Hum se Qutaybah bin Saeed ne byaan kiya , unhon ne kaha ke hum se Hammad bin Zayd ne byaan kiya , unhon ne kaha ke hum se Ayub ne , un se Saeed bin Jubayr ne aur un se Abdullah bin Abbas razi Allahu anhuma ne byaan kiya ke ek shakhs Nabi Karim salla Allahu alaihi wasallam ke saath maidan-e-Arafah mein waqoof kiye huay tha ke woh apne ounth se gir para aur ounth ne unhein kuchal diya . Rasool Allah salla Allahu alaihi wasallam ne farmaya ke unhein paani aur beri ke patton se ghusl de kar do kapron ka kafan do , khushbu na lagao aur na sar dhako kyonke Allah Ta'ala Qayamat ke din unhein Labbaik kehte huay uthaye ga .

Hum se Abu al-Numan ne byaan kiya , kaha ke hum se Hammad ne , un se Ayub ne , un se Saeed bin Jubayr ne aur un se Ibn Abbas razi Allahu anhuma ne byaan kiya ke ek shakhs maidan-e-Arafah mein (ihram baandhe huay) khara hua tha ke apni sawari se gir para aur sawari ne unhein kuchal diya . Ya ( «waqasathu» ke bajaye yeh lafz) «awqasathu» kaha . Nabi Karim salla Allahu alaihi wasallam ne un ke liye farmaya ke paani aur beri ke patton se ghusl de kar do kapron mein unhein kafan do aur yeh bhi hidayat farmayi ke unhein khushbu na lagao aur na un ka sar chhupao . Kyonke yeh Qayamat ke din Labbaik kehta hua uthe ga .

Hum se Abu al-Numan ne byaan kiya , unhon ne kaha ke hum ko Abu Awanah ne khabar di , unhein Abu Bishr Jafar ne , unhein Saeed bin Jubayr ne , unhein Abdullah bin Abbas razi Allahu anhuma ne ke ek martaba hum log Nabi Karim salla Allahu alaihi wasallam ke saath ihram baandhe huay thay ke ek shakhs ki gardan is ke ounth ne tor daali . To Nabi Karim salla Allahu alaihi wasallam ne farmaya ke unhein paani aur beri ke patton se ghusl de do aur kapron ka kafan do aur khushbu na lagao na un ke sar ko dhako . Is liye ke Allah Ta'ala unhein uthaye ga . Is haalat mein ke woh Labbaik pukarta ho ga .

Hum se Musaddad ne byaan kiya , un se Hammad bin Zayd ne , un se Amr aur Ayub ne , un se Saeed bin Jubayr ne aur un se Ibn Abbas razi Allahu anhuma ne ke ek shakhs Nabi Karim salla Allahu alaihi wasallam ke saath maidan-e-Arafat mein khara hua tha , achanak woh apni sawari se gir para . Ayub ne kaha ountni ne us ki gardan tor daali . Aur Amr ne yoon kaha ke ountni ne us ko girte hi maar daala aur is ka intiqal ho gaya to Aap salla Allahu alaihi wasallam ne farmaya ke ise paani aur beri ke patton se ghusl do aur do kapron ka kafan do aur khushbu na lagao na sar dhako kyonke Qayamat mein yeh uthaya jaye ga . Ayub ne kaha ke (yani) talbiya kehte huay (uthaya jaye ga) aur Amr ne (apni riwayat mein «mulabbi» ke bajaye) «mulabbiyan» ka lafz naqal kiya . (yani Labbaik kehta hua uthe ga) .

Hum se Qutaiba ne bayan kiya, kaha ke hum se Jareer ne bayan kiya, un se Mansoor ne, un se Hakam ne, un se Saeed Bin Jubair ne aur un se Ibn Abbas (Radi Allahu Anhuma) ne bayan kiya ke ek muhrim shakhs ke ont ne Hajjat-ul-Wida ke mauqe par is ki gardan (gira kar) tod di aur usay jaan se maar diya, is shakhs ko Rasul Allah (Sallallahu Alaihi Wasallam) ke samne laya gaya to aap ne farmaya ke unhein ghusl aur kafan de do lekin un ka sar na dhako aur na khushboo lagao kyunke (qayamat mein) ye labbaik kehte hue utthe ga
.

Hum se Sulaiman Bin Harb ne bayan kiya, unhon ne kaha ke hum se Hammad Bin Zaid ne bayan kiya, un se Amr Bin Dinar ne bayan kiya, un se Saeed Bin Jubair ne bayan kiya aur un se Abdullah Bin Abbas (Radi Allahu Anhuma) ne kaha ke maidan-e-Arafat mein ek shakhs Nabi Kareem (Sallallahu Alaihi Wasallam) ke sath thehra hua tha ke apni ontni se gir para aur is ontni ne is ki gardan tod dali, Nabi Kareem (Sallallahu Alaihi Wasallam) ne farmaya ke pani aur beri ke patton se usay ghusl do aur ihram hi ke do kapron ka kafan do lekin khushboo na lagana na is ka sar chupana kyunke Allah Ta'ala qayamat mein usay labbaik kehte hue uthaye ga
.

Hum se Sulaiman Bin Harb ne bayan kiya, unhon ne kaha ke hum se Hammad Bin Zaid ne bayan kiya, un se Ayyub ne bayan kiya, un se Saeed Bin Jubair ne bayan kiya aur un se Abdullah Bin Abbas (Radi Allahu Anhuma) ne ke ek shakhs Nabi Kareem (Sallallahu Alaihi Wasallam) ke sath Arafat mein thehra hua tha ke apni ontni se gir para aur is ne is ki gardan tod di, to Nabi Kareem (Sallallahu Alaihi Wasallam) ne farmaya ke usay pani aur beri se ghusl de kar do kapron (ihram walon hi mein) kafna do lekin khushboo na lagana, na sar chupana aur na hanoot lagana kyunke Allah Ta'ala qayamat mein usay labbaik pukaarte hue uthaye ga
.

Hum se Yaqub Bin Ibrahim ne bayan kiya, unhon ne kaha hum se Hushaim ne bayan kiya, unhon ne kaha humein Abu Bishr ne khabar di, unhon ne kaha ke humein Saeed Bin Jubair ne khabar di aur unhein Ibn Abbas (Radi Allahu Anhuma) ne ke ek shakhs Nabi Kareem (Sallallahu Alaihi Wasallam) ke sath maidan-e-Arafat mein tha ke is ke ont ne gira kar is ki gardan tod di. Wo shakhs muhrim tha aur mar gaya. Nabi Kareem (Sallallahu Alaihi Wasallam) ne ye hidayat di ke usay pani aur beri ka ghusl aur (ihram ke) do kapron ka kafan diya jaye albatta is ko khushboo na lagao na is ka sar chupao kyunke qayamat ke din wo labbaik kehta hua utthe ga
.