Hum se Ibrahim bin al-Munzhir ne bayan kiya, unhon ne kaha mujh se Muhammad bin Falih ne bayan kiya, unhon ne kaha mujh se mere walid ne bayan kiya, unhon ne kaha mujh se Hilal ne bayan kiya, in se Ata bin Yasar ne aur in se Abu Hurairah razi Allahu anhu ne bayan kiya ke Nabi Karim salla Allahu alaihi wasallam ne farmaya ”jo Allah aur is ke Rasool par iman laya, namaz qaim ki, Ramzan ke roze rakkhe to Allah par haq hai ke usay jannat mein dakhil kare. Khwah us ne Hijrat ki ho ya wahien muqeem raha ho jahan is ki paidaish hui thi.“ Sahabah ne kaha: ya Rasool Allah! kya hum is ki ittila logon ko na de dein? Nabi Karim salla Allahu alaihi wasallam ne farmaya ke jannat mein sau darjay hain jinhein Allah Ta'ala ne apne raaste mein jihad karne walon ke liye tayyar kiya hai, har do darjon ke darmiyan itna fasila hai jitna aasman o zameen ke darmiyan hai. Pas jab tum Allah se sawal karo to Firdous ka sawal karo kyunke woh darmiyana darjay ki jannat hai aur buland tareen aur is ke oopar Rahman ka arsh hai aur isi se jannat ki neharein nikalti hain.“