Aur Zuhri ne kaha Allah ki taraf se paigham bheijna aur is ke Rasool par Allahka paigham pahunchana aur hamare oopar is ka tasleem karna hai . Aur (Surah al-Jinn) mein farmaya «li-ya-lama an qad ab-laghoo risalaati rab-bihim» ”is liye ke woh Paighambar jaan le ke farishton ne apne maalik ka paigham pahuncha diya .“ Aur (Surah al-A'raaf) mein (Nooh alaihissalam aur Hood alaihissalam ki zabanon se) farmaya «ubal-lighukum risalaati rab-bee» ”maintum ko apne maalik ke paighamaat pahunchata hoon .“ Aur Kabb bin Malik jab Nabi Karim salla Allahu alaihi wasallam ko chhorr kar Ghazwa e Tabook mein peeche reh gaye thay unhon ne kaha anqareeb Allah aur is ka Rasool tumhare kaam dekh le ga aur Aisha razi Allahu anha ne kaha jab tujhko kisi ka kaam achha lage to yun keh ke amal kiye jao Allah aur is ka Rasool aur Musalman tumhara kaam dekh lein ge , kisi ka naik amal tujhko dhoka mein na daale . Aur Mamar ne kaha (Surah al-Baqarah mein) yeh jo farmaya «zhaalikal-kitaabu» to kitab se murad Quran hai . «hudan lil-mut-taqeena» woh hidayat karne wala hai yani sacha raasta batane wala hai parhezgaron ko .“ Jaise (Surah al-Mumtahina) mein farmaya «zhaalikum hukmul-laahi» ”yeh Allahka hukm hai is mein koi shak nahi“ yani bila shak yeh Allah kiutaari hui aayat hain yani Quran ki nishaniyaan (matlab yeh hai ke donon aayat mein «zhaalika» se «haazhaa» murad hai) is ki misal yeh hai ke jaise (Surah Yusuf mein) «wa jarayna bi-him» se «wa jarayna bi-kum» murad hai aur Anas ne kaha ke Nabi Karim salla Allahu alaihi wasallam ne in ke mamoon Haram bin Milhan ko in ki qaum Bani Aamir ki taraf bheija . Haram ne in se kaha kiyatum mujhko aman do ge ke main Nabi Karim salla Allahu alaihi wasallam ka paighamtum ko pahuncha doon aur in se baatein karne lage .

Hum se Fadl bin Yaqub ne bayan kiya , unhon ne kaha hum se Abdullah bin Jafar al-Raq-qi ne bayan kiya , in se Mutamir bin Sulayman ne bayan kiya , in se Saeed bin Ubaidullah Saqafi ne bayan kiya , in se Bakr bin Abdullah Muzni aur Ziyad bin Jubayr bin Hayyah ne bayan kiya , in se Mugheera bin Shubah razi Allahu anhune (Iran ki fauj ke samne) kaha ke hamare Nabi salla Allahu alaihi wasallam ne hamain apne Rabb ke paighamaat mein se yeh paigham pahunchaya ke ham mein se jo (fi sabilillaah) qatl kiya jaye ga woh jannat mein jaye ga .