Hum se Ali Bin Abdullah ne bayan kiya, kaha hum se Yahya Bin Said ne bayan kiya, kaha hum se Ubaidullah ne bayan kiya, kaha ke mujh se Said Bin Abi Said ne bayan kiya, un se un ke walid ne aur un se Abu Hurairah (Radi Allahu Anhu) ne ke arz kiya gaya: Ya Rasul Allah! Sab se zyada shareef kaun hai? Nabi Kareem (Sallallahu Alaihi Wasallam) ne farmaya "Jo sab se zyada parhezgar ho." Sahaba ne arz kiya ke hum Aap se is ke mutalliq nahi poochte. Nabi Kareem (Sallallahu Alaihi Wasallam) ne farmaya "Phir Allah ke nabi Yusuf Bin nabi-ullah Bin nabi-ullah Bin khaleel-ullah (sab se zyada shareef hain)" sahaba ne kaha ke hum is ke mutalliq bhi nahi poochte. Nabi Kareem (Sallallahu Alaihi Wasallam) ne farmaya "Accha Arab ke khandanon ke mutalliq tum poonchna chahte ho. Suno jo jahiliyat mein shareef thay Islam mein bhi wo shareef hain jab ke deen ki samajh unhein aa jaye." Abu Usama aur Mu'tamir ne Ubaidullah se bayan kiya, un se Said ne aur un se Abu Hurairah (Radi Allahu Anhu) ne aur unhon ne Nabi Kareem (Sallallahu Alaihi Wasallam) se
.

Hum se Ishaq Bin Ibrahim ne bayan kiya kaha ke hum ne Mu'tamir Bin Sulaiman se suna unhon ne Abdullah Umri se unhon ne Said Bin Abi Said Maqbari se aur un se Abu Hurairah (Radi Allahu Anhu) ne bayan kiya ke Nabi Kareem (Sallallahu Alaihi Wasallam) se pucha gaya: Sab se zyada shareef kaun hai? Aap (Sallallahu Alaihi Wasallam) ne farmaya ke jo sab se zyada muttaqi ho wo sab se zyada shareef hai. Sahaba ne arz kiya: Ya Rasul Allah! Hamare sawal ka maqsad ye nahi hai. Aap (Sallallahu Alaihi Wasallam) ne farmaya "Phir sab se zyada shareef Yusuf nabi-ullah Bin nabi-ullah (Yaqub) Bin nabi-ullah (Ishaq) Bin khaleel-ullah (Ibrahim Alaihis Salam) thay." Sahaba ne arz kiya: Hamare sawal ka maqsad ye bhi nahi hai. Aap (Sallallahu Alaihi Wasallam) ne farmaya "Kya tum log Arab ke shurafa ke bare mein poochna chahte ho?" Sahaba ne arz kiya ke ji haan. Aap (Sallallahu Alaihi Wasallam) ne farmaya "Phir jahiliyat mein jo log shareef aur acche aadat-o-akhlaq ke thay wo Islam lane ke baad bhi shareef aur acche samjhe jayeinge jab ke wo deen ki samajh bhi hasil karein."
.

Mujh se Ubaid Bin Ismail ne bayan kiya kaha hum se Abu Usama ne bayan kiya un se Ubaidullah ne bayan kiya unhein Said Bin Abi Said ne khabar di aur unhein Abu Hurairah (Radi Allahu Anhu) ne ke Nabi Kareem (Sallallahu Alaihi Wasallam) se pucha gaya ke sab se zyada shareef aadmi kaun hai? Aap (Sallallahu Alaihi Wasallam) ne farmaya "Jo Allah ka khauf zyada rakhta ho." Sahaba ne arz kiya ke hamare sawal ka maqsad ye nahi hai. Aap (Sallallahu Alaihi Wasallam) ne farmaya ke phir sab se zyada shareef Allah ke nabi Yusuf Bin nabi-ullah Bin nabi-ullah Bin khaleel-ullah hain. Sahaba ne arz kiya ke hamare sawal ka maqsad ye bhi nahi hai. Aap (Sallallahu Alaihi Wasallam) ne farmaya ke tum log Arab ke khanwadon ke bare mein poochna chahte ho. Dekho! Logon ki misal kano ki si hai (kisi kaan mein se accha mal nikalta hai kisi mein se bura) jo log tum mein se zamana-e-jahiliyat mein shareef aur behtar akhlaq ke thay wahi Islam ke baad bhi acche aur shareef hain bashart-e-ke wo deen ki samajh hasil karein
.

Hum se Muhammad Bin Bashar ne bayan kiya, kaha hum se Yahya Bin Saeed Qattan ne bayan kiya, un se Ubaidullah ne bayan kiya, un se Saeed Bin Abi Saeed ne bayan kiya, un se un ke baap ne aur un se Abu Hurairah (Radi Allahu Anhu) ne bayan kiya ke ek martaba poocha gaya: Ya Rasul Allah! Sab se zyada shareef kaun hai? Aap (Sallallahu Alaihi Wasallam) ne farmaya "Jo sab se zyada parhezgar ho." Sahaba ne arz kiya ke hamara sawal is ke baare mein nahi hai, is par Aap (Sallallahu Alaihi Wasallam) ne farmaya "Phir (nasab ki roo se) Allah ke Nabi Yusuf (Alaihis Salam) sab se zyada shareef thay
."

Aur aadmiyon mein sab se bura is ko pao ge jo do-rukha (doghla) ho. In logon mein ek munh le kar aaye, doosron mein doosra munh
.

Mujh se Muhammad ne byaan kiya , kaha hum ko Abdah ne khabar di , unhein Ubaydullah ne , unhein Saeed bin Abi Saeed ne aur un se Abu Hurairah razi Allahu anhu ne byaan kiya ke Rasool Allah salla Allahu alaihi wasallam se kisi ne sawal kiya ke insanon mein kaun sab se zyada shareef hai to Aap salla Allahu alaihi wasallam ne farmaya ke sab se zyada shareef woh hai jo sab se zyada muttaqi ho . Sahabah ne arz kiya ke hamare sawal ka maqsad yeh nahi . Nabi Karim salla Allahu alaihi wasallam ne farmaya ke phir sab se zyada shareef Yusuf alaihissalam hain «nabiyyullahi-bnu nabiyyullahi-bnu nabiyyullahi-bnu khaleelillahi» . Sahabah ne arz kiya ke hamare sawal ka yeh bhi maqsad nahi . Nabi Karim salla Allahu alaihi wasallam ne farmaya ke achha , Arab ke khandanon ke mutalliq tum maloom karna chahte ho ? Sahabah ne arz kiya ji haan . Nabi Karim salla Allahu alaihi wasallam ne farmaya ke jahiliyat mein jo log shareef samjhe jate thay , Islam laane ke baad bhi woh shareef hain , jabke deen ki samajh bhi unhein haasil ho jaye . Is riwayat ki mutabia't Abu Usamah ne Ubaydullah se ki hai .