Hum se Yahya bin Qaza-a ne bayan kiya , unhon ne kaha hum se Ibrahim ne bayan kiya , in se Ibn Shihab ne bayan kiya , in se Abu Salamah ne bayan kiya , aur in se Aaraj ne bayan kiya (doosri sanad) aur hamase Ismail ne bayan kiya , unhon ne kaha mujh se meere bhai ne bayan kiya , in se Sulayman ne bayan kiya , in se Muhammad bin Abi Ateeq ne bayan kiya , in se Ibn Shihab ne bayan kiya , in se Muhammad bin Abi Ateeq ne bayan kiya , in se Ibn Shihab ne bayan kiya in se Abu Salamah bin Abd-ur-Rahman aur Saeed bin al-Musayyab ne bayan kiya ke Abu Hurairyah razi Allahu anhune bayan kiya ke ek Musalman aur ek Yahudi ne aapas mein jhagra kiya . Musalman ne kaha ke is zaat ki qasam jis ne Muhammad salla Allahu alaihi wasallam ko tamam duniya mein chun liya aur Yahudi ne kaha ke is zaat ki qasam jis ne Musa alaihissalam ko tamam duniya mein chun liya is par Musalman ne hath uthaya aur Yahudi ko tamancha maar diya . Yahudi Nabi Karim salla Allahu alaihi wasallam ke paas aaya aur is ne apna aur Musalman ka muamla Aap se zikr kiya . Nabi Karim salla Allahu alaihi wasallam ne farmaya ke mujhe Musa alaihissalam par tarjeeh na do , tamam log Qayamat ke din pehla soor phoonkne par be-hosh kar diye jayein ge . Phir doosra soor phoonkne par main sab se pehle bedar hoon ga lekin main dekhoon ga ke Musa alaihissalam arsh ka ek kinara pakre huay hain , اب mujhe maloom nahi ke kiya woh in mein thay jinhein be-hosh kiya gaya thu aur mujh se pehle hi unhein hosh aa gaya ya unhein Allah Ta'ala ne istis-naa kar diya thu .