Imam Bukhari rahimahullah ne kaha main ne Abdullah bin Zubayr Humaydi ko dekha woh isi hadees se yeh daleel lete thay ke namaaz mein apni peshani na ponchhe .

Hum se Muslim bin Ibrahim ne byaan kiya , kaha ke hum se Hisham Dastuwai ne Yahya bin Abi Kathir se byaan kiya un se Abu Salamah bin Abdur Rahman ne unhon ne kaha ke main ne Abu Saeed Khudri razi Allahu anhu se darkhwast kiya to Aap ne batlaya ke main ne Rasool Allah salla Allahu alaihi wasallam ko keechad mein sajda karte huay dekha . Mitti ka asar Aap salla Allahu alaihi wasallam ki peshani par saaf zahir tha .