Hum se Abdullah bin Muhammad Musandi ne bayan kiya , kaha hum se Sufyan bin Uyaynah ne , unhon ne Amr bin Dinar ne , unhon ne Abu al-Aas (Saib bin Farookh) se , unhon ne Abdullah bin Umar raziAllahu anhuma se , unhon ne kaha Nabi Karim salla Allahu alaihi wasallam ne Taif walon ko gher liya , is ko fatah nahi kiya . Aakhir Aap salla Allahu alaihi wasallam ne farmaya kal Allahne chaha to hum Madinah ko laut chalein ge , is par Musalman bole wah hum fatah kiye baghair laut jayein , Aap ne farmaya ke aisa hai to phir kal sawere larayi shuru karo , subah ko Musalman larnay lage lekin (qila fatah nahi hua) Musalman zakhmi huay . Phir Aap salla Allahu alaihi wasallam ne farmaya ke subah ko Allahne chaha to hum Madinah laut chalein ge , is par Musalman khush huay , Musalmanon ka yeh haal dekh kar Nabi Karim salla Allahu alaihi wasallam muskuraye .