Hum se Adam Bin Abi Iyas ne bayan kiya, kaha ke hum se Shuba ne bayan kiya, unhein Amr ne khabar di, unhon ne kaha ke mein ne Abul Bakhtari Taayi se suna, unhon ne kaha ke mein ne Ibn Abbas (Radi Allahu Anhuma) se khajoor ke darakht mein bai-salam ke mutalliq poocha to aap ne farmaya ke darakht par phal ko bechne se Nabi Kareem (Sallallahu Alaihi Wasallam) ne us waqt tak ke liye mana farmaya tha jab tak wo khane ke qabil na ho jaye ya is ka wazan na kiya ja sakay. Ek shakhs ne poocha ke kya cheez wazan ki jaye gi. Is par Ibn Abbas (Radi Allahu Anhuma) ke qareeb hi baithe hue ek shakhs ne kaha ke matlab ye hai ke andaza karne ke qabil ho jaye aur Muaz ne bayan kiya, un se Shuba ne bayan kiya, un se Amr ne ke Abul Bakhtari ne kaha ke mein ne Ibn Abbas (Radi Allahu Anhuma) se suna ke Nabi Kareem (Sallallahu Alaihi Wasallam) ne mana kiya tha. Phir yahi hadees bayan ki
.

Hum se Hajjaj bin Minhal ne byaan kiya ‘ kaha ke hum se Shubah ne byaan kiya ‘ kaha ke mujhe Abdullah bin Dinar ne khabar di ‘ kaha ke maine Ibn Umar razi Allahu anhuma se suna ‘ unhon ne kaha ke Nabi Karim salla Allahu alaihi wasallam ne khajoor ko (darakht par) is waqt tak baichne se mana farmaya hai jab tak is ki pukhtagi zahir na ho . Aur Ibn Umar razi Allahu anhuma se jab poochte ke is ki pukhtagi kya hai , woh kehte ke jab yeh maloom ho jaye ke ab yeh phal aafat se bach rahe ga .

Hum se Abdullah bin Yusuf ne byaan kiya ‘ unhon ne kaha ke mujh se Layth ne byaan kiya ‘ unhon ne kaha ke mujh se Khalid bin Yazid ne byaan kiya ‘ un se Ata bin Abi Rabah ne byaan kiya aur un se Jabir bin Abdullah razi Allahu anhuma ne ke Rasool Allah salla Allahu alaihi wasallam ne phal ko is waqt tak baichne se mana farmaya jab tak in ki pukhtagi khul na jaye .

Hum se Qutaibah ne Imam Malik se byaan kiya ‘ un se Humaid ne aur un se Anas bin Malik razi Allahu anhu ne ke Rasool Allah salla Allahu alaihi wasallam ne jab tak phal par surkhi na aa jaye ‘ unhein baichne se mana farmaya hai . Unhon ne byaan kiya ke muraad yeh hai ke jab tak woh pak kar surkh na ho jayein .

Salim ne bayan kiya ke mujhe Abdullah (Radi Allahu Anhu) ne khabar di, aur unhein Zaid Bin Thabit (Radi Allahu Anhu) ne ke baad mein Rasul Allah (Sallallahu Alaihi Wasallam) ne bai-e-ariya ki tarr ya khushk khajoor ke badla mein ijazat de di thi lekin is ke siwa kisi soorat ki ijazat nahi di thi
.

Hum se Yahya Bin Suleiman ne bayan kiya kaha ke hum se Abdullah Bin Wahb ne bayan kiya, unhein Ibn Juraij ne khabar di, unhein Ata aur Abu Zubair ne aur unhein Jabir (Radi Allahu Anhu) ne ke Rasul Allah (Sallallahu Alaihi Wasallam) ne khajoor ke pakne se pehle bechne se mana kiya hai aur ye ke is mein se dharra barabar bhi dirham-o-dina ke siwa kisi aur cheez (sookhe phal) ke badle na bechi jaye albatta ariya ki ijazat di
.

Hum se Abdullah Bin Yusuf ne bayan kiya, kaha ke hum ko Imam Malik ne khabar di, unhein Nafay ne, unhein Abdullah Bin Umar (Radi Allahu Anhuma) ne ke Rasul Allah (Sallallahu Alaihi Wasallam) ne pukhta hone se pehle phalon ko bechne se mana kiya tha. Aap (Sallallahu Alaihi Wasallam) ki maman'at bechne wale aur khareedne wale donon ko thi
.

Hum se Ibn Muqatil ne bayan kiya, kaha ke hum ko Abdullah Bin Mubarak ne khabar di, unhein Humaid Taweel ne aur unhein Anas (Radi Allahu Anhu) ne ke Rasul Allah (Sallallahu Alaihi Wasallam) ne pakne se pehle darakht par khajoor ko bechne se mana farmaya hai, Abu Abdullah (Imam Bukhari Rahimahullah) ne kaha ke ( «hatta tazhoo.» se) murad ye hai ke jab tak wo pak kar surkh na ho jayein
.

