Hum se Musaddad ne bayan kiya, unhon ne kaha hum se Yahya ne bayan kiya, unhon ne kaha hum se Ismail ne bayan kiya, un se Qais Bin Abi Hazim ne aur un se Jarir Bin Abdullah (Radi Allahu Anhu) ne bayan kiya ke Rasul Allah (Sallallahu Alaihi Wasallam) se mein ne namaz qaim karne, zakat ada karne aur har musalman ke sath khair khwahi karne ki sharton ke sath bai'at ki thi
.

Hum se Musaddad ne bayan kiya, unhon ne kaha hum se Yahya bin Sa’eed bin Qattaan ne bayan kiya, unhon ne Ismail se, unhon ne kaha mujh se Qais bin Abi Haazim ne bayan kiya, unhon ne Jareer bin Abdullah Bajali Radhiallahu Anhu se suna, unhon ne kaha Nabi Kareem Sallallahu Alaihi Wasallam se main ne Namaz qaayim karne aur Zakat ada karne aur har musalmaan ki khairkhwaahi karne par Bai’at ki.

Hum se Abu No’maan ne bayan kiya, kaha hum se Abu ’Awaanah ne bayan kiya, unhon ne Ziyaad se, unhon ne ’ilaaqah se, kaha main ne Jareer bin Abdullah se suna jis din Mughira bin Sho’bah (haakim-e-Kufah) ka inteqaal huwa to woh khutbah ke liye khade huwe aur Allah ki ta’reef aur khoobi bayan ki aur kaha tum ko akele Allah ka darr rakhna chaahiye us ka koi shareek nahi aur tahammul aur itminaan se rehna chaahiye us waqt tak ke koi doosra haakim tumhaare upar aaye aur woh abhi aane waala hai. Phir farmaaya ke apne marne waale haakim ke liye dua-e-maghfirat karo kiunki woh (Mughira) bhi Mu’aafi ko pasand karta tha phir kaha ke is ke baad tum ko ma’loom hona chaahiye ke main ek dafa Nabi Kareem Sallallahu Alaihi Wasallam ke paas aaya aur main ne arz kiya ke main Aap se Islam par Bai’at karta hun Aap Sallallahu Alaihi Wasallam ne mujh se har musalmaan ki khairkhwaahi ke liye shart ki, pas main ne us shart par Aap se Bai’at kar li (pas) is masjid ke Rabb ki qasam ke main tumhaara khairkhwaah hun phir istighfaar kiya aur mimbar se utar aaye.

Hum se Muhammad bin Musanna ne bayan kiya , unhon ne kaha ke hum se Yahya bin Saeed Qattan ne kaha ke hum se Ismail bin Abi Khalid ne bayan kiya , unhon ne kaha ke hum se Qais bin Abi Hazim ne Jarir bin Abdullah raziyallahu anhu ki riwayat se bayan kiya ke Jarir bin Abdullah Bajli raziyallahu anhu ne farmaya ke mein ne Rasool Allah salla Allahu alaihi wa sallam ke dast mubarak par namaz qaim karne , zakat dene , aur har muslim ke sath khair khwahi karne par bayat ki .

Hum se Muhammad bin Abdullah bin Numair ne byaan kiya ‘ kaha ke mujh se mere walid ne byaan kiya ‘ kaha ke hum se Ismail bin Khalid ne byaan kiya ‘ un se Qais bin Abi Hazim ne byaan kiya ke Jarir bin Abdullah razi Allahu anhu ne kaha ke maine Rasool Allah salla Allahu alaihi wasallam se namaaz qaim karne ‘ zakat dene aur har musalman ke saath khair khwahi karne par bay'at ki thi .

Hum se Ali Bin Abdullah ne bayan kiya, un se Sufyan ne, un se Ismail ne, un se Qais ne, unhon ne Jareer (Radi Allahu Anhu) se ye suna ke mein ne Rasul Allah (Sallallahu Alaihi Wasallam) se is baat ki shahadat par ke Allah ke siwa koi mabood nahi aur Muhammad (Sallallahu Alaihi Wasallam) Allah ke Rasul hain. Aur namaz qayam karne aur zakat dene aur (apne muqarrar ameer ki baat) sunne aur is ki ata'at karne par aur har musalman ke sath khair-khwahi karne ki bai'at ki thi
.

Hum se Abu Nuaim ne bayan kiya, kaha ke hum se Sufyan ne bayan kiya, un se Ziyad Bin Ilaqah ne bayan kiya ke mein ne Jarir (Radi Allahu Anhu) se suna, aap bayan karte thay ke mein ne Rasul Allah (Sallallahu Alaihi Wasallam) se bai'at ki to Aap (Sallallahu Alaihi Wasallam) ne mujh se har musalman ke sath khair khwahi karne ki shart par bai'at ki thi
.

`Hum se Abdullah bin Yusuf ne bayan kiya, unhon ne kaha hum ko Imam Malik ne khabar di, unhein Abdullah bin Dinar ne aur un se Abdullah bin Umar Radi Allahu Anhuma ne bayan kiya ke jab hum Rasul Allah صلی اللہ علیہ وسلم se sunne aur ita'at karne ki bai'at karte to Aap hum se farmate ke jitni tumhein taqat ho.

`Hum se Yaqub bin Ibrahim ne bayan kiya, kaha hum se Hushaim ne bayan kiya, kaha hum ko Sayyar ne khabar di, unhein Shabi ne, un se Jabir bin Abdullah Radi Allahu Anhu ne bayan kiya ke mein ne Rasul Allah صلی اللہ علیہ وسلم se sunne aur ita'at karne ki bai'at ki to Aap ne mujhe is ki talqeen ki ke jitni mujh mein taqat ho aur har musalman ke saath khair-khwahi karne par bhi bai'at ki.