Hum se Ali Bin Abdullah ne bayan kiya, unhon ne kaha mujh se Yahya Bin Saeed ne bayan kiya, un se Fazl Bin Ghazwan ne bayan kiya, un se Ikrima ne bayan kiya aur un se Abdullah Bin Abbas (Radi Allahu Anhuma) ne ke daswein tareekh ko Rasul Allah (Sallallahu Alaihi Wasallam) ne Mina mein khutba diya, khutba mein Aap (Sallallahu Alaihi Wasallam) ne poocha logo! Aaj kaun sa din hai? Log bole ye hurmat ka din hai, Aap (Sallallahu Alaihi Wasallam) ne phir poocha aur ye shehar kaun sa hai? Logon ne kaha ye hurmat ka shehar hai, Aap (Sallallahu Alaihi Wasallam) ne poocha ye mahina kaun sa hai? Logon ne kaha ye hurmat ka mahina hai, phir Aap (Sallallahu Alaihi Wasallam) ne farmaya bas tumhara khoon tumhare maal aur tumhare izzat ek doosre par isi tarah haram hai jaise is din ki hurmat, is shehar aur is mahina ki hurmat hai, is kalma ko Aap (Sallallahu Alaihi Wasallam) ne kai baar duharaya aur phir asman ki taraf sar utha kar kaha Aye Allah! Kya mein ne (Tera paigham) pohancha diya Aye Allah! Kya mein ne pohancha diya. Abdullah Bin Abbas (Radi Allahu Anhuma) ne batlaya ke is zaat ki qasam! Jis ke hath mein meri jaan hai Nabi Kareem (Sallallahu Alaihi Wasallam) ki ye wasiyat apni tamam ummat ke liye hai, lehaza hazir (aur janne wale) ghayeb (aur na-waqif logon ko Allah ka paigham) pohancha dein. Aap (Sallallahu Alaihi Wasallam) ne phir farmaya dekho mere baad ek doosre ki gardan maar kar kafir na ban jana
.

Hum se Musaddad ne bayan kiya, un se Bishr ne, un se Ibn-e-’Awn ne Ibn-e-Sireen ke waaste se, unhon ne Abdur Rahman bin Abi Bakrah se naql kiya, unhon ne apne baap se riwayat ki ke woh (ek dafa) Rasoolullah Sallallahu Alaihi Wasallam ka tazkirah karte huwe kehne lage ke Rasoolullah Sallallahu Alaihi Wasallam apne oont par baithe huwe the aur ek shakhs ne us ki nakeel thaam rakhi thi, Aap Sallallahu Alaihi Wasallam ne poocha aaj yeh kaun sa din hai? Hum khamoosh rahe, hatta ke hum samjhe ke aaj ke din ka Aap koi doosra naam us ke naam ke alawah tajweez farmaayenge (phir) Aap Sallallahu Alaihi Wasallam ne farmaaya, kya aaj qurbani ka din nahi hai? Hum ne arz kiya, be-shak. (Us ke baad) Aap Sallallahu Alaihi Wasallam ne farmaaya, yeh kaun sa maheena hai? Hum (us par bhi) khamoosh rahe aur yeh (hi) samjhe ke us mahine ka (bhi) Aap us ke naam ke alawah koi doosra naam tajweez farmaayenge. Phir Aap Sallallahu Alaihi Wasallam ne farmaaya, kya yeh Zul-Hijjah ka maheena nahi hai? Hum ne arz kiya, be-shak. Aap Sallallahu Alaihi Wasallam ne farmaaya, to yaqeenan tumhaari jaanen aur tumhaare maal aur tumhaari aabru tumhaare darmiyaan usi tarah haraam hain jis tarah aaj ke din ki hurmat tumhaare is mahine aur is shahar mein hai. Pas jo shakhs haazir hai use chaahiye ke ghaaib ko yeh (baat) pahuncha de, kiunki aisa mumkin hai ke jo shakhs yahan maujood hai woh aise shakhs ko yeh khabar pahunchaaye, jo us se ziyada (Hadees ka) yaad rakhne waala ho.