Hum se Musaddad ne bayan kiya, kaha ke hum se Yahya Bin Saeed ne bayan kiya, un se Suleim Bin Hayyan ne, un se Saeed Bin Mina ne bayan kiya, kaha ke mein ne Jabir Bin Abdullah (Radi Allahu Anhuma) se suna, unhon ne bayan kiya ke Nabi Kareem (Sallallahu Alaihi Wasallam) ne phalon ka «tushqih.» se pehle bechne se mana kiya tha. Poocha gaya ke «tushqih.» kise kehte hain to Aap (Sallallahu Alaihi Wasallam) ne farmaya ke ma'il ba-zardi ya ma'il ba-surkhi hone ko kehte hain ke usay khaya ja sake (phal ka pukhta hona murad hai)
.

Mujh se Ali Bin Hashim ne bayan kiya ke hum se Mualla Bin Mansoor ne bayan kiya, un se Hushaim ne bayan kiya, unhein Humaid ne khabar di aur un se Anas Bin Malik (Radi Allahu Anhu) ne bayan kiya ke Nabi Kareem (Sallallahu Alaihi Wasallam) ne pukhta hone se pehle phalon ko bechne se mana farmaya hai aur khajoor ke bagh ko «zahwa» se pehle bechne se mana farmaya, aap (Sallallahu Alaihi Wasallam) se poocha gaya ke «zahwa» kise kehte hain to aap (Sallallahu Alaihi Wasallam) ne jawab diya ma'il ba-surkhi ya ma'il ba-zardi hone ko kehte hain
.

Liath ne kaha ke mujhe se Yunus ne bayan kiya unhon ne kaha ke hum se Ibn Shihab ne bayan kiya, unhon ne kaha ke ek shakhs ne agar pukhta hone se pehle hi (darakht par) phal khareede, phir un par koi aafat aa gayi to jitna nuqsan hua, wo sab asal malik ko bharna pare ga. Mujhe Salim Bin Abdullah ne khabar di, aur unhein Abdullah Bin Umar (Radi Allahu Anhuma) ne ke Rasul Allah (Sallallahu Alaihi Wasallam) ne farmaya, pukhta hone se pehle phalon ko na becho, aur na darakht par lagi hui khajoor ko torri hui khajoor ke badle mein becho
.

Hum se Qutaiba ne bayan kiya, kaha ke hum se Ismail Bin Jafar ne bayan kiya, un se Humaid ne aur un se Anas (Radi Allahu Anhu) ne ke Nabi Kareem (Sallallahu Alaihi Wasallam) ne darakht ko «zahwa.» se pehle torri hui khajoor ke badle bechne se mana farmaya. Hum ne poocha ke «zahwa.» kya hai ? unhon ne farmaya ke wo pak ke surkh ho jaye ya zard ho jaye. Tum hi batao ke agar Allah ke hukm se phal na aa saka to tum kis cheez ke badle mein apne bhai (khareedar) ka mal apne liye halal karo ge
.

Hum se Abul Waleed ne bayan kiya, kaha ke hum se Shuba ne bayan kiya, un se Amr ne, un se Abul Bakhtari ne bayan kiya ke mein ne Ibn Umar (Radi Allahu Anhuma) se khajoor mein jab ke wo darakht par lagi hui ho bai-salam ke mutalliq poocha, to unhon ne kaha ke jab tak wo kisi qabil na ho jaye is ki bai se Nabi Kareem (Sallallahu Alaihi Wasallam) ne mana farmaya hai. Isi tarah chandi ko udhaar, naqad ke badle bechne se mana farmaya. Phir mein ne Ibn Abbas (Radi Allahu Anhuma) se khajoor ki darakht par bai-salam ke mutalliq poocha to aap ne bhi yahi kaha ke Rasul Allah (Sallallahu Alaihi Wasallam) ne us waqt tak khajoor ki bai se mana farmaya tha jab tak wo khayi na ja sakay ya (ye farmaya ke) jab tak wo is qabil na ho jaye ke ise koi kha sakay aur jab tak wo tolne ke qabil na ho jaye
.

Hum se Muhammad Bin Bashar ne bayan kiya, kaha ke hum se Ghundar ne bayan kiya, kaha ke hum se Shuba ne bayan kiya, un se Amr ne, un se Abul Bakhtari ne ke mein ne Ibn Umar (Radi Allahu Anhuma) se khajoor ki darakht par bai-salam ke mutalliq poocha to unhon ne kaha ke Nabi Kareem (Sallallahu Alaihi Wasallam) ne phal ko us waqt tak bechne se mana farmaya hai jab tak wo nafa uthane ke qabil na ho jaye, isi tarah chandi ko sone ke badle bechne se jab ke ek udhaar aur doosra naqad ho mana farmaya hai. Phir mein ne Ibn Abbas (Radi Allahu Anhuma) se poocha to unhon ne kaha ke Nabi Kareem (Sallallahu Alaihi Wasallam) ne khajoor ko darakht par bechne se jab tak wo khane ke qabil na ho jaye, isi tarah jab tak wo wazan karne ke qabil na ho jaye mana farmaya hai. Mein ne poocha ke wazan kiye jane ka kya matlab hai ? To ek sahab ne jo un ke paas baithe hue thay kaha ke matlab ye hai ke jab tak wo is qabil na ho jaye ke wo andaza ki ja sakay
.