Hum se Musaddad bin Musarhad ne byaan kiya , kaha ke hum se Abul Ahwas Salam bin Saleem ne byaan kiya , kaha ke hum se Ashath bin Saleem ne byaan kiya apne walid ke wastay se , unhon ne Masrooq bin Ajda se , unhon ne Aishah razi Allahu anha se Aap ne batlaya ke main ne Rasool Allah salla Allahu alaihi wasallam se namaaz mein idhar udhar dekhne ke bare mein poocha . Aap salla Allahu alaihi wasallam ne farmaya ke yeh to daka hai jo shaytan bande ki namaaz par daalta hai .