Hum se Umar Bin Hafs Bin Ghiyas ne bayan kiya, kaha hum se mere walid ne bayan kiya, un se Amash ne bayan kiya, kaha ke mujh se Ibrahim ne Aswad se bayan kiya aur un se Abdullah (Radi Allahu Anhu) ne bayan kiya ke hum Nabi Kareem (Sallallahu Alaihi Wasallam) ke sath Mina ke ghar mein thay ke Aap (Sallallahu Alaihi Wasallam) par Surah-al-Mursalat nazil honi shuru hui. Phir Aap (Sallallahu Alaihi Wasallam) is ki tilawat karne lage aur mein aap ki zaban se usay seekhne laga, abhi Aap (Sallallahu Alaihi Wasallam) ne tilawat khatam bhi nahi ki thi ke hum par ek saanp gira. Nabi Kareem (Sallallahu Alaihi Wasallam) ne farmaya usay maar dalo chunanche hum is ki taraf lapke lekin wo bhag gaya. Is par Nabi Kareem (Sallallahu Alaihi Wasallam) ne farmaya ke jis tarah se tum is ke shar se bach gaye wo bhi tumhare shar se bach kar chala gaya. (Abu Abdullah Imam Bukhari Rahimahullah ne kaha ke is hadees se mera maqsad sirf ye hai ke Mina Haram mein dakhil hai aur sahaba ne Haram mein saanp marne mein koi haraj nahi samjha tha)
.

Hum se Abdah Bin Abdullah ne bayan kiya, kaha hum ko Yahya Bin Adam ne khabar di, unhein Israeel ne, unhein Mansoor ne, unhein Ibrahim ne, unhein Alqama ne aur un se Abdullah Bin Masood (Radi Allahu Anhu) ne bayan kiya ke (maqam-e-Mina mein) hum Nabi Kareem (Sallallahu Alaihi Wasallam) ke sath ek ghar mein baithe hue thay ke ayat "Wal-mursalate urfan" nazil hui, abhi hum Aap ki zaban-e-mubarak se ise sun hi rahe thay ke ek bill mein se ek saanp nikla. Hum ise maarne ke liye jhapte, lekin wo bhag gaya aur apne bill mein dakhil ho gaya, (Aap Sallallahu Alaihi Wasallam ne) is par farmaya "Tumhare hath se wo isi tarah bach nikla jaise tum is ke shar se bach gaye" aur Yahya ne Israeel se riwayat kiya hai, un se Aamash ne, un se Ibrahim ne, un se Alqama ne aur un se Abdullah (Radi Allahu Anhu) ne isi tarah riwayat kiya aur kaha ke Nabi Kareem (Sallallahu Alaihi Wasallam) ki zaban-e-mubarak se is surat ko taza-ba-taza sun rahe thay aur Israeel ke sath is hadees ko Abu Awana ne Mugheera se riwayat kiya aur Hafs Bin Ghiyath aur Abu Muawiyah aur Sulaiman Bin Qaram ne bhi Aamash se bayan kiya, un se Ibrahim ne, un se Aswad ne aur un se Abdullah Bin Masood (Radi Allahu Anhu)
.

Hum se Nasr Bin Ali ne bayan kiya, unhon ne kaha hum ko Abd-ul-A'la ne khabar di, unhon ne kaha hum se Ubaidullah Bin Umar ne bayan kiya, un se Nafi ne aur un se Abdullah Bin Umar (Radi Allahu Anhuma) ne ke Nabi Kareem (Sallallahu Alaihi Wasallam) ne bayan kiya "Ek aurat ek billi ke sabab se dozakh mein gayi, us ne billi ko baandh kar rakha na to ise khana diya aur na hi chhoda ke wo keede makode kha kar apni jaan bacha leti." Abd-ul-A'la ne kaha aur hum se Ubaidullah ne bayan kiya, un se Said Maqbari ne aur un se Abu Hurairah (Radi Allahu Anhu) ne Nabi Kareem (Sallallahu Alaihi Wasallam) se isi tarah riwayat kiya
.

Hum se Mahmood ne byaan kiya, kaha hum se Ubaydullah ne byaan kiya, un se Israeel ne, un se Mansoor ne, un se Ibrahim ne, un se Alqamah ne aur un se Abdullah bin Masood razi Allahu anhu ne byaan kiya ke hum Rasool Allah salla Allahu alaihi wasallam ke saath thay aur Aap par Surah wal-Mursalat nazil hui thi aur hum is ko Aap ke munh se seekh rahe thay ke itne mein ek saanp nikal aaya. Hum log is ke maarne ko barhay lekin woh bach nikla aur apne surakh mein ghus gaya. Is par Rasool Allah salla Allahu alaihi wasallam ne farmaya ke woh tumhare shar se bach gaya aur tum is ke shar se bach gaye.

Hum se Abdah bin Abdullah Khuzai ne byaan kiya, kaha hum ko Yahya bin Adam ne khabar di, unhein Israeel ne, unhein Mansoor ne yahi hadees aur Israeel ne is hadees ko Aamash se, unhon ne Ibrahim se, unhon ne Alqamah se, unhon ne Abdullah bin Masood razi Allahu anhu se bhi riwayat kiya hai aur Yahya bin Adam ke saath is hadees ko Aswad bin Aamir ne Israeel se riwayat ki aur Hafs bin Ghiyas aur Abu Muawiyah aur Sulayman bin Qaram ne Aamash se, unhon ne Ibrahim se, unhon ne Aswad se riwayat kiya aur Yahya bin Hammad (Shaykh Bukhari) ne kaha hum ko Abu Awanah ne khabar di, unhon ne Mugheerah bin Miqsam se, unhon ne Ibrahim se, unhon ne Alqamah se, unhon ne Abdullah bin Masood se aur Muhammad bin Ishaq ne is hadees ko Abdur Rahman bin Aswad se riwayat kiya, unhon ne apne walid Aswad se, unhon ne Abdullah bin Masood se byaan kiya.

Hum se Umar bin Hafs ne byaan kiya, ke mujh se mere walid ne byaan kiya, kaha hum se Aamash ne byaan kiya, kaha mujh se Ibrahim ne byaan kiya, un se Aswad ne aur un se Abdullah bin Masood razi Allahu anhu ne byaan kiya ke hum Nabi Karim salla Allahu alaihi wasallam ke saath ek ghaar mein thay ke Nabi Karim salla Allahu alaihi wasallam par Surah wal-Mursalat nazil hui, phir Nabi Karim salla Allahu alaihi wasallam ne is ki tilawat ki aur main ne usay Aap hi ke munh se yaad kar liya. Wahi se Aap ki munh ki tazgi is waqt bhi baqi thi ke itne mein ghaar ki taraf ek saanp lapka. Nabi Karim salla Allahu alaihi wasallam ne farmaya ke usay maar daalo. Hum is ki taraf barhay lekin woh bhaag gaya. Nabi Karim salla Allahu alaihi wasallam ne is par farmaya ke woh bhi tumhare shar se is tarah bach nikla jaisa ke tum is ke shar se bach gaye. Umar bin Hafs ne kaha mujhe yeh hadees yaad hai, main ne apne walid se suni thi, unhon ne itna aur barhaya tha ke woh ghaar Mina mein