Hum se Abdullah bin Abdul Wahhab ne bayan kiya, un se Hammad ne Ayyub ke waaste se naql kiya, woh Muhammed se aur woh Ibn-e-Abi Bakrah se riwayat karte hain ke (ek martaba) Abu Bakarah Radhiallahu Anhu ne Rasoolullah Sallallahu Alaihi Wasallam ka zikr kiya ke Aap Sallallahu Alaihi Wasallam ne (yun) farmaaya, tumhaare khoon aur tumhaare maal, Muhammed kehte hain ke mere khayaal mein Aap Sallallahu Alaihi Wasallam ne «وَأَعْرَاضَكُمْ» ka lafz bhi farmaaya. (Yani) aur tumhaari aabruyen tum par haraam hain. Jis tarah tumhaare aaj ke din ki hurmat tumhaare is mahine mein. Sun lo! Yeh khabar haazir ghaaib ko pahuncha de. Aur Muhammed (rawi-e-Hadees) kehte the ke Rasoolullah Sallallahu Alaihi Wasallam ne sach farmaaya. (Phir) dobarah farmaaya ke kya main ne (Allah ka yeh hukm) tumhein nahi pahuncha diya.

Hum se Abdullah Bin Muhammad ne bayan kiya, kaha hum se Abu Aamir ne bayan kiya, un se Qurra ne bayan kiya, un se Muhammad Bin Sireen ne kaha ke mujhe Abdul Rahman Bin Abi Bakrah ne aur ek aur shakhs ne jo mere nazdeek Abdul Rahman se bhi afzal hai yani Hameed Bin Abdul Rahman ne khabar di ke Abu Bakr (Radi Allahu Anhu) ne batlaya ke Nabi Kareem (Sallallahu Alaihi Wasallam) ne daswein tareekh ko Mina mein khutba sunaya, Aap (Sallallahu Alaihi Wasallam) ne poocha logo! Maloom hai aaj ye kaun sa din hai? Hum ne arz ki Allah aur is ka Rasul zyada jaante hain, Aap (Sallallahu Alaihi Wasallam) is par khamosh ho gaye aur hum ne samjha ke Aap (Sallallahu Alaihi Wasallam) is din ka koi aur naam rakhein ge lekin Aap (Sallallahu Alaihi Wasallam) ne farmaya: Kya ye qurbani ka din nahi. Hum bole haan zaroor hai, phir Aap (Sallallahu Alaihi Wasallam) ne poocha ye mahina kaun sa hai? Hum ne kaha Allah aur is ke Rasul zyada jaante liye. Aap is martaba bhi khamosh ho gaye aur humein khayal hua ke Aap (Sallallahu Alaihi Wasallam) is mahina ka naam koi aur naam rakhein ge, lekin Aap ne farmaya kya ye Zi Al-Hijjah ka mahina nahi hai? Hum bole kyun nahi, phir Aap (Sallallahu Alaihi Wasallam) ne poocha ye shehar kaun sa hai? Hum ne arz ki Allah aur is ke Rasul behtar jaante hain, is martaba bhi Aap (Sallallahu Alaihi Wasallam) is tarah khamosh ho gaye ke hum ne samjha ke Aap (Sallallahu Alaihi Wasallam) is ka koi aur naam rakhein ge, lekin Aap (Sallallahu Alaihi Wasallam) ne farmaya ke ye hurmat ka shehar nahi hai? Hum ne arz ki kyun nahi zaroor hai, is ke baad Aap (Sallallahu Alaihi Wasallam) ne irshad farmaya bas tumhara khoon aur tumhare maal tum par isi tarah haram hain jaise is din ki hurmat is mahina aur is shehar mein hai, ta-aanke tum apne Rabb se ja milo. Kaho kya mein ne tum ko Allah ka paigham pohancha diya? Logon ne kaha ke haan. Aap (Sallallahu Alaihi Wasallam) ne farmaya Aye Allah! Tu gawah rehna aur haan! Yahan maujood ghayeb ko pohancha dein kyunke bohat se log jin tak ye paigham pohanche ga sunne walon se zyada (paigham ko) yaad rakhne wale sabit hon ge aur mere baad kafir na ban jana ke ek doosre ki (na-haq) gardanein maarne lago
.

