Hum se Ismail Bin Abi Uwais ne bayan kiya, kaha ke mujh se Imam Malik (Rahimahullah) ne bayan kiya, un se Saeed Maqbari ne, un se Abu Salma Bin Abdur Rahman ne ke unhon ne Aisha (Radi Allahu Anha) se poocha ke Rasul Allah (Sallallahu Alaihi Wasallam) (tarawih ya tahajjud ki namaz) Ramzan mein kitni rak-atein parhte thay ? to unhon ne batlaya ke Ramzan ho ya koi aur mahina aap gyarah rak-aton se zyada nahi parhte thay. Aap (Sallallahu Alaihi Wasallam) pehli char rak-at parhte, tum in ke husn-o-khubi aur ttool ka haal na poocho, phir char rak-at parhte, in ke bhi husn-o-khubi aur ttool ka haal na poocho, aakhir mein teen rak-at (witr) parhte thay. Mein ne ek baar poocha, ya Rasul Allah! kya aap witr parhne se pehle so jate hain ? to Aap (Sallallahu Alaihi Wasallam) ne farmaya, Aisha! meri aankhein soti hain lekin mera dil nahi sota
.

Hum se Abdullah bin Yusuf Tanisi ne byaan kiya , unhon ne kaha ke humein Imam Malik rahimahullah ne khabar di , unhein Saeed bin Abi Saeed Maqburi ne khabar di , unhein Abu Salamah bin Abdur Rahman ne khabar di ke Umm al-Mumineen Aisha Siddiqa razi Allahu anha se unhon ne poocha ke Nabi Karim salla Allahu alaihi wasallam Ramazan mein (raat ko) kitni rakatain parhte thay . Aap ne jawab diya ke Rasool Allah salla Allahu alaihi wasallam (raat mein) gyarah rakaton se zyada nahin parhte thay . Khwah Ramazan ka maheena hota ya koi aur . Pehle Aap salla Allahu alaihi wasallam chaar rakat parhte . Un ki khoobi aur lambayi ka kya poochna . Phir Aap salla Allahu alaihi wasallam chaar rakat aur parhte un ki khoobi aur lambayi ka kya poochna . Phir teen rakatain parhte . Aisha razi Allahu anha ne farmaya ke mein ne arz kiya ya Rasool Allah! Aap witr parhne se pehle hi so jaate hain ? Is par Aap salla Allahu alaihi wasallam ne farmaya ke Aisha! meri aankhein soti hain lekin mera dil nahin sota .

Hum se Abdullah bin Maslamah ne bayan kiya, un se Imam Malik ne, un se Sa'id Maqburi ne, un se Abu Salamah bin Abdur Rahman ne unhon ne Aisha Radi Allahu Anha se poocha ke Ramzan shareef mein Rasoolullah Sallallahu Alaihi Wa Sallam ki namaz (tahajjud ya tarawih) ki kya kaifiyat hoti thi? Unhon ne bayan kiya ke Aap Sallallahu Alaihi Wa Sallam Ramzan-ul-Mubarak ya doosre kisi bhi mahine mein gyarah rak'at se zyada nahi parhte thay (un hi ko tahajjud kaho ya tarawih) pehle Aap Sallallahu Alaihi Wa Sallam char rak'at parhte, woh rak'atein kitni lambi hoti thin. Kitni us mein khoobi hoti thin is ke bare mein na poocho. Phir Aap Sallallahu Alaihi Wa Sallam char rak'atein parhte. Yeh charon bhi kitni lambi hotin aur un mein kitni khoobi hoti. Is ke mutalliq na poocho. Phir Aap Sallallahu Alaihi Wa Sallam teen rak'at witr parhte, mein ne arz kiya: Ya Rasul Allah! Aap witr parhne se pehle kyun so jate hain? Aap Sallallahu Alaihi Wa Sallam ne farmaya "Meri aankhein soti hain lekin mera dil bedar rehta hai."