Hum se Humaidi ne bayan kiya, unhon ne kaha hum se Sufyan bin Uyainah ne bayan kiya, kaha hum se Amr bin Dinar ne, kaha hum ne Abdullah bin Umar Razi Allah Anhuma se ek aise shakhs ke baare mein poocha jis ne Baitullah ka tawaf Umrah ke liye kiya lekin Safa aur Marwah ki sayi nahi ki, kya aisa shakhs (Baitullah ke tawaf ke baad) apni biwi se suhbat kar sakta hai? Aap ne jawab diya ke Nabi Kareem Sallallahu Alaihi Wasallam tashreef laye aap ne saat martaba Baitullah ka tawaf kiya aur Maqam-e-Ibrahim ke paas do rakat namaz padhi, phir Safa aur Marwah ki sayi ki aur tumhare liye Nabi Kareem Sallallahu Alaihi Wasallam ki zindagi behtareen namuna hai.“ (Al-Ahzab: 21)

Amr bin Dinar ne kaha, hum ne Jabir bin Abdullah Razi Allah Anhu se bhi yeh masla poocha to Aap ne bhi yehi farmaya ke woh biwi ke qareeb bhi is waqt tak na jaye jab tak Safa aur Marwah ki sayi na kar le.

Hum se Qutaiba Bin Saeed ne bayan kiya, unhon ne kaha ke hum se Sufyan Bin Uyainah ne bayan kiya, un se Amr ne bayan kiya, unhon ne kaha ke hum ne Abdullah Bin Umar (Radi Allahu Anhuma) se poocha ke kya koi Umrah mein Safa Marwah ki sayee se pehle apni biwi se hambastar ho sakta hai? Unhon ne kaha ke Rasul Allah (Sallallahu Alaihi Wasallam) tashreef laye aur Kaabah ka tawaf saat chakron se poora kiya. Phir Maqam-e-Ibrahim ke peeche do rakat namaz parhi aur Safa Marwah ki sayee ki. Phir Abdullah Bin Umar (Radi Allahu Anhuma) ne farmaya ke tumhare liye Rasul Allah (Sallallahu Alaihi Wasallam) ke tareeqe mein behtareen namuna hai
.

Hum se Adam Bin Abi Iyas ne bayan kiya, unhon ne kaha ke hum se Shuba ne bayan kiya unhon kaha ke um se Amr Bin Dinar ne bayan kiya, unhon ne kaha ke mein ne Ibn Umar (Radi Allahu Anhuma) se suna, unhon ne kaha ke Nabi Kareem (Sallallahu Alaihi Wasallam) (Makkah mein) tashreef laye to Aap (Sallallahu Alaihi Wasallam) ne Khana Kaabah ka saat chakron se tawaf kiya aur Maqam-e-Ibrahim ke peeche do rakat namaz parhi phir Safa ki taraf (sayee karne) gaye aur Allah Ta'ala ne farmaya hai ke tumhare liye Rasul Allah (Sallallahu Alaihi Wasallam) ki zindagi behtareen namuna hai
.

Hum se Ali Bin Abdullah Madini ne bayan kiya, kaha ke hum se Sufyan Bin Uyainah ne Amr Bin Dinar se bayan ke hum ne Ibn Umar (Radi Allahu Anhuma) se ek aise shakhs ke mutaliq poocha jo Umrah mein Bait Allah ka tawaf to kar le lekin Safa aur Marwah ki sayee nahi karta, kya wo apni biwi se suhbat kar sakta hai. Unhon ne jawab diya Nabi Kareem (Sallallahu Alaihi Wasallam) (Makkah) tashreef laye to Aap ne Bait Allah ka saat chakron ke sath tawaf kiya aur Maqam-e-Ibrahim ke peeche do rakat namaz parhi. Phir Safa aur Marwah ki saat martaba sayee ki aur tumhare liye Rasul Allah (Sallallahu Alaihi Wasallam) ki zindagi behtareen namuna hai
.

