Hum se Abul Yamaan ne byaan kiya , kaha ke hamein Shuayb ne Zuhri se khabar di , unhon ne kaha ke mujhe Urwah ne Abu Humaid Sa'idi razi Allahu anhu se khabar di ke Nabi Karim salla Allahu alaihi wasallam namaaz e Isha ke baad kharay hue . Pehle aap ne kalimah shahadat parha , phir Allah Ta'ala ke layeq us ki tareef ki , phir farmaya «Amma ba'd» ! Zuhri ke sath is riwayat ki mutabi'at Abu Muawiyah aur Abu Usamah ne Hisham se ki , unhon ne apne waalid Urwah se is ki riwayat ki , unhon ne Abu Humaid se aur unhon ne Nabi Karim salla Allahu alaihi wasallam se ke Aap salla Allahu alaihi wasallam ne farmaya «Amma ba'd» ! aur Abul Yamaan ke sath is hadees ko Muhammad bin Yahya ne bhi Sufyan se riwayat kiya . Is mein sirf «Amma ba'd» hai .