Sadaqah ne hum se bayan kiya, unhein Ibn-e-’Uyainah ne Ma’mar ke waaste se khabar di, woh Zohri se riwayat karte hai , Zohri Hind se, woh Umme Salamah Radhiallahu Anha se, (doosri sanad mein) ’Amr aur Yahya bin Sa’eed Zohri se, woh ek aurat se, woh Umme Salamah Radhiallahu Anha se riwayat karti hain ke ek raat Nabi Kareem Sallallahu Alaihi Wasallam ne bedaar hote hi farmaaya ke Sub-han Allah! Aaj ki raat kis qadr fitne utaare gaye hain aur kitne hi khazaane bhi khole gaye hain. In hujra waaliyon ko jagaao. Kiunki bahut si aurtein (jo) duniya mein (bareek) kapda pahanne waali hain woh aakhirat main nangi hongi.

Hum se Muhammad bin Muqatil ne byaan kiya , unhen Abdullah bin Mubarak ne khabar di , unhen Ma'mar ne khabar di , unhen Zuhri ne , unhen Hind bint Harisah ne aur unhen Umm Salamah razi Allahu anha ne ke Nabi Karim salla Allahu alaihi wasallam aik raat jaage to farmaya Subhan Allah! aaj raat kya kya balayen utri hain aur saath hi (rehmat aur inayat ke) kaise khazane nazil huay hain . In hujre walion (azwaj mutahharat rizwanullahi alaihinn) ko koi jagane wala hai afsos! ke dunya mein bohat si kapray pehanne wali auraten aakhirat mein nangi hon gi .

Aur Zuhri se riwayat hai, un se Hind bint al-Harith ne bayan kiya ke Umm-e-Salamah Radi Allahu Anha ne bayan kiya ke Nabi Kareem Sallallahu Alaihi Wa Sallam bedar hue to farmaya "Subhan Allah! Kaise kaise khazane utre hain (jo Musalmanon ko milenge) aur kya kya fitne-o-fasad utre hain."

Hum se Abdullah bin Muhammad Musandi ne bayan kiya , unhon ne kaha hum se Hisham bin Yusuf San-aani ne bayan kiya , unhon ne kaha hum ko Mamar bin Rashid ne khabar di , unhein Zuhri ne khabar di , unhein Hind bint Haris ne khabar di aur in se Umm Salamah razi Allahu anha ne bayan kiya ke Nabi Karim salla Allahu alaihi wasallam raat ke waqt bedar huay aur kaha Allah ke siwa koi mabood nahi , kaisi kaisi balaein is raat mein nazil ho rahi hain aur kya kya rahmatein is ke khazanon se utar rahi hain . Koi hai jo in hujra waliyon ko bedar kar de . Dekho bahut si duniya mein pehnne oarhne waliyaan aakhirat mein nangi hon gi . Zuhri ne bayan kiya ke Hind apni aastinon mein ungliyon ke darmiyan ghundiyaan lagati thien , taake sirf ungliyaan khulein is se aage na khule .

Hum se Abu al-Yaman ne bayan kiya, kaha hum ko Shuayb ne khabar di, unhein Zuhri ne, in se Hind bin Haris ne bayan kiya ke Umm Salamah razi Allahu anha ne bayan kiya ke Nabi Karim salla Allahu alaihi wasallam (raat mein) bedar huay aur farmaya ”Subhan-allah! Allah ki rahmat ke kitne khazane aaj nazil kiye gaye hain aur kis tarah ke fitne bhi utaare gaye hain. Kaun hai! Jo in hujra waliyon ko jagaye.“ Nabi Karim salla Allahu alaihi wasallam ki murad azwaj e mutahharat se ku taake woh namaz parh lein kyunke bahut si duniya mein kapre pehnne waliyaan aakhirat mein nangi hon gi. Aur Ibn Abi Sawr ne bayan kiya, in se Ibn Abbas razi Allahu anhuma ne aur in se Umar razi Allahu anhu ne bayan kiya ke main ne Rasool Allahsalla Allahu alaihi wasallam se poochha, kiya Aap ne azwaj e mutahharat ko talaq de di hai? Nabi Karim salla Allahu alaihi wasallam ne farmaya ke nahi. Main ne kaha Allahu-akbar!

`Hum se Abul Yaman ne bayan kiya, kaha hum ko Shuaib ne khabar di, unhein Zuhri ne. (doosri sanad Imam Bukhari Rahimahullah ne kaha) aur hum se Ismail ne bayan kiya, un se un ke bhai ne bayan kiya, un se Sulaiman ne, un se Muhammad bin Aqeeq ne, un se Ibn Shihab ne ‘ un se Hind bint al-Haris al-Firasiya ne ke Nabi Kareem صلی اللہ علیہ وسلم ki zauja-e-mutahhara Umm-e-Salama Radi Allahu Anha ne bayan kiya ke ek raat Rasul Allah صلی اللہ علیہ وسلم ghabraye hue bidaar hue aur farmaya Allah ki zaat paak hai. Allah Ta'ala ne kya kya khazane nazil kiye hain aur kitne fitne utare hain in hujra waliyon ko koi bidaar kyun na kare Aap ki murad azwaj-e-mutahharat se thi taake yeh namaz parhein. Bahut se duniya mein kapre bareek pehne waliyan aakhirat mein nangi hon gi.