Hum se Musaddad Bin Masarhad ne bayan kiya, kaha hum se Hammad Bin Zaid ne bayan kiya, un se Yahya Bin Saeed Ansari ne, un se Muhammad Bin Ibrahim ne, un se Alqamah Bin Abi Waqqas ne, bayan kiya ke mein ne Umar Radi Allahu Anhu se suna, unhon ne bayan kiya ke mein ne Nabi Kareem Sallallahu Alaihi Wasallam se suna, aap Sallallahu Alaihi Wasallam farma rahe thay ke aamaal niyat par mauqoof hain. Pas jis ka maqsad, hijrat se duniya kamana ho wo apne isi maqsad ko hasil kar sake ga ya maqsad, hijrat se kisi aurat se shadi karna ho to wo bhi apne maqsad tak pahunch sake ga. Lekin jin ka hijrat se maqsad, Allah aur is ke rasool ki raza mandi ho gi to isi ki hijrat Allah aur is ke rasool ke liye samjhi jaye gi
.

Hum ko Humaidi ne yeh Hadees bayan ki , unhon ne kaha ke hum ko Sufyan ne yeh Hadees bayan ki , woh kehte hain hum ko Yahya bin Sa’eed Ansaari ne yeh Hadees bayan ki , unhon ne kaha ke mujhe yeh Hadees Muhammad bin Ibrahim Taymi se hue . unhon ne us Hadees ko Alqamah bin Waqqas Laithi se suna , un ka bayan hai ke main ne Masjid-e-Nabwi main mimbar Rasool Sallallahu Alaihi Wasallam par Umar bin Khattaab Radhiallahu Anhu ki zabaan se suna , woh farmaa rahe the ke main ne janab Rasoolulllah Sallallahu Alaihi Wasallam se suna aap Sallallahu Alaihi Wasallam farmaa rahe the ke tamaam a’maal ka daar-o-madaar niyyat par hai aur har amal ka nateeja har insaan ko us ki niyyat ke mutabiq hi milega . pas jis ki hijrat (tark watan) daulat duniya karne ke liye ho ya kisi aurat se shaadi ki gharz ho . pas us ki hijrat un hi cheezon ke liye hogi jin ke karne ki niyyat se us ne hijrat ki hai .

Hum se Abdullah bin Maslamah ne bayan kiya, kaha hum ko Imam Maalik Rahimahullah ne khabar di, unhon ne Yahya bin Sa’eed se, unhon ne Muhammed bin Ibrahim se, unhon ne Alqamah bin Waqqaas se, unhon ne Umar Radhiallahu Anhu se ke Nabi Kareem Sallallahu Alaihi Wasallam ne farmaaya amal niyyat hi se sahih hote hain (ya niyyat hi ke mutabiq un ka badla milta hai) aur har aadmi ko wahi milega jo niyyat karega. Pas jo koi Allah aur us ke Rasool ki raza ke liye hijrat kare us ki hijrat Allah aur us ke Rasool ki taraf hogi aur jo koi duniya kamaane ke liye ya kisi aurat se shaadi karne ke liye Hijrat karega to us ki Hijrat un hi kaamon ke liye hogi.

Hum se Muhammad Bin Kaseer ne bayan kiya, unhon ne kaha hum se Sufyan Bin Uyaina ne bayan kiya, unhon ne kaha hum se Yahya Bin Saeed ne bayan kiya, un se Muhammad Bin Ibrahim Taimi ne, un se Alqama Bin Waqas Laisi ne, kaha ke mein ne Umar Bin Khattab (Radi Allahu Anhu) se suna ke Nabi Kareem (Sallallahu Alaihi Wasallam) ne farmaya "Amaal ka madar niyat par hai aur har shaks ko is ki niyat ke mutabiq phal milta hai. Pas jis ki hijrat Allah aur is ke Rasul ke liye ho, wo Allah aur is ke Rasul ke liye samjhi jaye gi aur jis ki hijrat duniya ke liye ho gi ya kisi aurat se shadi karne ke liye to ye hijrat mehaz isi ke liye ho gi jis ki niyat se us ne hijrat ki hai."
.

Hum se Yahya bin Qazah ne byaan kiya , kaha hum se Imam Malik ne byaan kiya , un se Yahya bin Saeed ne , un se Muhammad bin Ibrahim bin Harith ne , un se Alqamah bin Waqqas ne aur un se Umar bin Khattab razi Allahu anhu ne byaan kiya ke Nabi Karim salla Allahu alaihi wasallam ne farmaya ke amal ka daro-madaar niyat par hai aur har shakhs ko wahi milta hai jis ki woh niyat kare . Is liye jis ki Hijrat Allah aur us ke Rasool ki raza haasil karne ke liye ho , usay Allah aur us ke Rasool ki raza haasil ho gi lekin jis ki Hijrat duniya haasil karne ki niyat se ya kisi aurat se shadi karne ke irada se ho , is ki Hijrat isi ke liye hai jis ke liye us ne Hijrat ki .

Hum se Qutaybah bin Saeed ne bayan kiya, unhon ne kaha hum se Abd-ul-Wahhab ne bayan kiya, unhon ne kaha main ne Yahya bin Saeed se suna, unhon ne kaha ke mujh se Muhammad bin Ibrahim ne bayan kiya, unhon ne Alqama bin Waqqas Laysi se suna, unhon ne bayan kiya ke main ne Umar bin Khattab razi Allahu anhu se suna, unhon ne bayan kiya ke main ne Nabi Karim salla Allahu alaihi wasallam se suna ke bilashubha amal ka dar-o-madar niyat par hai aur insan ko wahi mile ga jis ki woh niyat kare ga pas jis ki Hijrat Allah aur us ke Rasool ke liye ho gi to waqeyi woh unhi ke liye ho gi aur jis ki Hijrat duniya haasil karne ke liye ya kisi aurat se shadi karne ke liye ho gi to is ki Hijrat usi ke liye ho gi jis ke liye us ne Hijrat ki.

Hum se Abu al-Nu-man ne bayan kiya , kaha hum se Hammad bin Zayd ne bayan kiya , in se Yahya bin Saeed Ansari ne , in se Muhammad bin Ibrahim Taymi ne , in se Alqama bin Waqqas Laysi ne bayan kiya ke main ne Umar bin Khattab razi Allahu anhu se khutba mein suna unhon ne kaha ke main ne Nabi Karim salla Allahu alaihi wasallam ko yeh farmate huay suna tha: Ae logo! Aamal ka dar-o-madar niyaton par hai aur har shakhs ko wahi mile ga jis ki woh niyat kare ga pas jis ki Hijrat Allah aur is ke Rasool ki taraf ho usay Hijrat (ka sawab mile ga) aur jis ki Hijrat ka maqsud duniya ho gi ke jise woh haasil kar le ya koi aurat ho gi jis se woh shadi kar le to is ki Hijrat isi ke liye ho gi jis ke liye us ne Hijrat ki hai .