Hum se Makki Bin Ibrahim ne bayan kiya, un se Ibn Jurayj ne bayan kiya ke mujhe Amr Bin Dinar ne khabar di, kaha ke mein ne Abdullah Bin Umar (Radi Allahu Anhuma) se suna, Aap ne kaha ke Nabi Kareem (Sallallahu Alaihi Wasallam) jab Makkah tashreef laye to Aap ne Bait Allah ka tawaf kiya aur do rakat namaz parhi phir Safa aur Marwah ki sayee ki. Is ke baad Abdullah (Radi Allahu Anhu) ne ye ayat tilawat ki «Laqad Kana Lakum Fee Rasulillahi Uswatun Hasanah» "Tumhare liye Rasul Allah (Sallallahu Alaihi Wasallam) ki zindagi behtareen namuna hai."
.

Hum se Humaidi ne bayan kiya, un se Sufyan Bin Uyainah ne bayan kiya, un se Amr Bin Dinar ne kaha ke hum ne Ibn Umar (Radi Allahu Anhuma) se ek aise shakhs ke bare mein daryaft kiya jo Umrah ke liye Bait Allah ka tawaf to karta hai lekin Safa aur Marwah ki sayee nahi karta, kya wo (sirf Bait Allah ke tawaf ke baad) apni biwi se hambastar ho sakta hai? Unhon ne is ka jawab ye diya ke Nabi Kareem (Sallallahu Alaihi Wasallam) (Makkah) tashreef laye aur Aap (Sallallahu Alaihi Wasallam) ne Bait Allah ka saat chakron ke sath tawaf kiya, phir Maqam-e-Ibrahim Alaihis Salam ke qareeb do rakat namaz parhi, is ke baad Safa aur Marwah ki saat martaba sayee ki ”aur Rasul Allah (Sallallahu Alaihi Wasallam) ki zindagi tumhare liye behtareen namuna hai.“
.

Hum se Muhammad Bin Muthanna ne bayan kiya, kaha ke hum se Yahya Bin Saeed Qattan ne bayan kiya, un se Hisham Bin Urwah ne bayan kiya, kaha ke mujhe mere baap ne khabar di aur un se Aisha (Radi Allahu Anha) ne bayan kiya ke Nabi Kareem (Sallallahu Alaihi Wasallam) masjid mein m'utakif hote aur sar-e-mubarak meri taraf jhuka dete phir mein is mein kangha kar deti, halankay mein is waqt haiz se hua karti thi
.

Hum se Qutaiba ne bayan kiya, kaha ke hum se Laith Bin Saad ne bayan kiya, un se Ibn Shihab ne, un se Urwah aur Umrah Bint Abdur Rahman ne ke Nabi Kareem (Sallallahu Alaihi Wasallam) ki zaujah-e-mutahira Aisha (Radi Allahu Anha) ne bayan kiya Nabi Kareem (Sallallahu Alaihi Wasallam) masjid se (aitikaf ki halat mein) sar-e-mubarak meri taraf hujra ke andar kar dete, aur mein is mein kangha kar deti, Nabi Kareem (Sallallahu Alaihi Wasallam) jab m'utakif hote to bila hajat ghar mein tashreef nahi late thay
.

Hum se Abdullah Bin Muhammad Musnadi ne bayan kiya, un se Hisham ne bayan kiya, unhein Mamar ne khabar di, unhein Zuhri ne, unhein Urwah ne aur unhein Aisha (Radi Allahu Anha) ne ke wo haiza hoti theen aur Rasul Allah (Sallallahu Alaihi Wasallam) masjid mein aitikaf mein hote thay, phir bhi wo aap ke sar mein apne hujra hi mein kangha karti theen. Aap apna sar-e-mubarak un ki taraf barha dete
.

Hum se Abdullah bin Yusuf Taneesi ne bayan kiya, unhon ne kaha hum ko Imam Malik ne khabar di, unhein Ibn Shihab ne khabar di, unhein Urwah bin Zubayr ne aur in se Umm al-Momineen Aisha razi Allahu anha ne bayan kiya ke main halat e haiz ke bawajood Nabi Karim salla Allahu alaihi wasallam ke sar mein kangha karti thi. Hum se Abdullah bin Yusuf ne bayan kiya, kaha hum ko Imam Malik ne khabar di, unhein Hisham ne, in se un ke walid ne aur in se Aisha razi Allahu anha ne isi tarah yeh hadees bayan ki.