Hum se Muhammad Bin Musanna ne bayan kiya, kaha hum se Yazid Bin Haroon ne bayan kiya, kaha hum ko Asim Bin Muhammad Bin Zaid ne khabar di, unhein un ke baap ne aur un se Ibn Umar (Radi Allahu Anhuma) ne bayan kiya ke Nabi Kareem (Sallallahu Alaihi Wasallam) ne Mina mein farmaya ke tum ko maloom hai! Aaj kaun sa din hai? Logon ne kaha ke Allah aur is ke Rasul zyada jaante hain. Nabi Kareem (Sallallahu Alaihi Wasallam) ne farmaya ke ye hurmat ka din hai aur ye bhi tum ko maloom hai ke ye kaun sa shehar hai? Logon ne kaha Allah aur is ke Rasul zyada jaante hain, Aap (Sallallahu Alaihi Wasallam) ne farmaya ke ye hurmat ka shehar hai aur tum ko ye bhi maloom hai ke ye kaun sa mahina hai, logon ne kaha Allah aur is ke Rasul zyada jaante hain, Nabi Kareem (Sallallahu Alaihi Wasallam) ne farmaya ke ye hurmat ka mahina hai phir farmaya ke Allah Ta'ala ne tumhara khoon! Tumhara maal aur izzat ek doosre par (na-haq) is tarah haram kar di hain jaise is din ki hurmat is mahina aur is shehar mein hai. Hisham Bin Ghaz ne kaha ke mujhe Nafi ne Ibn Umar (Radi Allahu Anhuma) ke hawale se khabar di ke Rasul Allah (Sallallahu Alaihi Wasallam) Hajjat-ul-Wida mein daswein tareekh ko jamrat ke darmiyan kharay hue thay aur farmaya tha ke dekho! Ye ( «Yaum-un-Nahr») Haj-e-Akbar ka din hai, phir Nabi Kareem (Sallallahu Alaihi Wasallam) ye farmane lage ke Aye Allah! Gawah rehna, Nabi Kareem (Sallallahu Alaihi Wasallam) ne is moqa par kyunke logon ko rukhsat kiya tha. (Aap samajh gaye ke wafat ka zamana aan pohancha) jab se log is Haj ko Hajjat-ul-Wida kehne lage
.

Mujh se Muhammad bin Musanna ne bayan kiya, unhon ne kaha hum se Yazid bin Haroon ne bayan kiya, unhon ne kaha hum ko Aasim bin Muhammad bin Zayd ne khabar di, unhon ne kaha mujhe mere walid aur in se Abdullah bin Umar razi Allahu anhuma ne bayan kiya ke Nabi Karim salla Allahu alaihi wasallam ne (Hajjat-ul-Wada) ke mauqa par Mina mein farmaya tum jaante ho yeh kaun sa din hai? Sahabah bole Allah aur us ke Rasool ko zyada ilm hai. Farmaya yeh hurmat wala din hai (phir farmaya) tum jaante ho yeh kaun sa shehar hai? Sahabah bole Allah aur is Rasool ko zyada ilm hai, farmaya yeh hurmat wala shehar hai. (Phir farmaya) tum jaante ho yeh kaun sa mahina hai? Sahabah bole Allah aur is ke Rasool ko zyada ilm hai, farmaya yahi hurmat wala mahina hai. Phir farmaya bilashubha Allah ne tum par tumhara (ek doosre ka) khoon, maal aur izzat isi tarah haram kiya hai jaise is din ko us ne tumhare is mahine mein aur tumhare is shehar mein hurmat wala banaya hai.

Mujh se Muhammad bin Abdullah ne bayan kiya , unhon ne kaha hum se Aasim bin Ali ne bayan kiya , unhon ne kaha hum Aasim bin Muhammad ne bayan kiya , in se Waqid bin Muhammad ne bayan kiya , unhon ne apne walid se suna ke Abdullah razi Allahu anhune kaha ke Rasool Allah salla Allahu alaihi wasallam ne Hajjat-ul-Wada ke mauqa par farmaya ”haan tum log kis cheez ko sab se zyada hurmat wali samajhte hu ?“ Logon ne kaha ke apne isi mahina ko . Nabi Karim salla Allahu alaihi wasallam ne farmaya ”haan , kis shehar kotum sab se zyada hurmat wala samajhte hu ?“ Logon ne jawab diya ke apne isi shehar ko . Nabi Karim salla Allahu alaihi wasallam ne daryaft farmaya ”haan , kis din kotum sab se zyada hurmat wala khayal karte hu ?“ Logon ne kaha ke apne isi din ko . Nabi Karim salla Allahu alaihi wasallam ne اب farmaya ”phir bilashubha Allahne tumhare khoon , tumhare maal aur tumhari izzaton ko hurmat wala qarar diya hai , siwa is ke haq ke , jaisa ke is din ki hurmat is shehar aur is mahina mein hai . Haan! kiya main ne tumhein pahuncha diya .“ Teen martaba Aap salla Allahu alaihi wasallam ne farmaya aur har martaba sahabah ne jawab diya ke ji haan , pahuncha diya . Nabi Karim salla Allahu alaihi wasallam ne farmaya ”afsos meere baadtum kafir na ban jaana ke ek doosre ki gardan maarne lago .“

