ibrahim Alaihis Salam ki tasveer hai aur wo bhi pansa phainkte hue
.

Hum se Ibrahim Bin Musa ne bayan kiya, kaha hum ko Hisham ne khabar di, unhein Ma'mar ne, unhein Ayub ne, unhein Ikrima ne aur unhein Ibn Abbas (Radi Allahu Anhuma) ne ke Nabi Kareem (Sallallahu Alaihi Wasallam) ne jab bait-ullah mein tasveerain dekhein to andar is waqt tak dakhil na hue jab tak wo mita na di gayeen aur Aap (Sallallahu Alaihi Wasallam) ne Ibrahim Alaihis Salam aur Ismail Alaihis Salam ki tasveerain dekhein ke in ke hathon mein teer (panse ke) thay to Aap (Sallallahu Alaihi Wasallam) ne farmaya "Allah un par barbadi laye. Wallah in hazrat ne kabhi teer nahi phainke."
.

Mujh se Ishaq bin Mansoor ne byaan kiya ‘ kaha hum se Abdus Samad ne byaan kiya ‘ kaha ke mujh se mere walid Abdul Waris ne byaan kiya ‘ un se Ayub Sakhtiyani ne byaan kiya ‘ un se Ikrimah ne aur un se Ibn Abbas razi Allahu anhuma ne ke Rasool Allah salla Allahu alaihi wasallam jab Makkah aaye to Bayt Allah mein is waqt tak dakhil nahi huay jab tak is mein but maujood rahe balkay Aap ne hukm diya to buton ko bahar nikal diya gaya . Unhein mein ek tasveer Ibrahim aur Ismail alaihimassalam ki bhi thi aur un ke hathon mein (pansa) ke teer thay . Nabi Karim salla Allahu alaihi wasallam ne farmaya ke Allah in mushrikeen ka naas kare ‘ unhein khoob maloom tha ke in buzurgon ne kabhi pansa nahi phenka . Phir Aap salla Allahu alaihi wasallam Bayt Allah mein dakhil huay aur andar charon taraf takbeer kahi phir bahar tashreef laye . Aap salla Allahu alaihi wasallam ne andar namaaz nahi parhi thi . Abdus Samad ke saath is hadees ko Mamar ne bhi Ayub se riwayat kiya aur Wuhayb bin Khalid ne yun kaha ‘ hum se Ayub ne byaan kiya ‘ unhon ne Ikrimah se ‘ unhon ne Nabi Karim salla Allahu alaihi wasallam se .