Hum se Hafs bin Umar Haudhi ne bayan kiya, kaha hum se Hisham Dastawai ne bayan kiya, in se Qatadah ne aur in se Anas razi Allahu anhune ke Nabi Karim salla Allahu alaihi wasallam ne farmaya ”kuch log in gunahon ki wajah se jo unhon ne kiye hon ge, aag se jhulsa jayein ge yeh in ki saza ho gi. Phir Allah apni rahmat se unhein jannat mein dakhil kare ga aur unhein «jahannumiy-yoona» kaha jaye ga.“ Aur Humam ne bayan kiya, in se Qatadah ne, in se Anas razi Allahu anhune Nabi kareem salla Allahu alaihi wasallam se yahi hadees bayan ki.