`Hum se Masaddad ne bayan kiya, kaha hum se Yahya Qattan ne bayan kiya, kaha hum se Qurra bin Khalid ne bayan kiya, kaha hum se Ibn Sireen ne bayan kiya, un se Abdur Rahman bin Abi Bakra ne bayan kiya aur ek doosre shakhs (Hamid bin Abdur Rahman) se bhi suna jo meri nazar mein Abdur Rahman bin Abi Bakra se acche hain aur un se Abu Bakra Radi Allahu Anhu ne bayan kiya ke Rasul صلی اللہ علیہ وسلم ne logon ko Yaum-un-Nahr ko khutba diya aur farmaya ”Tumhein maloom hai yeh kaun sa din hai?“ Logon ne kaha ke Allah aur us ke Rasul ko zyada ilm hai. Bayan kiya ke (is ke baad Nabi Kareem صلی اللہ علیہ وسلم ki khamoshi se) hum yeh samjhe ke Aap صلی اللہ علیہ وسلم is ka koi aur naam rakkhein ge. Lekin Aap صلی اللہ علیہ وسلم ne farmaya ”Kya yeh qurbani ka din (Yaum-un-Nahr) nahi hai?“ Hum ne arz kiya: kyun nahi, ya Rasul Allah! Aap ne phir poocha ”Yeh kaun sa shehar hai? Kya yeh al-Balda (Makkah Mukarrama) nahi hai?“ Hum ne arz kiya: kyun nahi, ya Rasul Allah! Nabi Kareem صلی اللہ علیہ وسلم ne farmaya ”Phir tumhara khoon, tumhare maal, tumhari izzat aur tumhari khaal tum par isi tarah hurmat wale hain jis tarah is din ki hurmat is mahine aur is shehar mein hai. Kya mein ne pahuncha diya?“ Hum ne kaha ji haan. Nabi Kareem صلی اللہ علیہ وسلم ne farmaya ”Ae Allah! gawah rehna. Pas mera yeh paigam maujood log gair-maujood logon ko pahuncha dein kyunke bahut se pahunchane wale is paigam ko is tak pahunchayein ge jo is ko zyada mahfooz rakhne wala ho ga.“ Chunancha aisa hi hua aur Nabi Kareem صلی اللہ علیہ وسلم ne farmaya ”Mere baad kafir na ho jaana ke baaz baaz ki gardan maarne lago.“ Phir jab wo din aaya jab Abdullah Amr bin Hazrami ko Jariya bin Qudama ne ek makan mein gher kar jala diya to Jariya ne apne lashkar walon se kaha zara Abu Bakra ko to jhaanko wo kis khayal mein hai. Unhon ne kaha yeh Abu Bakra maujood hain tum ko dekh rahe hain. Abdur Rahman bin Abi Bakra kehte hain mujh se meri walida Hala bint Galeez ne kaha ke Abu Bakra ne kaha agar yeh log (teen Jariya ke lashkar wale) mere ghar mein bhi ghus aayein aur mujh ko maarne lagein to mein un par ek baans ki chhari bhi nahi chalaoon ga.

`Hum se Ahmad bin Ishkab ne bayan kiya, unhon ne kaha hum se Muhammad bin Fuzail ne bayan kiya, un se un ke walid ne bayan kiya, un se Ikrima ne bayan kiya aur un se Abdullah bin Abbas Radi Allahu Anhuma ne bayan kiya ke Nabi Kareem صلی اللہ علیہ وسلم ne farmaya ”Mere baad kafir na ho jaana ke tum mein baaz baaz ki gardan maarne lage.“