Hum se Abdullah Bin Maslama Qanabi ne bayan kiya unhon ne kaha ke hum se Imam Malik (Rahimahullah) ne bayan kiya, un se Muhammad Bin Abdul Rahman Bin Naufal ne, un se Urwah ne bayan kiya, un se Zainab Bint Umm-e-Salama ne, un se Umm-e-Salama (Radi Allahu Anha) ne ke mein ne Rasul Allah (Sallallahu Alaihi Wasallam) se shikayat ki ke mein bimar ho gayi hoon. Aap (Sallallahu Alaihi Wasallam) ne farmaya phir logon ke peeche se sawar ho kar tawaf kar le. Chunancha mein ne jab tawaf kiya to us waqt Rasul Allah (Sallallahu Alaihi Wasallam) Bait Allah ke pehlu mein (namaz ke andar) «Watturi Wa Kitabim Mastur» ki qirat kar rahe thay
.

Hum se Abdullah bin Yusuf ne bayan kiya , kaha humein Imam Malik rahimahullah alaihi ne Muhammad bin Abdur Rahman bin Nawfal se khabar di , unhon ne Urwah bin Zubair se . Unhon ne Zainab bint Abi Salama se , unhon ne Umm ul Momineen Umm Salama se , woh kehti hain ke mein ne Rasool Allah salla Allahu alaihi wa sallam se Hajjat ul-Wada mein apni beemari ka shikwa kiya mein ne kaha ke mein paidal tawaf nahi kar sakti to aap salla Allahu alaihi wa sallam ne farmaya ke logon ke peechay reh aur sawar ho kar tawaf kar . Pas mein ne tawaf kiya aur Rasool Allah salla Allahu alaihi wa sallam is waqt Baitullah ke qareeb namaz mein ayat wal-toor wa kitab mastoor ki tilawat kar rahe thay .

Hum se Ismail bin Abi Uwais ne byaan kiya , unhon ne kaha ke hum se Imam Malik rahmatullah alaihi ne byaan kiya , un se Muhammad bin Abdul Rahman bin Naufal ne byaan kiya , un se Urwah bin Zubayr ne byaan kiya , un se Zainab bint Abi Salamah ne , un se Nabi Karim salla Allahu alaihi wasallam ki zauja-e-mutahharah Umm Salamah razi Allahu anha ne byaan kiya , unhon ne kaha ke maine Rasool Allah salla Allahu alaihi wasallam se apne bimar hone ki shikayat ki (ke main paidal tawaf nahi kar saki) to Aap salla Allahu alaihi wasallam ne farmaya ke sawari par charh kar aur logon se alahida reh kar tawaf kar le . Chunanche maine aam logon se alag reh kar tawaf kiya . Is waqt Rasool Allah salla Allahu alaihi wasallam Kaaba ke pehlu mein namaaz parh rahe thay aur Aap salla Allahu alaihi wasallam «wat-toori wa-kitabim-mastoor» qira'at kar rahe thay .

Hum se Abdullah Bin Yusuf Tanisi ne bayan kiya, unhon ne kaha ke humein Imam Malik (Rahimahullah) ne khabar di, unhein Muhammad Bin Abdul Rahman ne, unhein Urwah ne, unhein Zainab ne aur unhein Umm-ul-Momineen Umm-e-Salama (Radi Allahu Anha) ne ke mein ne Rasul Allah (Sallallahu Alaihi Wasallam) se shikayat ki. (Doosri sanad) Imam Bukhari (Rahimahullah) ne kaha ke mujh se Muhammad Bin Harb ne bayan kiya, unhon ne kaha ke hum se Abu Marwan Yahya Ibn Abi Zakariya Ghassani ne bayan kiya, un se Hisham ne, un se Urwah ne aur un se Nabi Kareem (Sallallahu Alaihi Wasallam) ki zauja mutahira Umm-e-Salama (Radi Allahu Anha) ne ke Rasul Allah (Sallallahu Alaihi Wasallam) jab Makkah mein thay aur wahan se chalne ka irada hua to Umm-e-Salama (Radi Allahu Anha) ne Kaabah ka tawaf nahi kiya aur wo bhi rawangi ka irada rakhti theen Aap (Sallallahu Alaihi Wasallam) ne un se farmaya ke jab subah ki namaz khari ho aur log namaz parhne mein mashghool ho jayein to tum apni ontni par tawaf kar lena. Chunancha Umm-e-Salama (Radi Allahu Anha) ne aisa hi kiya aur unhon ne bahar nikalne tak tawaf ki namaz nahi parhi
.

Hum se Abdullah bin Yusuf ne byaan kiya , kaha hum ko Imam Malik ne khabar di , unhein Muhammad bin Abdur Rahman bin Naufal ne , unhein Urwah ne , unhein Zaynub bint Abi Salamah ne aur un se Umm al-Momineen Umm Salamah razi Allahu anha ne byaan kiya ke (Hajj ke mauqa par) main ne Rasool Allah salla Allahu alaihi wasallam se kaha ke main beemar hoon Aap salla Allahu alaihi wasallam ne farmaya ke phir sawari par baith kar logon ke peeche se tawaf kare chunanche main ne tawaf kiya aur Nabi Karim salla Allahu alaihi wasallam is waqt Khana Kaaba ke pehlu mein namaz parhte huay Surah wat-Toor wa Kitabim Mastoor ki tilawat kar rahe thay .