Hum se Ahmad Bin Yunus ne bayan kiya, kaha hum se Zuhair ne bayan kiya, un se Yahya Bin Said Ansari ne bayan kiya ke mein ne Anas (Radi Allahu Anhu) se suna, unhon ne bayan kiya ke Nabi Kareem (Sallallahu Alaihi Wasallam) ne Ansar ko bulaya, taake Bahrain mein un ke liye kuch zameen likh dein. Lekin unhon ne arz kiya ke nahi! Allah ki qasam! (Humein isi waqt wahan zameen inayait farmayiye) jab itni zameen hamare bhai Quraish (Muhajireen) ke liye bhi Aap likhein. Nabi Kareem (Sallallahu Alaihi Wasallam) ne farmaya "Jab tak Allah ko manzoor hai ye maash un ko bhi (yaani Quraish walon ko) milti rahegi." Lekin Ansar yahi israr karte rahe ke Quraish walon ke liye bhi sandain likh dijiye. Jab Aap (Sallallahu Alaihi Wasallam) ne Ansar se farmaya ke mere baad tum ye dekhoge ke doosron ko tum par tarjeeh di jaye gi, lekin tum sabr se kaam lena, ta-aanke tum aakhir mein mujh se aa kar milo (jung aur fasad na karna)
.

Hum se Sulaiman Bin Harb ne bayan kiya, kaha ke hum se Hammad ne bayan kiya, un se Yahya Bin Saeed ne bayan kiya, kaha ke mein ne Anas (Radi Allahu Anhu) se suna, unhon ne bayan kiya ke Nabi Kareem (Sallallahu Alaihi Wasallam) ne Bahrain mein kuch qitaat-e-arazi batur-e-jageer (Ansar ko) dene ka irada kiya to Ansar ne arz kiya ke hum jab leinge ke Aap humare Muhajir bhaiyon ko bhi isi tarah ke qitaat inayat farmayein. Is par Aap (Sallallahu Alaihi Wasallam) ne farmaya ke mere baad (doosre logon ko) tum par tarjeeh di jaya karegi to us waqt tum sabr karna, yahan tak ke hum se (aakhirat mein aa kar) mulaqat karo
.

Hum se Muhammad bin Kaseer ne bayan kiya, kaha hum ko Sufyan ne khabar di, unhein A'mash ne, unhein Zaid bin Wahab ne aur unhein Abdullah bin Mas'ud Radi Allahu Anhu ne ke Nabi Kareem Sallallahu Alaihi Wa Sallam ne farmaya "Mere baad tum par ek aisa zamana aayega jis mein tum par doosron ko muqaddam kiya jayega aur aisi batein samne ayengi jin ko tum bura samjhoge." Logon ne arz kiya: Ya Rasul Allah! Is waqt humein Aap kya hukm farmate hain? Aap Sallallahu Alaihi Wa Sallam ne farmaya ke jo huqooq tum par doosron ke wajib hon unhein ada karte rehna aur apne huqooq Allah hi se mangna. (yani sabr karna aur apna haq lene ke liye khaleefa aur hakim-e-waqt se baghawat na karna).

Hum se Muhammad Bin Bashar ne bayan kiya, kaha hum se Ghundar ne bayan kiya, kaha hum se Shuba ne kaha ke mein ne Qatadah se suna, unhon ne Anas Bin Malik Radi Allahu Anhu se aur unhon ne Usaid Bin Hudair Radi Allahu Anhu se ke ek Ansari Sahabi ne arz kiya: Ya Rasul Allah! Falan shakhs ki tarah mujhe bhi Aap hakim bana dein. Aap Sallallahu Alaihi Wasallam ne farmaya " Mere baad (dunyawi mamlat mein) tum par doosron ko tarjeeh di jaye gi is liye sabr se kaam lena, yahan tak ke mujh se Hauz par aa milo. "
.

Mujh se Muhammad Bin Bashar ne bayan kiya, kaha hum se Ghundar ne bayan kiya, kaha hum se Shuba ne bayan kiya, un se Hisham ne kaha ke mein ne Anas Bin Malik Radi Allahu Anhu se suna, unhon ne kaha ke Nabi Kareem Sallallahu Alaihi Wasallam ne Ansar se farmaya " Mere baad tum dekho ge ke tum par doosron ko fauqiyat di jaye gi, pas tum sabr karna yahan tak ke mujh se aa milo aur meri tum se mulaqat Hauz par ho gi. "
.

`Hum se Masaddad ne bayan kiya, kaha hum se Yahya bin Said ne bayan kiya, kaha hum se A'mash ne bayan kiya, un se Zaid bin Wa'hb ne bayan kiya, unhon ne Abdullah Radi Allahu Anhu se suna, unhon ne bayan kiya ke Nabi Kareem صلی اللہ علیہ وسلم ne hum se farmaya ”Tum mere baad baaz kaam aise dekho ge jo tum ko bure lagein ge.“ Sahabah ne arz kiya: ya Rasul Allah! Aap is silsile mein kya hukm farmate hain? Nabi Kareem صلی اللہ علیہ وسلم ne farmaya ”Unhein in ka haqq ada karo aur apna haqq Allah se maango.“

`Hum se Muhammad bin Ar'ara ne bayan kiya, kaha hum se Shu'ba ne bayan kiya, un se Qatada ne, un se Anas bin Malik Radi Allahu Anhu ne aur un se Usaid bin Huzair Radi Allahu Anhu ne, ek sahab (khud Usaid) Nabi Kareem صلی اللہ علیہ وسلم ki khidmat mein hazir hue aur arz kiya: ya Rasul Allah! Aap ne falan Amr bin al-Aas ko hakim bana diya aur mujhe nahi banaya. Nabi Kareem صلی اللہ علیہ وسلم ne farmaya ke tum log Ansari mere baad apni haqq-talfi dekho ge to qayamat tak sabr karna yahan tak ke tum mujh se aa milo.